Divya Bhaskar

Home » Gujarat » Bhuj » Rapar » રાપરમાં લોહાણા સમાજ દ્વારા નિર્મિત રઘુવંશી નગરમાં લાંબા સમયથી

રાપરમાં લોહાણા સમાજ દ્વારા નિર્મિત રઘુવંશી નગરમાં લાંબા સમયથી

Divyabhaskar.com | Updated - Mar 09, 2018, 04:30 AM

રાપરમાં લોહાણા સમાજ દ્વારા નિર્મિત રઘુવંશી નગરમાં લાંબા સમયથી સતાવતી અનિયમિત પાણી વિતરણની સમસ્યાથી ત્રસ્ત...

  • રાપરમાં લોહાણા સમાજ દ્વારા નિર્મિત રઘુવંશી નગરમાં લાંબા સમયથી

    રાપરમાં લોહાણા સમાજ દ્વારા નિર્મિત રઘુવંશી નગરમાં લાંબા સમયથી સતાવતી અનિયમિત પાણી વિતરણની સમસ્યાથી ત્રસ્ત મોટા ભાગના પરિવારો અન્યત્ર ચાલ્યા જતાં હાલે આ નગર સૂમસામ ભાસી રહ્યું છે. એક સમયે અહિં 50 જેટલા કુટુંબ વસવાટ કરતા હતા હાલે માત્ર 8 મકાનોમાંજ લોકો રહે છે.

    રાપરથી એક કિલો મીટરના અંતરે આવેલી આ વસાહતમાં પાણી, ગટર અને સફાઇ સહિતની પ્રાથમિક સુવિધાના નામે શૂન્ય હોતાં અહિ રહેતા પરિવારોને નાછૂટકે હિજરત કરવી પડી છે. રઘુવંશી નગરના રહીશોને રૂબરૂ પૂછતાં જાણવા મળ્યા મુજબ એક સમયે 50 પરિવારના 500 જેટલા લકો રહેતા હતા પણ પાણી જેવી મૂળભૂત જરૂરિયાત ન સંતોષાતાં અન્ય સ્થળે રહેવા ચાલ્યા ગયા છે

    ...અનુસંધાન પાના નં.13





    પરિણામે એક સમયે ધમધમતું નગર હાલે સૂનકાર ભાસે છે. સોસાયટી બની તેને દોઢ દાયકો વીતી ગયો હોવા છતાં કચરા પેટી મુકાઇ નથી અને ગટરના જોડાણ પણ આપવામાં આવ્યા નથી જેને કારણે ખુલ્લામાં શૌચ માટે જવું પડે છે. પાણી ન મળતું હોવાથી નગરની પાછળ આવેલા આઢવાળા તળાવના દુષિત પાણીનો હાલે ઉપયોગ કરવો પડે છે. તંત્ર દ્વારા તાકીદે પ્રાથમિક સુવિધાઓ નહિ પૂરી પાડવામાં આવે તો ખાલી પડેલાં મકાનો ખંડેર બની જશે તેવી ભીતી રહેવાસીઓએ દર્શાવી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending