Divya Bhaskar

Home » Gujarat » Bharuch-Narmada » Rajpardi » રાજપારડીમાં વેપારીઓએ ગરમીથી બચવા તાડપત્રી બાંધી

રાજપારડીમાં વેપારીઓએ ગરમીથી બચવા તાડપત્રી બાંધી

Divyabhaskar.com | Updated - Apr 07, 2018, 02:30 AM

આકરો ઉનાળો | આકરા તાપના અનુભવને લઇને વિવિધ નુસખાઓ અજમાવી રહ્યા છે : બપોરના સમયે બજારો સુમસામ બની જાય છે

  • રાજપારડીમાં વેપારીઓએ ગરમીથી બચવા તાડપત્રી બાંધી
    ઝગડિઆ તાલુકાના રાજપારડી નગરમાં સ્થાનિક વેપારીઓએ ગરમીથી બચવા તાડપત્રી બાંધવાનો નુસખો અપનાવ્યો છે. જેનાથી ગ્રાહકો તેમજ વેપારીઓને ગરમીથી રાહત થઇ છે. ચાલુ સાલે ઉનાળાના પ્રારંભના દિવસોમાં આકરી ગરમીની શરૂઆત થવા પામી હતી જેને લઇને લોકો ત્રસ્ત બન્યા છે.

    કાળઝાળ ગરમીથી બચવા નગરજનો વિવિધ નુસખાઓ અજમાવતા હોઇ છે. જેમાં લોકો પોત પોતાની દુકાનો,મકાનોમાં કુલરો, એ.સી,પંખા, જેવા ઉપકરણો ચલાવીને ગરમીથી રક્ષણ મેળવે છે. નગરના સ્થાનિક શોપિંગ સેન્ટરોમાં વેપારીઓએ કાળઝાળ ગરમીથી રક્ષણ કરવા તાડપત્રી બાંધી છે.

    વેપારીઓએ નવતર નુસખો આજમાવતા બજારોમાં ફરતા રાહદારીઓ અને વેપારીઓની ગરમીમાં ઠંડકનો એહસાસ થયો છે. આકરી ગરમીના પગલે કેટલાક દુકાનદારોએ પાણીના જગ પોતાની દુકાનોની બહાર મુકયા છે અને માનવતાનુ ઉદાહરણ પુરૂ પાડ્યુ છે. ઉનાળાની શરૂઅાતથી જ આકાશમાંથી અગનગોળા વરસી રહયાં હોવાથી લોકો ગરમીથી ત્રાહિમામ પોકારી ઉઠયાં છે.

    રાજપારડીમાં વેપારીઓએ ગરમીથી બચવા માટે નવો નુસખો અપનાવ્યો છે. તસવીર : ફારૂક ખત્રી

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending