Divya Bhaskar

Home » Gujarat » Bhuj » Mundra » બે દિ’થી હાઈવેના નાળા પર ટ્રેઈલરનો અડીંગો

બે દિ’થી હાઈવેના નાળા પર ટ્રેઈલરનો અડીંગો

Divyabhaskar.com | Updated - Feb 21, 2018, 05:00 AM

ગાંધીધામ નજીક નેશનલ હાઈવે પર સોમવારના વહેલી સવારે ચાલકે સંભવીત રાજાપાઠની સ્થીતીમાં ટ્રેઈલર સાથે કારને...

  • બે દિ’થી હાઈવેના નાળા પર ટ્રેઈલરનો અડીંગો

    ગાંધીધામ નજીક નેશનલ હાઈવે પર સોમવારના વહેલી સવારે ચાલકે સંભવીત રાજાપાઠની સ્થીતીમાં ટ્રેઈલર સાથે કારને અડફેટૅ લઈ નાળા પર ચડાવી નાખ્યુ હતુ. તેજ સ્થીતીમાં ટ્રૅઈલરને રાખી ચાલક નીશ્ચીંત બની ઉંઘમાં ગરક થઈ ગયો હતો તો કેબીનમાં દેશી દારુની ખાલી કોથળીઓ પણ દ્રશ્યમાન થઈ હતી. આશ્ચર્યજનક રીતે મંગળવારના મોડી રાત સુધી ટ્રેઈલર જેમની તેમ સ્થીતીમાં પડેલુ જોવા મળ્યુ હતુ અને પોલીસ ચોપડૅ આ અંગે કોઇ નોંધ થઈ નથી.

    કંડલા અને મુંદ્રા પોર્ટના કારણે દૈનિક ધોરણૅ હજારોની સંખ્યામાં ભારે વાહનોની આવન જાવન નેશનલ હાઈવે નં -8 પર રહે છે. દેશના વિભીન્ન ભાગોથી ડ્રાઈવરો કેટલીક વાર તેના અલગ અલગ વ્યસનોની બદીઓને પણ સાથે લઈ આવે છે. જેના કારણે પોર્ટના સૌથી નજીક વસેલા ગાંધીધામ સંકુલમાં તેની અસર પહોંચવાની સંભાવના રહે છે. આવોજ એક કિસ્સો સોમવારે જોવા મળ્યો હતો. વહેલી સવારના અરસામાં ટ્રેઈલર ચાલકે ગાંધીધામની શરુઆતે આવેલી નુરી મસ્જીદની સામે ઓવર બ્રીજ નજીક કારને ઠોકર મારી વાહનને નાળા પર ચડાવી દીધુ હતુ. ઘટના બાદ જાણે કંઈ ન થયુ હોય તેમ બપોરના તે કેબીનમાં ડ્રાઈવર સુતેલો જોવા મળ્યો હતો અને તેની આસપાસ ખાલી દેશી દારુની કોથળીઓ, નાસ્તાના પડીકા જોવા મળ્યા હતા. આશ્ચર્યજનક રીતે ઘટનાના બીજા દિવસે મંગળવારે પણ મોડી રાત સુધી ટ્રેઈલર તેજ અવસ્થામાં નેશનલ હાઈવે પર ફસડાયેલુ છે જે અંગે સબંધીત માલીક, પ્રશાસન કે પોલીસ દ્વારા કોઇ કાર્યવાહિ કરવાની તસ્દી લેવાઈ હોય તેવુ લાગતુ નથી. ઘટના અંગે પોલીસ ચોપડૅ પણ કશુ ચડ્યુ ન હોવાનું સુત્રોએ જણાવ્યું હતું.

    હાઇવે પર આડુ-ઉભું રહેલું ટ્રેઇલર અને નિંદ્રાધિન ડ્રાઇવર

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending