Divya Bhaskar

Home » Gujarat » Bhuj » Mundra » 34 લાખની ટ્રક બારોબાર ભંગારમાં વેંચી દેવાઇ

34 લાખની ટ્રક બારોબાર ભંગારમાં વેંચી દેવાઇ

Divyabhaskar.com | Updated - Mar 01, 2018, 03:25 AM

માધાપર હાઇવે પાસે આવેલી કેશરી એન્ટરપ્રાઇઝ ટ્રાન્સપોર્ટર પાસેની 34 લાખની ટ્રકને ભુજના બે અને મુન્દ્રાના બે એમ કુલ...

  • 34 લાખની ટ્રક બારોબાર ભંગારમાં વેંચી દેવાઇ
    માધાપર હાઇવે પાસે આવેલી કેશરી એન્ટરપ્રાઇઝ ટ્રાન્સપોર્ટર પાસેની 34 લાખની ટ્રકને ભુજના બે અને મુન્દ્રાના બે એમ કુલ ચાર જણે જાણ બહાર બારોબાર ભંગારમાં વેંચી મારી હતી. જે અંગે માલિકે ચારેય સામે પોલીસમાં ફોજદારી નોંધાવી હતી.

    સુત્રોમાંથી જાણવા મળતી વિગતો મુજબ, ટ્રાન્સપોર્ટ માલિક અલ્પેશ ધીરજલાલ ઠક્કર રહે. ભુજે નોંધાવી ફોજદારી અનુસાર મુન્દ્રાના દિવ્યા મેહુલ ગોર, મેહુલ ઉમીયાશંકર ગોર તો ભુજના મામદ સુમરા અને હુશેન ઇસ્માઇલ એમ ચારેય જણે જીજે 12 બીવી 2393 નંબરની ટ્રક (કિંમત રૂપીયા 34 લાખ 367400 રૂપીયા( તેમની જાણબહાર ભંગારમાં વેંચી મારી હતી.

    પોલીસે ચારેય જણ સામે છેતરપિંડીની ફરીયાદ નોંધી ટ્રક ભંગારમાં વેંચી દેનારા ચારેયની ધરપકડ કરવા તજવીજ હાથ ધરી હતી.

    અત્રે ઉલ્લેખનીય છે કે, છેલ્લા થોડા સમયથી ટ્રક અને વાહનોની છેતરપિંડીના બનાવો વધ્યા છે. વાહન માલિકોને વધારે ભાવ અપાતા તેઓ લાલચમાં આવી જાય છે અને વાહન ઉધારમાં આપી દેવાતો હોય છે બાદમાં વાહન લેનાર અન્યને બારોબાર વેંચી મારતો હોવાનું જાણવા મળ્યું છે. આવા બનાવો અગાઉ નોંધાઇ ચુકયા છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending