Home » Gujarat » Himmatnagar Jilla » Meghraj » મેઘરજમાં દારૂ સાથે ઝડપાયેલા શખસોએ પોલીસકર્મી પર છુટ્ટી લાકડીથી હુમલો કર્યો

મેઘરજમાં દારૂ સાથે ઝડપાયેલા શખસોએ પોલીસકર્મી પર છુટ્ટી લાકડીથી હુમલો કર્યો

Divyabhaskar.com | Updated - Apr 25, 2018, 02:20 AM

બે શખસોને પોલીસે દારૂ જતાં પકડતાં સાગરીતોને બોલાવી હુમલો કર્યો ભાગી છુટેલા આરોપીઓનો પીછો કરતાં 31 હજારના...

  • મેઘરજમાં દારૂ સાથે ઝડપાયેલા શખસોએ પોલીસકર્મી પર છુટ્ટી લાકડીથી હુમલો કર્યો
    મેઘરજમાં પોલીસે વાહન ચેકીંગ કરતી વખતે દારૂ સાથે એક્ટીવા લઇને નીકળતાં બે શખસોને પોલીસે રોકી દારૂ સહિત એક શખસની અટકાયત કરતાં અન્ય એક બુટલેગર ભાગી છુટ્યો હતો. ભાગી છુટેલા શખસે અન્ય સાગરીતોને બોલાવી એક પોલીસકર્મી પર લાકડી વડે હુમલો કરી દારૂ અને એક્ટિવા લઇ ભાગી ગયા હતા. જે બાદ બે અન્ય પોલીસની મદદથી પીછો કરી એક શખસને દારૂ અને એક્ટિવા સાથે ઝડપી 32 હજારનો મુદામાલ જપ્ત કરી ફરાર ચાર આરોપીઓને પકડવા તપાસ હાથ ધરી હતી.

    મેઘરજ પોલીસના બે કર્મી ભાવેશ જેસીગભાઇ અને કુલદિપસિંહ કનુસિંહ સોમવારે લીંબોદરામાં પેટ્રોલીંગમાં હતા દરમિયાન સોમવારે રાત્રે સાડા બાર વાગ્યાના અરસામાં એક્ટીવા પર બે શખસો દારૂ લઇને પસાર થતાં પોલીસે ઉભો રાખવાનો ઇશારો કરતા બંને ભાગવા લાગ્યો હતો. જેમનો પીછો કરી લીંબોદરા ડેરી નજીક બંને શખસોને ઝડપી પાડ્યા હતા. જે બાદ ચાલક મુકેશ એક્ટીવા મુકી ભાગી ગયો હતો.

    પોલીસે થેલામાં જોતા બિયર અને દેશી દારૂના ક્વાટરીયા ભરેલો જણાતા અન્ય એક પોલીસકર્મી પંચોને બોલાવવા ગયા હતા. ત્યારબાદ ભાગેલ મુકેશે તેના સાગરીતોને ફોન કરી બોલાવતા ગાડીમાં આવેલા પાંચ શખસોમાંથી રમેશ ડામોરે પોલીસકર્મીને છુટ્ટી લાકડી મારતા ઈજા પહોંચી હતી અને બીજી બાજુ અન્ય શખસોએ લાકડીઓથી પોલીસકર્મીને મારવા પાછળ પડ્યા હતા.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending