Home » Gujarat » Bhuj » Gandhidham » મહિલા પર થતા અત્યાચારો રોકવા વર્કશોપ

મહિલા પર થતા અત્યાચારો રોકવા વર્કશોપ

Divyabhaskar.com | Updated - Feb 28, 2018, 04:25 AM

અંજાર તાલુકા પંચાયત ખાતે મહિલા સામખ્ય દ્વારા સ્ત્રી અને હિંસાના જુદા જુદા મુદ્દા પર વર્કશોપ યોજાયો હતો. તેમાં...

  • મહિલા પર થતા અત્યાચારો રોકવા વર્કશોપ

    અંજાર તાલુકા પંચાયત ખાતે મહિલા સામખ્ય દ્વારા સ્ત્રી અને હિંસાના જુદા જુદા મુદ્દા પર વર્કશોપ યોજાયો હતો. તેમાં મહિલા પર થતા અત્યાચારો રોકવા માટે ચિંતન કરીને જાગૃત થઇને અવાજ ઉઠાવે તેની ઉપર ભાર મુકવામાં આવ્યો હતો.

    આ વર્કશોપમાં મહિલા અને હિંસાના મુદ્દા પર સરકારની યોજનાઓ મહિલાઓ પર થતા અત્યાચારને રોકવા ચર્ચા કરવામાં આવી હતી. બહેનોને હિંમત રાખી આગળ વધવા તેમજ પોતાના પર થતા અત્યાચારો વિશે માહિતગાર થાય અને જાગૃત બને તેમજ તેની સામે અવાજ ઉઠાવે તે વિશે માર્ગદર્શન અપાયું હતું. સરકાર દ્વારા મળતી સહાયની પણ માહિતી અપાઇ હતી. ઘરેલુ હિંસા તેમજ દહેજ વિરોધી કાયદા વિશે સમજણ આપવામાં આવી હતી. સરલાબેન દ્વારા માહિતી અપાઇ હતી. વર્ષાબેન જાડેજાએ અજન્મેલ દિકરીની વ્યથા વિશે એકપાત્રિય અભિયન કર્યો હતો. ભૃણહત્યા, બેટી બચાવો, બેટી પઢાવો, દિકરીઓની લક્ષી સુકન્યા વિશે માહિતગાર કરવામાં આવ્યા હતા. આ કાર્યક્રમમાં તાલુકા પ્રમુખ રાંભીબેન વેલાભાઇ આહિર, ઉપપ્રમુખ દેવજીભાઇ કાનજીભાઇ બાંભણીયા, કારોબારી ચેરમેન રસીકબા જાડેજા, તાલુકા વિકાસ અધિકારી ચાવડા, મહિલા સામખ્ય જિલ્લા સંકલન અધિકારી રીટાબેન પટેલ વગેરે હાજર રહ્યા હતા. કાર્યક્રમને સફળ બનાવવા સીઆરપી કલ્પનાબેન જોશી, રેખાબેન સોલંકીએ જહેમત ઉઠાવી હતી. સંચાલન રીટાબેન ગોહિલે કર્યું હતું. કાર્યક્રમમાં મોટી સંખ્યામાં મહિલાઓએ હાજરી આપી હતી.

    કાર્યક્રમમાં ઉપસ્થિત અગ્રણીઓ અને મહિલાઓ

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ