ટ્રેંડિંગ સૂચનાઓ

ટ્રેડિંગ ન્યૂઝ એલર્ટ

    Home » Gujarat » Bhuj » Gandhidham» રોડના નબળા કામ બદલ 2.30 કરોડનું પેમેન્ટ અટકાવવા માંગણી

    રોડના નબળા કામ બદલ 2.30 કરોડનું પેમેન્ટ અટકાવવા માંગણી

    DivyaBhaskar News Network | Last Modified - Mar 13, 2018, 04:05 AM IST

    14માં નાણાંપંચની ગ્રાંટમાંથી શ્યામ કૃષ્ણ વર્મા માર્ગથી ઓમ મલ્ટીપ્લેકસ સુધીના રોડને હોટમિક્સ પેવર પ્લાન્ટ અને...
    • રોડના નબળા કામ બદલ 2.30 કરોડનું પેમેન્ટ અટકાવવા માંગણી
      રોડના નબળા કામ બદલ 2.30 કરોડનું પેમેન્ટ અટકાવવા માંગણી
      14માં નાણાંપંચની ગ્રાંટમાંથી શ્યામ કૃષ્ણ વર્મા માર્ગથી ઓમ મલ્ટીપ્લેકસ સુધીના રોડને હોટમિક્સ પેવર પ્લાન્ટ અને ફીનીશરથી ડામર કરીને ડીવાઇડર નાંખવા તથા સુંદરપુરી હેડ વોટર વર્કસથી મહેશ્વરીનગર ચાર રસ્તા, ધણી માતંગ દેવ રોડ સુધી ના પેવર બ્લોકના કામની ગુણવત્તાના મુદે પાલિકાના ચીફ ઓફીસરને રજુઆત કરવામાં આવ્યા છતાં કોઇ જ કામગીરી કરવામાં આવી નથી. પ્રમુખને પણ રજુઆત કરીને પગલા ભરવા માંગણી કરી છતાં પગલા ભરાયા નથી. આ મુદે ભાજપના જ નગરસેવક દ્વારા અવાજ ઉઠાવીને જીલ્લા કલેકટરને પત્ર પાઠવી સદર વિવાદમાં 2.30 કરોડનું પેમેન્ટ અટકાવવા માટે માંગણી કરતા પાલીકાના વર્તુળોમાં ગરમી આવી ગઇ છે.

      વોર્ડ નં. 9 ના ભાજપના નગરસેવક ખીમજીભાઇ તેજાભાઇ રોલાએ કલેકટરને પાઠવેલા પત્રમાં જણાવ્યું છે કે ઉપરોક્ત કરવામાં આવેલા કામોમાં ગણેશ કન્સ્ટ્રકશન દ્વારા કામની ગુણવત્તા તથા પ્લાન્ટ એસ્ટીમેટ મુજબ થતું ન હોવાના મુદે રજુઆત કરવામાં આવી હતી. કામની ગુણવત્તા તેમજ પ્લાન એસ્ટીમેટ મુજબ કામ થતું ન હોવા મામલે કોન્ટ્રાક્ટર સામે પગલા ભરવા ચીફ ઓફીસર તેમજ પાલિકા પ્રમુખ ગીતાબેન ગણાત્રાને તા. 17 જાન્યુઆરીના રોજ લેખીત રજુઆત પણ કરી છતાં તે રસ્તાનું કામ અતિ નબળી હાલતમાં ચાલુ રાખવામાં આવ્યું છે. ભ્રષ્ટાચાર આદરી ગેરરીતી કરવામાં આવી હોવાનો આક્ષેપ કરી તપાસ કરાવી ટેકનીકલ અભિપ્રાય મેળવીને કાર્યવાહી કરવા ભાર મુકવામાં આવ્યો છે.

      પાલિકામાં ચાલતી ગોબાચારી

      પાલિકાના કેટલાક કામોમાં મોટા પાયા પર ગોબાચારી ચાલી રહી હોવાનો આક્ષેપ અવારનવાર ઉઠી રહ્યો છે. કેટલીક એજન્સીઓ દ્વારા કરવામાં આવતા કામોની ગુણવત્તાના મુદે પણ ચર્ચાઓ ઉઠે છે પરંતુ રજુઆત કરવામાં આવ્યા છતાં પણ પગલા ભરાતા નથી.

    No Comment
    Add Your Comments
    IPL 2018, ના લેટેસ્ટ સમાચાર મેળવો, જુઓ IPL 2018 Schedule, IPL Live Score વધારે IPL updates મેળવવા અમને Facebook પર લાઈક અને Twitter પર ફોલો કરો.
    (Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
    Web Title: રોડના નબળા કામ બદલ 2.30 કરોડનું પેમેન્ટ અટકાવવા માંગણી
    (Read News in Gujarati from Divya Bhaskar)

    More From Gujarat

    Trending

    X
    Top