• Home
  • Gujarat
  • Bhuj
  • Gandhidham
  • પાણીનો બગાડ | પાલિકાનો ચેપીરોગ રેલવે પ્રશાસનને પણ લાગ્યો

પાણીનો બગાડ | પાલિકાનો ચેપીરોગ રેલવે પ્રશાસનને પણ લાગ્યો

પાણીનો બગાડ | પાલિકાનો ચેપીરોગ રેલવે પ્રશાસનને પણ લાગ્યો

DivyaBhaskar News Network

Apr 01, 2018, 04:05 AM IST
ગાંધીધામ શહેરમાં જુદા જુદા વિસ્તારમાં નગરપાલિકાની નિંભર નીતિને કારણે પાણીનો બગાડ થઇ રહ્યો છે. કરકસરભર્યો પાણીનો ઉપયોગ કરવાની વાતો તંત્ર વાહકો કરે છે પરંતુ હકીકતે જોઇએ તેવા નક્કર પગલા ભરવામાં આવતા નથી. જેને કારણે શહેરના જુદા જુદા વિસ્તારમાં મોંઘાભાવનું પાણી વેડફાઇ રહ્યું છે. નગરપાલિકા દ્વારા પાણીના લિકેજ માટે વ્યવસ્થિત આયોજન કરવામાં આવ્યું નથી. જેને કારણે ઠેર ઠેર આવા પ્રશ્નો ઉભા થાય છે. દરમિયાન પાલિકાનો ચેપીરોગ રેલવે પ્રશાસનને પણ લાગ્યો હોય તેમ તાજેતરમાં રેલવે કોલોની ડબલ એસ-એ, વિસ્તાર પાસે પાણીની લાઇન લીકેજ થતાં અંદાજે 25થી 30 ફુટ ઉંચો પાણીનો ફુવારો ઉડ્યો હતો અને હજારો લીટર પાણીનો બગાડ થયો હતો. આ કોલોનીમાં અંદાજે એક હજાર જેટલા લોકોને પીવાના પાણી માટે પાણીની લાઇન નાખવામાં આવી છે. હાલ રાજ્યમાં પાણીની તંગીને કારણે પાણીનો બગાડ ન થાય તે માટે સરકાર પણ કટીબદ્ધ છે.

X
પાણીનો બગાડ | પાલિકાનો ચેપીરોગ રેલવે પ્રશાસનને પણ લાગ્યો
COMMENT

Next Stories

    ની  સંપૂર્ણ વાંચનસામગ્રી