Divya Bhaskar

Home » Gujarat » Bhuj » Gandhidham » મરીન યુનિ. માલસામાન ગોટાળાની તપાસ સોંપાઇ

મરીન યુનિ. માલસામાન ગોટાળાની તપાસ સોંપાઇ

Divyabhaskar.com | Updated - Mar 08, 2018, 04:00 AM

ગાંધીધામ-આદિપુરમાં વિવિધ પ્રશ્નો ઉઠાવવામાં આવી રહ્યા છે. જેમાં તાજેતરમાં અડીખમ મહિલા ગ્રૂપ દ્વારા શરૂ કરવામાં...

  • મરીન યુનિ. માલસામાન ગોટાળાની તપાસ સોંપાઇ
    ગાંધીધામ-આદિપુરમાં વિવિધ પ્રશ્નો ઉઠાવવામાં આવી રહ્યા છે. જેમાં તાજેતરમાં અડીખમ મહિલા ગ્રૂપ દ્વારા શરૂ કરવામાં આવેલા અભિયાનને કારણે તંત્રને કેટલીક વખત પગલા ભરવાની ફરજ પડી રહી હોય તેવી સ્થિતિ ઉભી થઇ રહી છે. અગાઉ મરીન યુનિ. કંડલાની બે કરોડની માલસામાનની સગેવગેની ફરિયાદના મુદ્દે સેક્રેટરી સ્તરના અધિકારી સહિત ચારની ટીમ ને તપાસ સોંપવામાં આવી હોવાના અહેવાલ મળી રહ્યા છે. જ્યારે પ્રદૂષણ ફેલાવતા એકમો સામે પણ તવાઇ લાવવા માટે પગલા ભરવામાં આવી રહ્યા છે. જુદી જુદી કંપનીઓ સામે પગલા તોળાઇ રહ્યા છે. શિણાય ડમ્પીંગ સાઇટ પર પ્રદૂષણના મુદ્દે પાલિકાને નોટિસ પણ જીપીસીબી દ્વારા પાઠવી હોવાનો પૂર્વ સાંસદે દાવો કર્યો છે.

    પૂર્વ સાંસદ પૂનમબેન જાટ દ્વારા બીન રાજકીય રીતે મહિલા સંગઠન અડીખમ ગ્રૂપ તૈયાર કરવામાં આવ્યું છે. આ સંસ્થા દ્વારા પ્રદૂષણ સહિતના જુદા જુદા પ્રશ્નો અંગે જે તે ઓથોરીટીનો કાન પકડીને રજૂઆત કરવામાં આવી રહી છે. પાલિકા દ્વારા ઘન કચરાનો નિકાલ જે રીતે શિણાય સાઇટ પર કરવામાં આવી રહ્યો છે તે અને જુદી જુદી મોટી મોટી કંપનીઓ દ્વારા પ્રદૂષણ ફેલાવવામાં આવી રહ્યાની ફરિયાદ પછી ઉઘણશી ગણાતું ગુજરાત પ્રદૂષણ નિયંત્રણ બોર્ડ જાગ્યું હતું અને પગલા ભરવા માટે મન મનાવ્યું હોય તેવી સ્થિતિ છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending