Home » Gujarat » Bhuj » Gandhidham » સપ્તાહે બે દિ’ આરોગ્યની સુવિધા મળશે તેવો ગોળ ચોટાડ્યો હતો

સપ્તાહે બે દિ’ આરોગ્યની સુવિધા મળશે તેવો ગોળ ચોટાડ્યો હતો

Divyabhaskar.com | Updated - Mar 02, 2018, 03:55 AM

10 વર્ષથી નંબરનું બિરૂદ મેળવેલ કંડલા પોર્ટના વિકાસમાં સ્થાનિક લોકોનો પણ હિસ્સો નાનો સુનો નથી. એક વર્ષ પહેલા...

  • સપ્તાહે બે દિ’ આરોગ્યની સુવિધા મળશે તેવો ગોળ ચોટાડ્યો હતો
    10 વર્ષથી નંબરનું બિરૂદ મેળવેલ કંડલા પોર્ટના વિકાસમાં સ્થાનિક લોકોનો પણ હિસ્સો નાનો સુનો નથી. એક વર્ષ પહેલા કંડલામાં આરોગ્યની સુવિધા ન હોવાથી પોર્ટ પ્રશાસને શિપિંગ મંત્રીની હાજરીમાં અઠવાડીયામાં બે દિવસ આરોગ્યની સુવિધા મફત મળશે તેવી જાહેરાત કરી હતી. આ જાહેરાત માત્ર કાગળ પર જ રહી છે. હકીકતે કોઇ જ કાર્યવાહી કરવામાં આવી ન હોવાની ફરિયાદ નવા કંડલા સુન્ની મુસ્લીમ જમાત દ્વારા રાજ્યના મુખ્યમંત્રીને કરવામાં આવી છે.

    દીન દયાલ પોર્ટ દ્વારા કેટલીક વખત કોણીએ ગોળ ચોટાડીને લોકોને લલચાવવાનો પ્રયત્ન કરવામાં આવતો હોય તેવી સ્થિતિ ઉભી થતી હોય છે. પોર્ટ યુઝર્સને પણ નીતિ નિયમના નામે કેટલીક વખત વિલંબમાં નાખીને તેનું કામ કરવામાં આવતું ન હોવાનો આક્ષેપ પણ ઉઠે છે. નવા કંડલા સુન્ની મુસ્લિમ જમાત દ્વારા મુખ્યમંત્રીને કરવામાં આવેલી રજૂઆતમાં જણાવ્યું છે કે, કંડલામાં મોટાભાગની જનસંખ્યા ઝૂંપડપટ્ટીમાં રહી મજુરી કરી ગુજરાન ચલાવી રહી છે. ઝૂંપડપટ્ટીના રહીશોને દીન દયાલ પોર્ટ ટ્રસ્ટ દ્વારા વર્ષો પહેલા બનાવી આપેલ શૌચાલયની વ્યવસ્થિત સફાઇનું કામ ગટરની સમસ્યાથી થઇ શકતું નથી. જેથી ગંદકીને કારણે બિમારીનો ભોગ લોકો બને છે. શૌચાલયના દરવાજા તુટી ગયા છે. શૌચાલયનો સૂચારૂ ઉપયોગ થઇ શકે તેવી વ્યવસ્થા પોર્ટે કરી નથી. આરોગ્યની કોઇ સુવિધા નથી. એક વર્ષ અગાઉ પોર્ટ પ્રશાસન દ્વારા સ્થાનિક રહીશો માટે અઠવાડીયામાં બે દિવસ આરોગ્યની સુવિધા મફત મળશે તેવી જાહેરાત શિપિંગ મંત્રી નીતિન ગડકરીની હાજરીમાં કરાઇ હતી. જેનો આજ સુધી અમલ થયો નથી. આવી જ રીતે કંડલામાં જુદા જુદા ઔદ્યોગિક એકમો આવેલા છે. જેમાં શિપિંગ કંપનીઓ વગેરેનો સમાવેશ થાય છે. આયાત-નિકાસ કરતી કંપનીઓમાં સ્થાનિકને રોજગારી અપાતી નથી. સિક્યોરીટી ગાર્ડને પણ સામાન્ય રોજગારી અપાતી નથી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ