ટ્રેંડિંગ સૂચનાઓ

ટ્રેડિંગ ન્યૂઝ એલર્ટ

    Home » Gujarat » Bhuj » Gandhidham» કંડલા પોર્ટના ડીસીને RTI એક્ટ અંતર્ગત પાઠવાઈ શો કોઝ નોટીસ

    કંડલા પોર્ટના ડીસીને RTI એક્ટ અંતર્ગત પાઠવાઈ શો કોઝ નોટીસ

    DivyaBhaskar News Network | Last Modified - Mar 29, 2018, 03:50 AM IST

    માહિતી અધિકાર અન્વયે ગત વર્ષે કંડલા પોર્ટ ટ્રસ્ટને નેવીગેશનલ વ્યવસ્થાની માહિતી, ઓડીટ રીપોર્ટ અને સ્ટડી રીપોર્ટ...
    • કંડલા પોર્ટના ડીસીને RTI એક્ટ અંતર્ગત પાઠવાઈ શો કોઝ નોટીસ
      કંડલા પોર્ટના ડીસીને RTI એક્ટ અંતર્ગત પાઠવાઈ શો કોઝ નોટીસ
      માહિતી અધિકાર અન્વયે ગત વર્ષે કંડલા પોર્ટ ટ્રસ્ટને નેવીગેશનલ વ્યવસ્થાની માહિતી, ઓડીટ રીપોર્ટ અને સ્ટડી રીપોર્ટ આપવાની માંગણી અરજદારે કરી હતી, પરંતુ તેની સામે પોર્ટના અધિકારીઓએ પોર્ટની તે માહિતી ગુપ્ત હોવાનું કારણ આગળ ધરી બાબત સુલટાવવાનો પ્રયત્ન કર્યો હતો. પરંતુ અરજદાર અપીલમાં જતા કેન્દ્રીય માહિતી અાયોગે પોર્ટ દ્વારા ગુપ્તતાની કલમ આગળ ધરવાને અતાર્કીક ગણાવી અરજદારને પોઈન્ટ ટુ પોઈન્ટ નિઃશુલ્ક માહિતી આપવા અને ઉપસ્થીત ન રહેવા માટૅ શો કોઝ નોટીસ પણ પાઠવી હતી.

      અરજકર્તા લલીત સહાનીએ તા.26/12/2016ના આરટીઆઈ ફાઈલ કરી કંડલા પોર્ટમાં આવેલી નેવીગેશનલ વ્યવસ્થાઓની માહિતી માંગી હતી. જેનો પ્રત્યુતર મળ્યા બાદ અસંતુષ્ટ અરજકર્તાએ અપીલ કરી હતી જેને ડિસ્પોઝ કરી દેવાયા બાદ બીજી અપીલ કરાઈ હતી. સેંટ્રલ કમીશન ઓફ ઈન્ફોર્મીશનમાં તે અંગેની કાર્યવાહિ થતા ઉપસ્થીત ન રહેવા અને કોઇ કારણ ન આપવા બદલ પોર્ટના ડીસીને શો કોઝ નોટીસ પાઠવી અને નેવીગેશનલ માહિતી ન આપવા માટે આગળ ધરાયેલી સેક્શન 8 (1)(d) યોગ્ય ન હોવાનું પણ જણાવ્યુ હતુ. આ અંગે કમીશને સ્પષ્ટ અભીપ્રાય આપતા જણાવ્યુ છે કે જે માહિતીની માંગણી કરાઈ છે તે કંડલા પોર્ટના નેવિગેશનલ ફેસીલીટીસની સ્ટડી, ઓડીટ રીપોર્ટ એ ઈન્ડીયન પોર્ટ એસોસીએશનની કમીટી દ્વારા બનાવાયેલી છે. આ માહિતી ન આપવા માટે જે તર્ક પોર્ટ દ્વારા અપાઈ રહ્યો છે તે યોગ્ય નથી જણાતો, ઉલ્ટાની આ માહિતી બહાર આવવાથી પોર્ટ ઓથોરીટી પર તેની ખામીઓની પુર્તી કરવા માટેનું દબાણ સર્જાશે અને તેના થકી ટ્રાન્સપોર્ટૅશન ,કાર્ગોના વધારો થવાથી વધુ ફાયદો રળી શકાશે. જેથી આ માહિતીને જાહેર ન કરવા પાછળ અપાયેલુ તર્ક યોગ્ય જણાતુ નથી. જેથી પુછાયેલા

      ... અનુસંધાન પાના નં.13



      પ્રશ્નોનો પોઈન્ટ મુજબ 15 દિવસના ગાળામાં જવાબ આપવા અને અરજદારને તે નિઃશુલ્ક પહોંચાડવા તેમજ તે અંગે કમીશનને પણ જાણ કરવાનો ઓર્ડર કરાયો હતો.

    No Comment
    Add Your Comments
    IPL 2018, ના લેટેસ્ટ સમાચાર મેળવો, જુઓ IPL 2018 Schedule, IPL Live Score વધારે IPL updates મેળવવા અમને Facebook પર લાઈક અને Twitter પર ફોલો કરો.
    (Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
    Web Title: કંડલા પોર્ટના ડીસીને RTI એક્ટ અંતર્ગત પાઠવાઈ શો કોઝ નોટીસ
    (Read News in Gujarati from Divya Bhaskar)

    More From Gujarat

    Trending

    Top
    `