ટ્રેંડિંગ સૂચનાઓ

ટ્રેડિંગ ન્યૂઝ એલર્ટ

    Home » Gujarat » Bhuj » Gandhidham» દબાણ દૂર કરવા પાલિકા ઓપરેશન કરશે

    દબાણ દૂર કરવા પાલિકા ઓપરેશન કરશે

    DivyaBhaskar News Network | Last Modified - Apr 07, 2018, 03:50 AM IST

    રસ્તો બનાવવા અડચણરૂપ હોમગાર્ડની ઓફિસ હટાવવામાં વિઘ્ન
    • દબાણ દૂર કરવા પાલિકા ઓપરેશન કરશે
      દબાણ દૂર કરવા પાલિકા ઓપરેશન કરશે
      ગાંધીધામ નગરપાલિકા દ્વારા દબાણ હટાવ ઝૂંબેશ શરૂ કરવામાં આ‌વનાર છે. બે દિવસમાં જ રસ્તો બનાવવા માટે અડચણરૂપ બનેલ અને ખખડધજ હાલતમાં બંધ રહેલી હોમગાર્ડની ઓફિસનું દબાણ દૂર કરવામાં પગલા ભરવામાં આવનાર છે. ત્યાર બાદ પાલિકાના પ્લોટ પર કરવામાં આવેલા દબાણ દૂર કરવા માટે કાર્યવાહી હાથ ધરવામાં આવનાર હોવાથી જરૂરી પોલીસ બંદોબસ્તની પણ માગણી કરી દેવામાં આવી છે.

      શહેરમાં એકબાજુ કુદકેને ભુસકે દબાણો વધી રહ્યા છે. દબાણકારો સામે પગલા ભરવા પાલિકા નિષ્ફળ ગઇ છે. એકલદોકલ દબાણો દૂર કરવામાં આવી રહ્યા છે. મોટા ભાગના દબાણોમાં રાજકીય પીઠબળ હોવાથી એક યા બીજા કારણોસર દબાણ દૂર થતા નથી તે હકીકત છે. દરમિયાન 12-બી વિસ્તારમાં પેવર બ્લોકની કામગીરી કરવામાં આવનાર હોવાથી રસ્તા પર રહેલ ખખડધજ અને બંધ રહેલી હોમગાર્ડની ઓફિસ હટાવવામાં આવનાર છે. સાથે સાથે અન્ય લારી-ગલ્લાના દબાણ પણ દૂર કરવામાં આવશે. તેવા સંકેત મળી રહયા છે. જ્યારે બીજી બાજુ પાલિકા દ્વારા લેવામાં આવેલા આ નિર્ણય સંદર્ભે મામલદાર કચેરી દ્વારા મુખ્ય અધિકારીને પત્ર પાઠવીને જ્યાં સુધી વૈકલ્પિક વ્યવસ્થા ન થાય ત્યાં સુધી હોમગાર્ડ કચેરી દૂર કરવાની કાર્યવાહી પાછળ ઠેલવા જણાવવામાં આવતાં હવે માંડ દબાણ હટાવવા મુહૂર્ત કાઢ્યું છે ત્યારે તેમાં વિઘ્ન ઉભું થવાની વકી જણાઇ રહી છે.

      ઉલ્લેખનીય છે કે, અગાઉ પાલિકાના પ્લોટ પર એક શિપિંગ બ્રેકર દ્વારા પોતાના વાહનોનો અડીંગો રાખવામાં આવતો હતો. ભારેખમ વાહનોની અવરજવરને કારણે આ વિસ્તારના લોકોમાં ફરિયાદ પણ ઉઠી હતી. પાલિકામાં રજૂઆત કરવામાં આવ્યા છતાં કોઇ પગલા ભરાયા ન હતા. ત્યાર બાદ રહીશોએ જ વચગાળાનો તોડ કાઢીને દબાણ કરી લીધું હતું. ભાજપના જ પદાધિકારીના આર્શિવાદથી થયેલ દબાણ દૂર કરવા માટે તા.9મીના પોલીસ બંદોબસ્ત માગવામાં આવ્યો હોવાના સંકેત સૂત્રોમાંથી મળી રહ્યા છે.

      નવા દબાણો કેમ કરવા દેવાય છે?

      સંકુલમાં ઠેર ઠેર નવા દબાણો પણ થઇ રહ્યા છે. ખાસ કરીને મુખ્ય બજાર સહિતના વિસ્તારમાં તો ફુટપાથ પર દબાણ કરવામાં આવ્યા છે. આ સમસ્યાનો ઉકેલ લાવવા માટે પગલા ભરવા રજૂઆત થઇ હતી પરંતુ કોઇ જ કાર્યવાહી થઇ ન હતી. કેટલાક વેપારીઓ દ્વારા તો તેમની દુકાનની સામે લારી ઉભી રાખીને પૈસા લેતા હોવાની બુમરાણ પણ ઉઠી હતી.

    No Comment
    Add Your Comments
    IPL 2018, ના લેટેસ્ટ સમાચાર મેળવો, જુઓ IPL 2018 Schedule, IPL Live Score વધારે IPL updates મેળવવા અમને Facebook પર લાઈક અને Twitter પર ફોલો કરો.
    (Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
    Web Title: દબાણ દૂર કરવા પાલિકા ઓપરેશન કરશે
    (Read News in Gujarati from Divya Bhaskar)

    More From Gujarat

    Trending

    Top
    `