Divya Bhaskar

Home » Gujarat » Bhuj » Gandhidham » તાલુકા સંકલન સમિતિની બેઠક પાછી ઠેલી, 13મીએ બોલાવાઇ

તાલુકા સંકલન સમિતિની બેઠક પાછી ઠેલી, 13મીએ બોલાવાઇ

Divyabhaskar.com | Updated - Apr 07, 2018, 03:45 AM

મહિનાના પ્રથમ શુક્રવારે મીટિંગ બોલાવવામાં આવતી હોય છે છેલ્લા કેટલાક સમયથી એક યા બીજા કારણોસર મુહૂર્ત...

  • તાલુકા સંકલન સમિતિની બેઠક પાછી ઠેલી, 13મીએ બોલાવાઇ
    ગાંધીધામ તાલુકા સંકલન સમિતિ સહ ફરિયાદ નિવારણની બેઠક સામાન્ય રીતે દર મહિનાના પ્રથમ શુક્રવારે બોલાવવામાં આવે છે. છેલ્લા કેટલાક સમયથી એક યા બીજા કારણોસર બેઠક બોલાવવામાં આવતી નથી, અથવા તો પાછળથી બોલાવવામાં આવે છે. આજે પણ આ બેઠક બોલાવવામાં આવી ન હતી. હવે તા.13ના આ બેઠક બોલાવવામાં આવી હોવાનો દાવો સૂત્રો દ્વારા કરવામાં આવી રહ્યો છે.

    શહેર અને તાલુકામાં જુદા જુદા પ્રશ્નો ઉઠી રહ્યા છે. પ્રશ્નોનું નિરાકરણ લાવવા માટે રજૂઆત કરવામાં આવ્યા છતાં કોઇ જ ઉકેલ આવતો નથી. ખાસ કરીને તાલુકામાં દબાણના પ્રશ્નો વિકટ બની રહ્યા છે. સંકલન સમિતિની બેઠકમાં આ મુદ્દે અવારનવાર ચર્ચા પણ થઇ ચૂકી છે. ખુદ ભાજપના જ આગેવાનો દ્વારા દબાણ કરવામાં આવ્યાના મુદ્દે ફરિયાદ કરવામાં આવી હતી. જે તે સંકલન સમિતિની બેઠકમાં આ મુદ્દો ગાજ્યો હતો. ત્યાર બાદ સમયાંતરે અન્ય મુદ્દાની જેમ આ મુદ્દાને કોરાણે મુકી દેવામાં આવ્યો હતો. એજન્ડા પરની કાર્યવાહી પર પ્રશ્ન ઉકેલવાને બદલે અભેરાઇએ ચડાવી દેવાની નીતિ અપનાવવામાં આવી રહી છે. ખાસ કરીને અંતરજાળ, કિડાણા સહિતના વિસ્તારમાં થયેલા દબાણોનો મુદ્દો ગંભીર છે. આવી જ રીતે નેશનલ હાઇવે ઓથોરીટી દ્વારા પણ જોઇએ તેવી કામગીરી કરવામાં આવતી નથી.

    નિયમિત બેઠક કેમ બોલાવાતી નથી

    જાણકાર વર્તુળોના જણાવ્યા મુજબ વિધાનસભાની ચૂંટણી પહેલા નિયમિત રીતે સંકલન સમિતિની બેઠક બોલાવવામાં આવતી હતી.ત્યાર બાદ એકબીજા કારણોસર અને આચારસંહિતાના બહાને બેઠક બોલાવવાનું ટાળવામાં આવતું હતું. ત્યાર બાદ જોવામાં આવે તો માત્ર ઉલ્લેખ કહી શકાય તેવી બે જ બેઠકો યોજાઇ છે, તેમાં પણ મહત્વના મુદ્દાઓ એજન્ડા પરથી કાઢી લેવામાં આવ્યા હતા અને સામાન્ય બાબતોની ચર્ચા કરવામાં આવી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending