Divya Bhaskar

Home » Gujarat » Bhuj » Gandhidham » ગોપાલપુરી પોસ્ટ ઓફિસમાં ચેક લેવાનો ઇન્કારનો વિવાદ

ગોપાલપુરી પોસ્ટ ઓફિસમાં ચેક લેવાનો ઇન્કારનો વિવાદ

Divyabhaskar.com | Updated - Apr 07, 2018, 03:45 AM

લીલાશાહના નાગરીકને થયો કડવો અનુભવ

  • ગોપાલપુરી પોસ્ટ ઓફિસમાં ચેક લેવાનો ઇન્કારનો વિવાદ
    ગાંધીધામના લીલાશાહ વિસ્તારમાં રહેલા નાગરીક દ્વારા ગોપાલપુરી પોસ્ટ ઓફિસમાં લાઇટનું બીલ ભરવા માટે ચેકથી પેમેન્ટ કરવાનો પ્રયત્ન કર્યો હતો. પરંતુ પોસ્ટ ઓફિસ દ્વારા લાઇનમાં ઉભા રાખવામાં આવ્યા પછી ચેકથી પેમેન્ટ લેવાને બદલે રોકડમાં પેમેન્ટ ચૂકવવા માટે માગણી કરવામાં આવી હતી. આ અંગે નાગરીકે ઉચ્ચકક્ષાએ રજૂઆત પણ કરી દીધા બાદ માહિતી અધિકાર હેઠળ માહિતી માગી છે.

    શહેરના લીલાશાહ વિસ્તારમાં 12-સીમાં રહેતા નિલેશ ઠક્કરે ગોપાલપુરી પોસ્ટ ઓફિસમાં લાઇટનું બીલ ભરવા માટે પ્રયત્ન કર્યો હતો. લાઇટનું બીલ ભરવામાં કતાર લાગી હતી. જેમાં લાંબા સમય સુધી નાગરીકને ઉભા રહેવાની ફરજ પડી હતી. ત્યાર બાદ તેમનો સમયઆવતાં પોસ્ટ ઓફિસના કર્મચારીએ ચેકથી પેમેન્ટ સ્વિકારવાનો ઇન્કાર કર્યો હતો. આ બાબતે નાગરીકે રાજ્ય સરકાર તરફથી લાઇટનું ભરણું ચેકથી સ્વિકારવામાં નહીં આવે તેવો કોઇ પરીપત્ર હોય તો તેની માહિતી માગી હતી. પરંતુ પોસ્ટ ઓફિસ દ્વારા કોઇ જવાબ ન આપતા માહિતી અધિકાર હેઠળ આ માહિતી માગવામાં આવી છે.

    કેન્દ્ર સરકાર કેશલેશ ઝૂંબેશ ચલાવે છે

    કેન્દ્ર સરકાર દ્વારા નાણાંની લેતીદેતીના કિસ્સામાં કેશલેશ ઝૂંબેશ શરૂ કરીને નાગરિકો વધુને વધુ તેનો ઉપયોગ કરે તે માટે ભાર મુકી રહી છે. આવા સંજોગોમાં ચેક દ્વારા પેમેન્ટ સ્વિકારવા માટે ઇન્કાર કરવામાં આવતા પ્રશ્ન ઉભો થઇ રહ્યો છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending