ટ્રેંડિંગ સૂચનાઓ

ટ્રેડિંગ ન્યૂઝ એલર્ટ

    Home » Gujarat » Bhuj » Gandhidham» પાલિકાના પ્લોટ પર ભાજપના જ હોદ્દેદારે કર્યું દબાણ?

    પાલિકાના પ્લોટ પર ભાજપના જ હોદ્દેદારે કર્યું દબાણ?

    DivyaBhaskar News Network | Last Modified - Apr 05, 2018, 03:05 AM IST

    સંકુલમાં દબાણકારો સામે ઘુંટણીયે પડેલી સુધરાઇ
    • પાલિકાના પ્લોટ પર ભાજપના જ હોદ્દેદારે કર્યું દબાણ?
      પાલિકાના પ્લોટ પર ભાજપના જ હોદ્દેદારે કર્યું દબાણ?

      ગાંધીધામ-આદિપુરમાં દબાણકારો સામે પગલા ભરવાને બદલે તેને પ્રોત્સાહન મળે તેવી નીતિ પાલિકા દ્વારા કેટલાક સંજોગોમાં અપનાવવામાં આવી રહી હોવાથી દબાણકારો સામે પગલા ભરાતા નથી. શહેરના એક વિસ્તારમાં એક આગેવાન દ્વારા પાલિકાના પ્લોટમાં દબાણ કરવામાં આવ્યા સામે અવારનવાર રજૂઆત કરવામાં આવ્યા છતાં પગલા ભરવામાં આવ્યા ન હોવાથી અન્ય એક વર્તુળો દ્વારા આ સ્થળે ધાર્મિક સ્થાન ઉભું કરીને પાલિકાના પ્લોટમાં દબાણ કરી દેતાં ભાજપમાં આ મુદ્દો હાલ ચર્ચાના એરણે ચડેલો છે. આ દબાણમાં ભાજપના જ સંગઠનના એક હોદ્દેદારનું પીઠબળ હોવા અંગે પણ ભાજપમાં ચર્ચા થઇ રહી છે.

      શહેરમાં એક વિસ્તારમાં એક ઉદ્યોગપતિ દ્વારા પોતાનો માલ-સામાન અને તોતિંગ ટ્રક પાલિકાના પ્લોટમાં અને આસપાસ ખડકી દેતા હોવાના મુદ્દે રહીશોએ હોબાળો મચાવ્યો હતો. અવારનવાર પાલિકામાં રજૂઆત કરવામાં આવ્યા પછી સંબંધિત હોદ્દેદારોએ ઘટના સ્થળની મુલાકાત લઇને દબાણ દૂર કરવા માટે સૂચના પણ આપી હતી. ત્યાર બાદ રહીશો દ્વારા દબાણની સમસ્યાનો ઉકેલ લાવવાના હેતુથી દબાણ સામે દબાણની જ નીતિ અપનાવવાની રણનીતિ અખત્યાર કરી હતી. હવે ભાજપના બે જૂથ આમને-સામને આવીને આ મુદ્દે તકરાર ઉભી કરતાં આગામી દિવસોમાં કાંઇક નવા-જૂની થાય તેવી શક્યતા નકારી શકાય તેમ નથી. આવી રીતના દબાણને લીધે પાલિકાના કર્મચારીઓ અને દબાણ શાખા કેટલીક વખત સેન્ડવીચ જેવી સ્થિતિમાં મુકાઇ જતી હોય છે. હા પાડે તો હાથ કપાય અને ના પાડે તો નાક કપાય તેવું થતું હોય છે.

    No Comment
    Add Your Comments
    IPL 2018, ના લેટેસ્ટ સમાચાર મેળવો, જુઓ IPL 2018 Schedule, IPL Live Score વધારે IPL updates મેળવવા અમને Facebook પર લાઈક અને Twitter પર ફોલો કરો.
    (Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
    Web Title: પાલિકાના પ્લોટ પર ભાજપના જ હોદ્દેદારે કર્યું દબાણ?
    (Read News in Gujarati from Divya Bhaskar)

    More From Gujarat

    Trending

    Top
    `