• Home
  • Gujarat
  • Bhuj
  • Gandhidham
  • લાકડીયાનો અકસ્માત સર્જનાર કારચાલકની શોધખોળ ચાલુ

લાકડીયાનો અકસ્માત સર્જનાર કારચાલકની શોધખોળ ચાલુ

DivyaBhaskar News Network

Apr 05, 2018, 03:05 AM IST
લાકડીયાનો અકસ્માત સર્જનાર કારચાલકની શોધખોળ ચાલુ
ભચાઉ તાલુકાના લાકડીયા નજીક મંગળવારે સર્જાયેલા ગમખ્વાર અકસ્માતમાં એકજ પરીવારના બે યુવાનોના મોત નિપજ્યા હતા અને બે મહિલાઓ તેમજ એક બાળકી ઈજાગ્રસ્ત થઈ હતી.

આ સમગ્ર પ્રકરણમાં અકસ્માત માટે જવાબદાર ફોર્ડ ફીગો કાર ચાલકને પકડવા પોલીસ ચક્રો ગતિમાન કર્યા છે પરંતુ નંબર પ્લેટ વગરથી કાર શંકા ઉપજાવી રહી હોવાનું સ્થાનીકોનું કહેવુ છે.

ભચાઉના લાકડીયા નજીક જુના કટારીયા ત્રણ રસ્તા પર વાહનની રાહ જોઇને ડિવાઈડર પર બેઠેલા પરીવાર પર સફેદ કલરની સંપુર્ણ કાળા કાચ ધરાવતી અને નંબર પ્લેટ વગરની સીફ્ટ કાર ધડાકાભેર આવી ચડી હતી. જેના કારણે બે સગા ભાઈઓના મોત નિપજ્યા હતા તો એક બાળકી સહિત બે મહિલા સારવાર હેઠળ છે. ઘટના બાદ જવાબદાર માનવામાં આવતા ફોર્ડ ફીગો કારનો ચાલક ભાગી છુટ્યો હતો, જેને પકડવા પોલીસે નંબર પરથી તજવીજ હાથ ધરી છે તો સીફ્ટ કારની ભુમીકાને લઈને પણ શંકા જન્મવા પામી છે. જાણકાર વર્તુળોમાં ચાલી રહેલી ચર્ચાઓ અનુસાર કાર ધારક પોલીસ વિભાગનાજ કર્મચારી છે, જેથી ઘટના બાદથી તે કાર અંગે કોઇ સ્પષ્ટતા કરવામાં નથી આવી રહી.

નંબર પ્લેટ વગરની કાળા કાચ ધરાવતી કારનાે માલીક પોલીસ કર્મી?

X
લાકડીયાનો અકસ્માત સર્જનાર કારચાલકની શોધખોળ ચાલુ
COMMENT

Next Stories

    ની  સંપૂર્ણ વાંચનસામગ્રી