Divya Bhaskar

Home » Gujarat » Bhuj » Gandhidham » ગાંધીધામમાં ઘરના ભોંયરામાંથી Rs. 27,500નો શરાબ નિકળ્યો

ગાંધીધામમાં ઘરના ભોંયરામાંથી Rs. 27,500નો શરાબ નિકળ્યો

Divyabhaskar.com | Updated - Mar 30, 2018, 03:05 AM

પોલીસે 57,500ના મુદ્દામાલ સાથે એક પકડ્યો 1 ફરાર

  • ગાંધીધામમાં ઘરના ભોંયરામાંથી Rs. 27,500નો શરાબ નિકળ્યો
    ગાંધીધામની પૃથ્વી કો.ઓ.હા. સોસાયટીના મકાન નંબર 5ના ભોંયરામાં છુપાવેલા રૂ.27,500ની કિંમતના અંગ્રેજી શરાબ સાથે એકની અટક કરી હતી તો એક પોલીસ પકડથી દુર રહ્યો હતો,બી-ડિવિઝન પોલીસે એક્ટીવા સહીત કુલ રૂ.57,500નો મુદ્દામાલ જપ્ત કરી પ્રોહિબિશન એક્ટ હેઠળ ગુનો નોંધી આગળની તપાસ હાથ ધરી છે.

    આ બાબતે બી-ડિવિઝન પોલીસના પીઆઇ આર.એલ.રાઠોડે વિગતો આપતાં જણાવ્યું હતું કે,પેટ્રોલિંગ દરમીયાન બાતમી મળતાં પૃથ્વી કો.ઓ.હા.સોસાયટીના પ્લોટ નંબર 50માં મકાન નંબર 5માં રહેતા લક્ષ્મણ ભગવાનદાસ જેઠાણીના ઘરે દરોડો પાડતાં જીજે-12-ડીડી-4455 નંબરની એક્ટિવામાં રાખેલી દારૂની બોટલ મળી આવતાં તેની કડક પુછપરછ કરતાં તેણે મકાનમાં બનાવેલા ભોંયરામાં રાખેલી બોટલો જેમાં અલગ-અલગ બ્રાન્ડની રૂ.27,500ની કિંમતની 74 બોટલો મળી આવતાં રૂ.30 હજારની કિંમતની એક્ટિવા સહીત કુલ રૂ.57,500નો મુદ્દામાલ કબજે કરી તેની અટક કરી હતી તો આ દરોડા દરમિયાન ગાંધીધામના સેક્ટર 6,ગણેશનગરમાં રહેતો તેનો સાગરિત ગોવિંદ ઉર્ફે ગવલો ડાહ્યાભાઇ ચંદે હાજર ન મળતાં તેને પકડવા ચક્રો ગતિમાન કર્યા છે. કામગીરીમાં બી-ડિવિઝન પોલીસના એએસઆઇ પુનમભાઇ મહેશ્વરી,હેડ કોન્સ્ટેબલ રામદેવસિંહ ઝાલા,નરસિંહભાઇ પઢિયાર,પોલીસ કોન્સ્ટેબલ દેવરાજભાઇ આહિર,માલદેભાઇ વાળા જોડાયા હતા.

    ઝડપાયેલો આરોપી

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending