Divya Bhaskar

Home » Gujarat » Bhuj » Gandhidham » બનાવટી શરાબ બનાવવામાં વપરાયેલું કેમીકલ એફએસએલ માટે મોકલાવાયું

બનાવટી શરાબ બનાવવામાં વપરાયેલું કેમીકલ એફએસએલ માટે મોકલાવાયું

Divyabhaskar.com | Updated - Mar 07, 2018, 03:00 AM

અંતરજાળમાંથી આદીપુર પોલીસે બનાવટી શરાબ બનાવવાની ફેકટરીમાંથી રૂ.2.10 લાખનો મુદ્દામાલ કબજે કરી પાંચ કેરબા જેટલું...

  • બનાવટી શરાબ બનાવવામાં વપરાયેલું કેમીકલ એફએસએલ માટે મોકલાવાયું
    અંતરજાળમાંથી આદીપુર પોલીસે બનાવટી શરાબ બનાવવાની ફેકટરીમાંથી રૂ.2.10 લાખનો મુદ્દામાલ કબજે કરી પાંચ કેરબા જેટલું મળી આવેલું કેમિકલ એફએસએલ પરિક્ષણ માટે મોકલાયું છે અને પોલીસે નાસી ગયેલા બે આરોપીઓ સુરેશ કરશન ચાવડા (આહીર ) અને રાજુ પ્રજાપતિને પકડવા ચક્રો ગતિમાન કર્યા છે.અત્રે ઉલ્લેખનિય છે કે બે આરોપીઓમાંથી સુરેશ ચાવડા પર અગાઉ પણ દારૂના અનેક કેસો નોંધાયા છે

    અંતરજાળ ગામે એક મકાનમાંથી બનાવટી ભારતીય બનાવટની અંગ્રેજી શરાબ બનાવવાની ફેકટ્રીનો પર્દાફાશ થતાં ચકચાર મચી જવા પામી છે આ બનાવટી શરાબ બનાવવા માટે જે કેમીકલનો ઉપયોગ કરવામાં આવતો હતો તેના નમુના લઇ એફએસએલ માટે રાજકોટની ફોરેન્સિક સાયન્સ લેબોરેટરીમા પરિક્ષણ માટે મોકાવી દેવામાં આવ્યા હોવાનું પોલીસે જણાવ્યું હતુ઼.આ બનાવટી શરાબ બનાવવાની ફેકટરીમાંથી પાંચ કેરબા જેટલું કેમિકલ મળી આવ્યું છે અને આ કેમીકલ માનવ જીંદગી માટે કેટલું ખતરનાક છે તે અંગેનો અભિપ્રાય માંગવામાં આવ્યો છે,સૂત્રોના જણાવ્યા પ્રમાણે આ કેમિકલ ઇથોનલ હોવાનું જણાય છે પરંતુ સાચી વિગતો એફએસએલના રિપોર્ટ આવ્યા બાદ જ ખ્યાલ આવી શકશે.

    આ બનાવટી દારૂ બનાવવા માટે આરોપીઓ પાસે ડિફેન્સના સિક્કા વાળા લેબલ ક્યાંથી આવ્યા,આ શરાબ બનાવવા માટે જે કેમીકલનો ઉપયોગ કરાયો છે તે ક્યાંથી અને કેવી રીતે મેળવ્યું જેવા અનેક પ્રશ્નો ઉપર આરોપીઓ પકડાયા બાદ જ પરદો ઉંચકાશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending