Home » Gujarat » Bhuj » Gandhidham » આદિપુરમાં મોડી રાત્રે વાળંદની કેબિન સળગાવાઇ

આદિપુરમાં મોડી રાત્રે વાળંદની કેબિન સળગાવાઇ

Divyabhaskar.com | Updated - Feb 22, 2018, 02:55 AM

આદિપુરના મૈત્રી રોડ પર આવેલી વાળંદની કેબિન કોઇએ સળગાવી દીધાનો બનાવ મંગળવારે મોડી રાત્રે બન્યો હતો,આ બાબતે ભોગ...

  • આદિપુરમાં મોડી રાત્રે વાળંદની કેબિન સળગાવાઇ
    આદિપુરના મૈત્રી રોડ પર આવેલી વાળંદની કેબિન કોઇએ સળગાવી દીધાનો બનાવ મંગળવારે મોડી રાત્રે બન્યો હતો,આ બાબતે ભોગ બનનારે નવા દુકાનદાર સામે પોલીસ સમક્ષ શંકાની સોઇ તાકી છે પરંતુ પોલીસ આ બાબતે ફરિયાદના આધારે તપાસ આગળ વધારશે.

    આ બાબતે સૂત્રોમાંથી મળેલી વિગતો મુજબ આદિપુરના મૈત્રી રોડ પર ઝુલેલાલ પ્યાઉ પાસે છેલ્લા 25 વર્ષથી કેબિન ધરાવતા રમેશ ચુનીલાલ વાળંદ તરીકે વ્યવસાય કરી પોતાના પરિવારનું ગુજરાન ચલાવે છે આ કેબિન કોઇ અજાણ્યો શખસ મંગળવારની મોડી રાત્રે સળગાવી જતાં આ શ્રમજીવી પરિવાર પર આભ તૂટી પડ્યુ઼ છે.મોડી રાત્રે આ કેબિનમાં લાગેલી આગ બાબતે રસ્તે પસાર થતા લોકોએ બાજુમાં આવેલી દુધની ડેરીના માલિકને જાણ કરી હતી આ ડેરીમાં પણ આ આગથી નુકશાન થયું હતું અને કેબિનની બાજુમાં આવેલા વર્ષો જુના લીમડાના ઝાડને પણ નુકશાન થયુ઼ હતું.

    આ બનાવની જાણ આદિપુર પોલીસને કરાતાં પોલીસે ઘટના સ્થળે નિરિક્ષણ કર્યું હતું અને આ ભષ્મીભૂત થયેલી કેબીન ધારક રમેશભાઇએ પોલીસમાં નવા દુકાનદારે આ કૃત્ય કરેલું હોવાની શંકા વ્યક્ત કરી હતી.આદિપુર પોલીસ વિધીવત ફરિયાદ નોંધી આગળની તપાસ હાથ ધરશે,હાલ આ શ્રમજીવી પરિવાર બેરોજગાર બન્યો છે.

    ભસ્મીભૂત થયેલી કેબીન

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ