Home » Gujarat » Bhuj » Gandhidham » રાજ્યમાં બીજુ સૌથી ગરમ સ્થળ રહ્યુ કંડલા એરપોર્ટ

રાજ્યમાં બીજુ સૌથી ગરમ સ્થળ રહ્યુ કંડલા એરપોર્ટ

Divyabhaskar.com | Updated - Apr 06, 2018, 02:55 AM

આગામી સપ્તાહે પવન તીવ્ર ગતીએ ફુંકાશે ઉનાળો હવે ધીમા પગલે પોતાના સ્વરૂપમાં આવી રહ્યો હોય તેવો લોકોને અનુભવ...

  • રાજ્યમાં બીજુ સૌથી ગરમ સ્થળ રહ્યુ કંડલા એરપોર્ટ
    ઉનાળો હવે ધીમા પગલે પોતાના સ્વરુપમાં આવી રહ્યો હોય તેવો અહેસાસ નાગરીકોને થઈ રહ્યો છે. ગુરુવારે ગાંધીધામ તાલુકા વિસ્તારમાં આવતા કંડલા એરપોર્ટ પર રાજ્યમાં સૌથી વધુ દ્રિતીય ક્રમાંકનું તાપમાન નોંધાયુ હતુ. અહિ નોંધવુ રહ્યુ કે ગતવર્ષે સમગ્ર રાજ્યમાં સૌથી વધુ તાપમાન ત્રણથી વધુ વાર કંડલા એરપોર્ટ વિસ્તારમાં જોવા મળ્યુ હતુ.

    મૌસમ વિભાગના સુત્રોએ જણાવ્યુ હતુ કે ગુરુવારના રાજ્યમાં સૌથી વધુ ગરમ અમરેલી 39.6 ડિગ્રી સાથે તો કંડલા એરપોર્ટ 39.5 ડિગ્રી સાથે દ્રીતીય રહ્યુ હતુ. તો કંડલા પોર્ટ પર 34.1 મહતમ તાપમાન નોંધાયુ હતુ. એપ્રીલ મહિનાની શરુઆતેજ ગરમીની વધતી જતી માત્રાથી જનજીવનમા ઉંડી અસર જોવા મળી છે. લોકો બપોરે બહાર નિકળવાનું ટાળી રહ્યા છે તો લીંબુ પાણીથી શેરડીના રસ સુધીના સેન્ટરો ઠેર ઠેર ધમધમી ઉઠ્યા છે. આ વચ્ચે બરફનું માર્કેટ પણ ધમધમી ઉઠ્યુ છે ત્યારે દરવર્ષેની જેમ વધુ એક વાર તેની ગુણવતાને લઈને પ્રશ્નો શરુઆતથીજ ઉઠવાના શરુ થઈ ગયા છે. મૌસમ વિભાગના સુત્રોનું માનીયે તો આગામી સપ્તાહમાં પારો વધુ ઉપર જશે તથા પવન પણ તીવ્ર ગતીએ ફુંકાશે તેવી સંભાવના છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending