Divya Bhaskar

Home » Gujarat » Bhuj » Gandhidham » મેદાનો ડમ્પીંગ ઝોનમાં ફેરવાઈ રહ્યા છે, મલબાનો જ્યાં ને ત્યાં નિકાલ

મેદાનો ડમ્પીંગ ઝોનમાં ફેરવાઈ રહ્યા છે, મલબાનો જ્યાં ને ત્યાં નિકાલ

Divyabhaskar.com | Updated - Mar 05, 2018, 02:35 AM

ગાંધીધામમાં પાલીકાને જાણે પડીજ ન હોય તેમ ચોતરફ બેફામ ચાલી રહેલી મલબા ફેંક પ્રવુતિ અંગે આંખ આડા કાન કરવાની વ્રુતિ...

  • મેદાનો ડમ્પીંગ ઝોનમાં ફેરવાઈ રહ્યા છે, મલબાનો જ્યાં ને ત્યાં નિકાલ
    ગાંધીધામમાં પાલીકાને જાણે પડીજ ન હોય તેમ ચોતરફ બેફામ ચાલી રહેલી મલબા ફેંક પ્રવુતિ અંગે આંખ આડા કાન કરવાની વ્રુતિ દાખવી રહી છે. શહેરના આંતરીક માર્ગોજ નહિ ટાગોર રોડની સાઈડો પર અને હવે મેદાનોને પણ ન મુકી રહેલા અસામાજીક તત્વો સમગ્ર શહેરને ડમ્પીંગ ઝોનમાં પલટાવી રહ્યા છે.

    શહેરના મામલતદાર કચેરી પાસે આવેલા ગ્રાઉન્ડમાં વારે તહેવારે કોઇને કોઇ આયોજનો થતા રહે છે ત્યારે તે સીવાયના સમયે હાલે તે ખાણી પીણી માટે જાણીતો બની રહ્યો છે. પરંતુ સંકુલમાં ચોતરફ ચાલી રહેલા કંટ્રકશન કાર્યમાં ઉપજતા મલબાને અહિ કોઇ મોટા પ્રમાણમાં ફેંકી ગયુ હોવાથી રોજ અહિથી પસાર થતા હજારો નાગરીકોની આંખમાં મલબો ખુંચે છે. શહેરની વચ્ચોવચ્ચ આવેલા હોવાના કારણે આ મેદાનનો વિવિધ રચનાત્મક ઉપયોગ થઈ શકે તેમ છે. પરંતુ તેની માલીકી કેપીટીની છે અને સુધરાઈ દૈનિક કાર્યોને પણ પુરી પાડવામાં પુરી નથી પડતી ત્યારે રચનાત્મક દ્રષ્ટિકોણ ખીલવવાનો સમય કોની પાસે છે? હાલે સ્થીતી એ છે કે મામલતદાર ગ્રાઉન્ડ, વિકાસ પથ પાસેનો ગ્રાઉન્ડ, ટાગોર રોડના બીએસએનએલ ઓફિસ સામેનો વિસ્તાર અને ક્લેક્ટર રોડ પર મલબો ઠાલવી દેવાયો છે. જાગ્રુત નાગરીકે તેના નગરસેવકને ફરીયાદ કરી તો ‘એ તો બાંધકામ થઈ જાય પછી ઉઠાવી લેશે’ જેવો જવાબ મળ્યો હતો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending