Home » Gujarat » Junagadh Jilla » Div » કોથળા કાંડ | આગ લાગી તેના બે દી’ પહેલા હજારો ખાલી બારદાન સગેવગે કરી દેવાયા હતા

કોથળા કાંડ | આગ લાગી તેના બે દી’ પહેલા હજારો ખાલી બારદાન સગેવગે કરી દેવાયા હતા

Divyabhaskar.com | Updated - Aug 10, 2018, 03:40 AM

ગુજકોટે ભાડું તો ન આપ્યું, રાજકોટ માર્કેટ યાર્ડને નુકસાનીનું વળતર પણ ચૂકવ્યું નથી

  • કોથળા કાંડ | આગ લાગી તેના બે દી’ પહેલા હજારો ખાલી બારદાન સગેવગે કરી દેવાયા હતા
    રાજકોટ | રાજકોટ જૂના યાર્ડમાં ગત માર્ચ માસમાં ખાલી બારદાન જ્યાં રાખવામાં આવ્યા તે પ્લેટફોર્મ પર આગ લાગી હતી. મગફળીની જેમ હવે કોથળા કાંડ થયું હોવાનું ધ્યાને આવ્યું છેે. અંગત સૂત્રોએ માહિતી આપી છે કે ખાલી બારદાન સળગ્યા તેના બે દિવસ પહેલા મોટાભાગના ખાલી બારદાન ટ્રકમાં ભરીને બારોબાર સગેવગે કરી લેવામાં આવ્યા હતા. આ કામગીરી સતત બે દિવસ ચાલી હતી અને તેના ત્રીજા દિવસે આગ લાગી હતી.વધુમાં આ કાંડમાં એ તો સ્પષ્ટ પણે સીસીટીવીમાં દેખાઈ છે કે કોઈ મજૂર માણસ પ્લેટફોર્મની બહાર નીકળ્યો એની ચોથી જ સેકેન્ડમાં આગ લાગી હતી.જો કે આ સંર્દભમાં પોલીસ હજુ નિવેદન શોધી રહી છે.મૂળ આરોપી પોલીસના હાથમાં આવ્યો નથી.

    યાર્ડના સૂત્રોના જણાવ્યાનુસાર ખાલી બારદાન રાખવા માટે પ્લેટફોર્મ યાર્ડ તરફથી ગુજકોટને માત્ર વાપરવા માટે આપ્યું હતું.આ માટેના કોઇ કરાર પણ કરાયા ન હતા. ખાલી બારદાન સળગી ગયા બાદ હાલ આ પ્લેટફોર્મ ખૂબ જ ભયજનક હાલતમાં છે.ગમે ત્યારે અકસ્માત થાય તેવી ભીતિ છે. આ અંગે યાર્ડના વાઈસ ચેરમેન હરદેવસિંહ જાડેજાના જણાવ્યાનુસાર ગુજકોટે ભાડું તો નથી ચૂકવ્યું પણ તેની નુકસાનીનું વળતર પણ ન ચૂકવ્યું.આ અંગે ગુજકોટના અધિકારીને પત્ર લખ્યો છે અને નુકસાનીનું વળતર ચૂકવવા માંગણી કરી છે.જો વળતર ચૂકવવામાં નહીં આવે તો ગુજકોટ સામે કાર્યવાહી કરવામાં આવશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending