• Home
  • Gujarat
  • Jamnagar Jilla
  • Dhrol
  • ધ્રોલમાં છેલ્લા નવ માસ થયા ભુગર્ભ ગટરનું કામ પુરું

ધ્રોલમાં છેલ્લા નવ માસ થયા ભુગર્ભ ગટરનું કામ પુરું

DivyaBhaskar News Network

Mar 29, 2018, 02:20 AM IST
ધ્રોલમાં છેલ્લા નવ માસ થયા ભુગર્ભ ગટરનું કામ પુરું

ધ્રોલમાં છેલ્લા નવ માસ થયા ભુગર્ભ ગટરનું કામ પુરું થઇ ગયું છતાં હજુ સુધી ઘણાં બધાં વિસ્તારોમાં હાઉસ કનેકશનો અપાયા નથી. પાલિકા હાઉસ કનેકશન આપતી નથી જયારે પાણી પુરવઠા બોર્ડ હાઉસ કનેકશન પાલિકાએ આપવાનાં હોવાનું જણાવે છે. ત્યારે લોકોએ મોટાભાગનાં કનેકશનો સ્વખર્ચે લીધા છે. કનેકશન આપવાનાં ખાનગીમાં મનફાવે તેવા ચાર્જ વસુલાય છે. ત્યારે બંને કચેરીઓનાં સંકલનનાં અભાવ વચ્ચે પ્રજાએ પીસાવાનો વારો આવ્યો છે. નવ માસ સુધી પાલિકાએ આ બાબતે નિર્ણય શા માટે લીધો નહીં તેવા પ્રશ્નો પણ ઉઠયા છે.

ભુગર્ભ ગટરનું કામ પુરું થયે પાણી પુરવઠા અને ગટર વ્યવસ્થા બોર્ડ દ્વારા જેતે નગરપાલિકા ગ્રામપંચાયત વિગેરે સંસ્થાને ભુગર્ભ ગટરની સોંપણીની પ્રક્રિયા કરાય છે. ત્યારબાદ જેને સંસ્થા હાઉસ કનેકશન કે મેન્ટેનન્સ ચાર્જ નક્કિ કરતી હોય છે. તે પ્રમાણે લોકો પાસેથી ચાર્જ વસુલાય છે. નવ માસ થયા ધ્રોલ પાલિકામાં આ બાબતે કોઇ નિર્ણય લેવાયો નથી. ખરેખર ફરિયાદો પાણી પુરવઠા બોર્ડને કરવાની હોય છે તે આમ પ્રજાને ખબર હોતી નથી.લોકો પ્રથમ તો ફરીયાદ કરવા પાલિકાએ જાય છે.પાલિકામાં બોર્ડ કે એજન્સીનો કોઇ માણસ ફરિયાદ નીકાલ માટે બેસતા નથી. પાલિકા લેખીત ફરિયાદોને પાણી પુરવઠા બોર્ડને મોકલે છે. ત્યારબાદ નિકાલ કરવામાં સમય નિકળી જાય છે ફરિયાદોનો વ્યવસ્થિત નિકાલ થતો નથી.

X
ધ્રોલમાં છેલ્લા નવ માસ થયા ભુગર્ભ ગટરનું કામ પુરું
COMMENT

Next Stories

    ની  સંપૂર્ણ વાંચનસામગ્રી