• Home
  • Gujarat
  • Bhuj
  • Dayapar
  • પાક. ઘુસણખોર સંભવત: સોમવારે JICને સોંપાશે

પાક. ઘુસણખોર સંભવત: સોમવારે JICને સોંપાશે

DivyaBhaskar News Network

Apr 07, 2018, 03:40 AM IST
પાક. ઘુસણખોર સંભવત: સોમવારે JICને સોંપાશે
સરહદી કચ્છના હાજીપીરથી લખપત વચ્ચેની રણ સરહદના પિલર નંબર 1127 પાસેથી બીએસએફે ગુરૂવારે વહેલી સવારે એક પાકિસ્તાની ઘુસણખોરને પકડી પાડયો હતો. સીમા સુરક્ષા દળે તેની પ્રાથમિક પુછતાછ કર્ય ાબાદ મોડી રાત્રે તેને નરા પોલીસના હવાલે કરી દેવાયો હતો. આ પાકિસ્તાની શખસને સંભવત ભુજના જોઇન્ટ ઇન્ટ્રોગેશન સેન્ટરના હવાલે કરાય તેવી શકયતા છે. જોકે આ શખસ અંગે સર્જાયેલા કેટલાક ભેદભરમ હજુય જારી રહેતાં તર્કવીતર્ક સર્જાયા છે.

પાના સિંધ પ્રાંતમાં રહેતો 25 વર્ષિય મોહમ્મદ અલી નામના શખસને શુક્રવારે નરા પોલીસ ભુજની મેન્ટલ હોસ્પિટલમાં પરીક્ષણ માટે લઇ આવી હતી. ભુજમાં પરિક્ષણ કરાયા બાદ પરત તેને નરા લઇ જવાયો છે. દરમિયાન નરા પોલીસે આ પાકિસ્તાની શખસ ઝડપાવવા અંગે સબંધીતોના નિવેદન નોંધવા સહિતની આગળની કામગીરીનો ધમધમાટ આરંભવા માટેની તજવીજ હાથ ધરી છે.

પકડાયેલ ઘુસણખોર દેખાવે ચાલાક લાગતો હોવા સાથે પોતાનું નિવેદન વારમવાર ફેરવતો હોવાના કારણે સુરક્ષા એજન્સીઓ પણ આ શખસને લઇ હાલતો ચકરાવે ચડેલી સ્થિતીમાં દેખાઇ રહી છે. પોતાને માલધારી ગણાવતો મોહમ્મદ અલી ઉંટને ચરાવવા માટે નિકળ્યો હતો અને ખોવાઇ ગયેલા ઉંટને શોધતાં શોધતાં ભારતની સરહદમાં ભુલથી પ્રવેશી ગયાની વાત એજન્સીઓના ગળે ઉતરતી નથી. ખરેખાર આ શખસ માલધારી જ છે કે પછી કોઇ અન્ય હેતુ સાથે અહી આવ્યો છે તેતો આ શખસની આકરી પુછપરછ બાદ જ સામે આવી શકસે.

2016માં અહીથી પકડાયેલ શખસોનું આઇએસઆઇ કનેકશન ખુલ્યું હતું

2016માં ખાવડા વિસ્તારમાંથી 2 શંકાસ્પદ શખસો ઝડપાયા હતા. પાછળથી આ બન્ને શખસો પાક ગુપ્તચર એજન્સી આઇએસઆઇના એજન્ટ હોવાનું ખુલતા સુરક્ષા એજન્સીઓ પણ ચોંકી ઉઠી હતી. તો વળી કચ્છ બોર્ડરથી પાક બોટ ઝડપાવવી, સેટેલાઇટ ફોનના સિગ્નલ ઝડપાવવા સહિતની ઘટનાને જોતાં સુરક્ષા એજન્સીઓ આ બાબતને જરાય હળવાશથી લેવા માંગતી નથી.

કરાંચીના બદલે કચ્છ પહોંચ્યાની વાતમાં તથ્ય કેટલું?

મોહમ્મદ નામના આ પાકિસ્તાની ઘુસણખોરની પ્રાથમિક પુછપરછમાં એવું સામે આવ્યું છે કે તે ટ્રકમાં બેસી દુધ આપવા માટે કરાંચી તરફ જઇ રહ્યો હતો ત્યારે તેને ટ્રકચાલકે રસ્તામાં અધવચ્ચેજ ઉતારી મુકતાં તે અંધારામાં ચાલતા ચાલતા કરાંચીના બદલે કચ્છ પહોંચી આવ્યો છે. જોકે આ વાતમાં તથ્ય કેટલું એ તો પુછપરછ બાદ જ સામે આવી શકસે.

X
પાક. ઘુસણખોર સંભવત: સોમવારે JICને સોંપાશે
COMMENT

Next Stories

    કઈ પાર્ટીને મળશે કેટલી સીટો? અનુમાન કરો અને ઇનામ જીતો

    • પાર્ટી
    • 2019
    • 2014
    336
    60
    147
    • Total
    • 0/543
    • 543
    કૉન્ટેસ્ટમાં ભાગ લેવા માટે તમારી વિગતો ભરો

    ભાગ લેવા બદલ ધન્યવાદ

    Total count should be

    543
    ની  સંપૂર્ણ વાંચનસામગ્રી