Home » Gujarat » Bhuj » Dayapar » દયાપરના આરોગ્ય કેન્દ્ર સામે ઉપવાસ પર ઉતરવાની ચીમકી

દયાપરના આરોગ્ય કેન્દ્ર સામે ઉપવાસ પર ઉતરવાની ચીમકી

Divyabhaskar.com | Updated - Mar 20, 2018, 03:00 AM

Dayapar News - દયાપરના સામૂહિક આરોગ્ય કેન્દ્રમાં લાંબા સમયથી સતાવતી સ્ટાફ ઘટ સહિતની સમસ્યાઓ બાબતે મુખ્યમંત્રી સમક્ષ રજૂઆત...

  • દયાપરના આરોગ્ય કેન્દ્ર સામે ઉપવાસ પર ઉતરવાની ચીમકી
    દયાપરના સામૂહિક આરોગ્ય કેન્દ્રમાં લાંબા સમયથી સતાવતી સ્ટાફ ઘટ સહિતની સમસ્યાઓ બાબતે મુખ્યમંત્રી સમક્ષ રજૂઆત કરાયા બાદ પણ કોઇ નિરાકરણ ન આવતાં શુક્રવારથી ઉપવાસ આંદોલન કરવાની ચીમકી લખપત તાલુકા પંચાયતના પ્રમુખે આપી છે.

    તાલુકાના મુખ્ય મથક દયાપરના આરોગ્ય કેન્દ્રમાં છેલ્લા બે વર્ષથી મહેકમ મુજબ સ્ટાફ ન હોવાના કારણે દર્દીઓની હાલત કફોડી બને છે. અકસ્માતના કિસ્સામાં પોસ્ટમોર્ટમ સમયે કાયમી તબીબના અભાવે સમસ્યા સર્જાય છે. સીએચસી માટે મહેકમ મુજબ 3 કાયમી ડોક્ટર નીમવાના થાય છે તેની સામે એકપણ તબીબ નથી. દૈનિક પ્રસૂતિના કેસો પણ આવે છે. અંદાજે 200 દર્દીની ઓપીડી સાથેના આ સીએચસી પર આવતા આસપાસ દર્દીઓ કેટલીક વાર પૂરતા સ્ટાફના અભાવે મુશ્કેલીમાં મુકાય છે તેવી રજૂઆત કરતાં તાલુકા પંચાયતના પ્રમુખ નીતાબેન જોશીએ ઉમેર્યું હતું કે, આ સમસ્યાઓના પ્રત્યુત્તરમાં મુખ્યમંત્રીના કાર્યાલય દ્વારા ડોક્ટર કે પૂરતો સ્ટાફ નીમવાની કોઇ ખાતરી અપાઇ નથી.

    સ્ટાફ ઘટ અને કાયમી તબીબ ન હોવાની સમસ્યા અંગે જિલ્લા કક્ષાએ અનેક વાર રજૂઆત કરાઇ છે જેનો સાનુકૂળ પ્રતિસાદ ન સાંપડતાં સીએમ અને આરોગ્યમંત્રી સમક્ષ ધા નાખવામાં આવી છે તેમ છતાં નિરાકરણ નહિ આવે તો તા. 23/4થી તાલુકા પંચાયતના પદાધિકારીઓ અને ગ્રામજનો સાથે ઉપવાસ આંદોલન છેડાશે તેવી ચીમકી તેમણે ઉચ્ચારી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ