• Home
  • Gujarat
  • Bhuj
  • Bhachu
  • બાઇક ચાલક બસને આંતરીને અંદર બેસેલા પત્ની સસરાને ગાળો ભાંડવા લાગ્યો, પણ ...!

બાઇક ચાલક બસને આંતરીને અંદર બેસેલા પત્ની-સસરાને ગાળો ભાંડવા લાગ્યો, પણ ...!

બાઇક ચાલક બસને આંતરીને અંદર બેસેલા પત્ની-સસરાને ગાળો ભાંડવા લાગ્યો, પણ ...!

DivyaBhaskar News Network

Apr 09, 2018, 03:50 AM IST
આમ તો ગુજરાતમાં મહિલાઓ સુરક્ષિત છે,સલામત છે તેવું વારંવાર સંભળાય છે ત્યારે ગાંધીધામના બસ સ્ટેશનમાંથી નિકળેલી બસના ડ્રાઇવર કન્ડક્ટરે દારૂ પીને મારકુટ કરતા પતિથી કંટાળી પોતાના પિતા સાથે માવતર જઇ રહેલી પત્નીને લેવા આવેલા પતિને રવાના કરી કરી દીધો હતો.

બનાવની વિગતો એવી છે કે, માતાના મઢથી સિધ્ધપુર જઇ રહેલી એસટી બસ ગાંધીધામથી ભચાઉ જવા નીકળી ત્યારે રેલ્વે સ્ટેશન સામે જીજે-12-બીજી-1973 નંબરની બાઇકના ચાલકે બસને આંતરી ઉભી રાખી હતી અને બસમાં બેઠેલી તેની પત્ની અને તેના સસરાને ભુંડી ગાળો બોલી નીચે ઉતરવા કહ્યું હતું,ત્યારે દીકરીના બાપે એસટી બસના ચાલક બળવંતભાઇને વિનંતિ કરી હતી કે આ મારો જમાઇ છે અને એ રોજ મારી દીકરીને દારૂ પી મારકુટ કરે છે, જેથી હું મારી દિકરીને લેવા આવ્યો છું.

જો અમને નીચે ઉતારશો તો અમને બન્નેને મારશે. દીકરીના બાપની વિનંતી સાંભળી બસના ચાલક અને કન્ડક્ટર તેમ જ અન્ય પ્રવાસીઓએ હિમત દાખવી દારૂડિયા પતિને સાઇડમાં ખસેડી બસ આગળ ધપાવી હતી. પરંતુ આગળ વળી બસને આંતરી ફરી પત્ની અને સસરાને નીચે ઉતારવા કહ્યુ઼ ત્યારે અમુક પ્રવાસીઓએ નીચે ઉતારી બસ જવા દો નહી તો મોડું થશે તેમ કહેતાં ત્રસ્ત થયેલી પરિણીતા રોવા માંડી હતી.ડ્રાઇવર બળવંતભાઇ અને કન્ડક્ટર સુરેશભાઇ સાથે અમુક જાગૃત પ્રવાસીઓ ભચાઉના રમણીકભાઇ લેબોરેટરીવાળા, વિપુલભાઇ કોઠારીએ નીચે ઉતરી બાઇક પર આવેલા યુવાનને પોલીસમાં સોંપવાની વાત કરતાં યુવાન હટી ગયો હતો અને બસ આગળ ધપાવી બાપ-દીકરી બન્નેને સુરક્ષા બક્ષી હતી.

X
બાઇક ચાલક બસને આંતરીને અંદર બેસેલા પત્ની-સસરાને ગાળો ભાંડવા લાગ્યો, પણ ...!
COMMENT

Next Stories

    ની  સંપૂર્ણ વાંચનસામગ્રી