ટ્રેંડિંગ સૂચનાઓ

ટ્રેડિંગ ન્યૂઝ એલર્ટ

    Home » Gujarat » Bhuj » Bhachu» ભચાઉની મોર્ડન સ્કુલમાં ધો. 11ના અડધા છાત્રોએ અંગ્રેજીની પરીક્ષાનો બહિષ્કાર કર્યો

    ભચાઉની મોર્ડન સ્કુલમાં ધો. 11ના અડધા છાત્રોએ અંગ્રેજીની પરીક્ષાનો બહિષ્કાર કર્યો

    DivyaBhaskar News Network | Last Modified - Apr 07, 2018, 03:40 AM IST

    31માંથી 15 વિદ્યાર્થીઓ હાજરી પુરાવીને કસોટીથી દૂર રહ્યા વિજ્ઞાન પ્રવાહમાં આખું વર્ષ વિષય શીખવાયો જ ન હોવાનો...
    • ભચાઉની મોર્ડન સ્કુલમાં ધો. 11ના અડધા છાત્રોએ અંગ્રેજીની પરીક્ષાનો બહિષ્કાર કર્યો
      ભચાઉની મોર્ડન સ્કુલમાં ધો. 11ના અડધા છાત્રોએ અંગ્રેજીની પરીક્ષાનો બહિષ્કાર કર્યો
      ભચાઉમાં સરકાર સંચાલિત તાલુકાની એકમાત્ર મોડર્ન સ્કૂલમાં ધોરણ 11ના વિજ્ઞાન પ્રવાહના અડધા જેટલા વિદ્યાર્થીઓએ અંગ્રેજીની પરીક્ષાનો બહિષ્કાર કર્યો હતો. 31 પૈકીના 15 છાત્રોએ વર્ષ દરમિયાન અંગ્રેજી વિષયનો એકપણ ક્લાસ ન લેવાયો હોવાનો આક્ષેપ કરતાં પરીક્ષાથી દૂર રહ્યા હોવાનું જણાવ્યું હતું. સરકાર દ્વારા ઉજવાઇ રહેલા ગુણોત્સવના પ્રથમ દિવસે જ શુક્રવારે મોડર્ન હાઇસ્કૂલમાં પરીક્ષાનો બહિષ્કાર કરનારા છાત્રોને કારણ પૂછતાં અંગ્રેજી અને સંસ્કૃત વિષય શીખવાડાયો જ ન હોવાનું રોષ પૂર્વક જણાવ્યું હતું. કસોટીના સમયે હાજર 31 પૈકીના 15 વિદ્યાર્થીઓએ હાજરી પૂરાવીને પેપર ન લખવા સાથે વિરોધ વ્યક્ત કર્યો હતો. જો કે, આજે શનિવારે લેવાનારી ફિઝિક્સની પરીક્ષામાં ઉપસ્થિત રહેશે તેમ જણાવ્યું હતું. આ શાળામાં ધોરણ 6થી 12 સુધીનો અભ્યાસ કરાવાય છે જેમાં કુલ્લ 244 વિદ્યાર્થીઓ છે તેની સામે માત્ર પાંચ શિક્ષકો હોતાં વિદ્યાર્થીઓના શિક્ષણ પર પડી રહેલી અવળી અસર બાબતે વાલીઓએ વારંવાર રજૂઆત કરી હોવાનું જાણવા મળ્યું હતું. આચાર્ય ડી. પી. ચાવડાનો સંપર્ક સાધતાં તેમણે છેલ્લા પાંચેક માસથી આ શાળાનો ચાર્જ હોવાનું કહ્યું હતું. તો વાલીઓની રજૂઆત બાબતે અજાણતા વ્યક્ત કરીને ઉમેર્યું હતું કે, શિક્ષકો દ્વારા બધું બરાબર ચાલી રહ્યું છે તેવું જણાવાય છે.

    No Comment
    Add Your Comments
    IPL 2018, ના લેટેસ્ટ સમાચાર મેળવો, જુઓ IPL 2018 Schedule, IPL Live Score વધારે IPL updates મેળવવા અમને Facebook પર લાઈક અને Twitter પર ફોલો કરો.
    (Bhuj Gujarati News) સાથે જોડાયેલા અન્ય (Gujarat Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
    Web Title: ભચાઉની મોર્ડન સ્કુલમાં ધો. 11ના અડધા છાત્રોએ અંગ્રેજીની પરીક્ષાનો બહિષ્કાર કર્યો
    (Read News in Gujarati from Divya Bhaskar)

    More From Gujarat

    Trending

    X
    Top