• Home
  • Gujarat
  • Bhuj
  • Bhachu
  • ગાંધીમાર્કેટ પાસે પીધેલા પોલીસ કર્મીનો વીડિયો થયો વાઈરલ

ગાંધીમાર્કેટ પાસે પીધેલા પોલીસ કર્મીનો વીડિયો થયો વાઈરલ

ગાંધીધામમાં નશાની હાલતમાં લાગતા કોન્સ્ટેબલનો વીડિયો વાઈરલ થયો હતો. ક્લીપમાં વર્દીધારી શખ્સ ઓસ્લો જવાનું કહેતો...

DivyaBhaskar News Network | Updated - Mar 23, 2018, 02:50 AM
ગાંધીમાર્કેટ પાસે પીધેલા પોલીસ કર્મીનો વીડિયો થયો વાઈરલ
ગાંધીધામમાં નશાની હાલતમાં લાગતા કોન્સ્ટેબલનો વીડિયો વાઈરલ થયો હતો. ક્લીપમાં વર્દીધારી શખ્સ ઓસ્લો જવાનું કહેતો નજરે ચડે છે. વીડીયોના બહાર આવ્યા બાદ સંકુલમાં ચર્ચાનો માહોલ હતો ત્યારે એસપીએ આ અંગે તપાસના આદેશ આપ્યાનું જણાવ્યુ હતુ.

બુધવારના બપોર સુધીમાં ગાંધીધામ સંકુલમાં સ્માર્ટફોનનો ઉપયોગ કરતા મહતમ લોકોના મોબાઈલ પર લથડીયા ખાતા ગાંધીધામના પોલીસકર્મીનો વીડીયો પહોંચી ગયો હતો અને ચર્ચાનો વિષય બન્યો હતો. રાત્રીના સમયે યુવાનોને ગાંધીધામના ગાંધી માર્કેટ નજીક લીધેલા વીડીયોમાં ખાકી વર્દી ધારી કોન્સૅબલ લથડીયા ખાતો આવતો નજરે ચડે છે, જ્યારે યુવાનો તેને પુછે છે કે ક્યાં જાવુ છે તો મહામહનતે ‘ઓસ્લો’ બોલી શક્યો હતો. ત્યારબાદ યુવાનોએ ઉભેલો છકડો દેખાડતા તે તેમા જઈ બેસી જાય છે.

આ કર્મી પોલીસ હેડક્વોટરમાં કોન્સૅબલ તરીકે ફરજ નિભાવતા હોવાનું સુત્રોએ જણાવ્યુ હતુ તો આ અંગે પુર્વ કચ્છ પોલીસ અધિક્ષક ભાવનાબેન પટેલે આ વીડીયોથી તેવો પણ અવગત થયા હોવાનું અને તપાસના આદેશ અપાયા હોવાનું જણાવ્યુ હતુ. અહિ નોંધવુ રહ્યુ કે અગાઉ ભચાઉ પીએસઆઈ ચાવડાએ કોઇ ડર વિના ડિવાયએસપીને ખુલ્લી ધમકી આપ્યાનો બનાવ પણ બનવા પામ્યો હતો. પુર્વ કચ્છમાં પોલીસ પર અંકુશ વધારવાની જરુર હોવાનો સુર ઉઠી રહ્યો છે.

X
ગાંધીમાર્કેટ પાસે પીધેલા પોલીસ કર્મીનો વીડિયો થયો વાઈરલ
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App