Divya Bhaskar

Home » Gujarat » Bhuj » Bhachu » બાનિયારીના સરપંચે હુમલાની દુધઇ પોલીસમાં કર રજુઆત

બાનિયારીના સરપંચે હુમલાની દુધઇ પોલીસમાં કર રજુઆત

Divyabhaskar.com | Updated - Feb 22, 2018, 02:45 AM

ભચાઉ તાલુકાના બાનિયારી ગામના સરપંચ રૂપાભાઇ પાંચાભાઇ આહિરે દુધઇ પોલીસમાં મંગળવારે પોતા ઉપર પાંચ લોકોએ હુમલો...

  • બાનિયારીના સરપંચે હુમલાની દુધઇ પોલીસમાં કર રજુઆત
    ભચાઉ તાલુકાના બાનિયારી ગામના સરપંચ રૂપાભાઇ પાંચાભાઇ આહિરે દુધઇ પોલીસમાં મંગળવારે પોતા ઉપર પાંચ લોકોએ હુમલો કર્યો હોવાની રજુઆત કરી હતી.

    આ બાબતે રૂપાભાઇ આહીરે દુધઇ પોલીસને કરેલી રજુઆતમાં તેમણે જણાવ્યું છે કે,બાનિયારી,કડોલ અને દુધઇના અમુક વિસ્તારોમાં મીઠાના અગર કરી દબાણો ઉદ્યોગપતિ દ્વારા કરાઇ રહયા હોવાથી આ દબાણો તાત્કાલિક દુર કરવા મેં તંત્રમાં અરજીઓ કરી હતી તેનું મનદુ:ખ રાખી મંગળવારે સાંજે હું બાનિયારીથી બુઢારમોરા જઇ રહ્યો હતો ત્યારે ફોર્ચયુનર ગાડીમાંથી પાંચ વ્યક્તિઓ હથિયાર સાથે ઉતરી મારુ ગળું પકડી ગાડી સાથે પછાડી જાનથી મારીનાખવાની ધમકી આપી તું બાબુભીમાને ઓળખતો નથી તેની પહોંચ મોટી છે તેમ જણાવ્યું હતું આ હુમલો કરનારામાં ટપ્પરના રહેવાસી શંભુ નારાણ ગોગરા અને ભીમાસરના હિરેન જખુ હુંબલ સાથે અન્ય અજાણ્યા ત્રણ શખસો હોવાનું બાનિયારીના સરપંચ રૂપાભાઇએ દુધઇ પોલીસમાં કરેલી રજુઆતમાં જણાવ્યું હતુ઼.

    આ બાબતે દુધઇ પોલીસના જે.એચ.ગઢવીને પુછતાં તેમણે જણાવ્યું હતું કે,બાનિયારીના સરપંચે રજુઆત કરી છે હજી પાકી ફરિયાદ નો઼ધાઇ નથી પરંતુ રજુઆતના આધારે તપાસ કરવામાં આવશે જો કંઇ જણાશે તો કાર્યવાહી કરાશે.

    ગાંધીધામના ઉદ્યોગપતિએ કરેલા મીઠાના અગરના દબાણો બાબતે કરેલા દબાણોની ફરિયાદનું મનદુ:ખ રાખી હુમલો થયો હોવાની કરી રજુઆત

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending