Divya Bhaskar

Home » Gujarat » Ahmedabad Aaspass » Barwala » સુરેન્દ્રનગરમાં તસ્કર પોતાની બેગ મૂકીને ડોકટરની બેગ ઉઠાવી ગયો

સુરેન્દ્રનગરમાં તસ્કર પોતાની બેગ મૂકીને ડોકટરની બેગ ઉઠાવી ગયો

Divyabhaskar.com | Updated - Mar 10, 2018, 03:45 AM

સુરેન્દ્રનગરની ગાંધી હોસ્પિટલના આરામ કરવાના રૂમમાંથી કોઇ શખ્સ પોતાની બેગ મૂકીને ડો. જયલક્ષ્મીકાંત રાવલની બેગ...

  • સુરેન્દ્રનગરમાં તસ્કર પોતાની બેગ મૂકીને ડોકટરની બેગ ઉઠાવી ગયો

    સુરેન્દ્રનગરની ગાંધી હોસ્પિટલના આરામ કરવાના રૂમમાંથી કોઇ શખ્સ પોતાની બેગ મૂકીને ડો. જયલક્ષ્મીકાંત રાવલની બેગ ઉઠાવી ગયો હતો. આ ઘટનામાં ડોકટરની બેગ શહેરની ખાનગી હોસ્પિટલ નીચેથી મળી આવતા ચોરીની ફરિયાદ નોંધાઇ હતી.

    સુરેન્દ્રનગરની ટીબી હોસ્પિટલ વિસ્તારના જીઇબી સબ સ્ટેશનની બાજુમાં રહેતા જયલક્ષ્મીકાંત રાવલ ગાંધી હોસ્પિટલમાં ડોકટર તરીકે ફરજ બજાવે છે. તા. 21-1-2018ના રોજ 11.45 થી 12.45 કલાક દરમિયાન તબીબોનાં આરામ કરવાના રૂમમાંથી કોઇ અજાણ્યો શખ્સ તેની જૂની બેગ મૂકીને ડો.જયલક્ષ્મીકાંતની બેગ ઉઠાવી ગયો હતો. ત્યારબાદ ડો. જયલક્ષ્મીકાંતની બેગમાંથી ડોક્યુમેન્ટ કાઢી લઇ ડોક્યુમેન્ટ સીવાયની બેગ સુરેન્દ્રનગરની મેડીકો હોસ્પિટલના નીચેના માળે મૂકી ગયો હતો. જયારે અજાણ્યા શખ્સની બેગ ડોકટરે પોલીસ મથકે જમા કરાવતા તે ખાલી હોવાનું બહાર આવ્યુ હતું. બીજી તરફ ડોકટરની બેગમાંથી સિરીયલ નં. 1 થી 163 સુધીના ઇપીઆર નંબરવાળા કાગળો તથા સિરિયલ નં.1 થી15ના પી.એમ. સહિતના કાગળોની ચોરી થઇ હતી. આ ઘટના અંગે સુરેન્દ્રનગર બી-ડિવીઝન પોલીસ મથકે ડો. જયલક્ષ્મીકાંત રાવલે પોલીસ ફરિયાદ નોંધાવતા વધુ તપાસ પીએસઆઈ કરી રહ્યાં છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending