તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

‘અબ્બાને જ્યારે પેરાલિસિસ એટેક આવ્યો તો તેમના ફેન્સ જાણે ક્યાં-ક્યાંથી મદદ માટે ભેગા થયા’

એક વર્ષ પહેલા
  • કૉપી લિંક
‘હું જ્યારે 18-19 વર્ષનો હતો ત્યારે અભ્યાસમાં નબળો હતો. અબ્બાની ખબ ઈચ્છા હતી કે હું ઉચ્ચ શિક્ષા હાંસલ કરું પરંતુ તેમણે મને ક્યારેય ટોક્યો નહીં કે તું અભ્યાસ નથી કરતો. જ્યારે હું 18 વર્ષનો થયો ત્યારે એક દિવસ તેમણે મને કહ્યું કે ‘બેટા જીવનમાં એ બધુ જ કરે જેમાં તને ખુશી મળતી હોય પરંતુ એક વસ્તુ યાદ રાખજે કે બધામાં શ્રેષ્ઠ બનજે. જો તું રોડ પર સાવરણી મારીશ તો પણ હું તારું સન્માન કરીશ પરંતુ પ્રયાસ એ કરજે કે તેમાં પણ શ્રેષ્ઠ રહે.’ માત્ર આ જ આખા જીવનમાં તેમણે મને એડવાઇસ આપી. અબ્બા અને અમ્મી કાયમ પહાડની જેમ ચૂપચાપ ઊબા રહીને મારા સપોર્ટ સિસ્ટમ બન્યા રહ્યા. અબ્બા અને મારી વચ્ચે ખૂબ સાઇલન્ટ કોમ્યુનિકેશન રહ્યું છે. એક રાતે અબ્બાને જ્યારે એટેક આવ્યો હતો તો હું બહાર હતો. રાતનો સમય હતો, અબ્બાને તેમના મિત્ર બહારથી ઉઠાવીને લઈ આવ્યા હતા. રાતે એક બ્રેન સર્જન આવ્યા જે ચેતન આનંદ સાહેબના ખૂબ નજીક હતા. તેમણે ચેકઅપ કર્યુ તો અબ્બાનું બ્લડપ્રેશર 240ની નજીક હતું. સવારે ફેમિલી ડૉક્ટર આવ્યા તેમણે ચેકઅપ કર્યુ અને જણાવ્યું કે તેમને પેરાલિસિસનો એટેક આવી ચૂક્યો છે. તેમને હોસ્પિટલમાં એડમિટ કરાવવામાં આવ્યા. ત્યારે હું 18 વર્ષનો જ હોઇશ જ્યારે મને સમજ આવ્યું કે આર્થિક મુશ્કેલી છે. અબ્બાના અનેક ફેન્સ હતા, ચેતન આનંદ અને તેમના પ્રોડ્યૂસર્સ, એક અન્ય ફિલ્મમેકર હતા એસ. સુખદેવ આ બધાએ ખૂબ મદદ કરી. ખબર નહીં ક્યાં-ક્યાંથી લોકો મદદ કરવા માટે આવ્યા. ભિવંડીથી કોઈ વર્કર આવી રહ્યો હતો તો ચૂપચાપ મને ખૂણામાં લઈ જઈને રૂપિયા આપી દેતા. જોકે, અમે ક્યારેય નહોતું કહ્યું કે અમને રૂપિયાની જરૂર છે પરંતુ હકીકત એ છે કે અમને રૂપિયાની જરૂર હતી. મારા અમ્મીએ આ મુશ્કેલીઓને બાળકો પર ક્યારેય વ્યક્ત નથી થવા દીધી. પછી જ્યારે અબ્બા સ્વસ્થ થયા તો કહ્યું મારે ગામડે જવું છે. તેમણે કહ્યું બીમારીએ પોતાનું કામ કર્યુ અને મારે પોતાનું કામ કરવાનું છે.’

બાબા આઝમી

કૈફી આઝમીના પુત્ર અને સિનેમેટોગ્રાફર

‘આર્ટિકલ વંચાવવા તો માત્ર બહાના હતા અબ્બા અમારા બાળકોના ચહેરા જોવા ઈચ્છતા હતા’
હું કોન્વેંટમાં ભણેલી યુવતી હતી તો ઘરે પણ અંગ્રેજી અથવા મરાઠીમાં વાત કરતી હતી. લગ્ન પછી કૈફી સાહેબ અને શૌકતજી સાથે ભાષા હિન્દુસ્તાની થઈ ગઈ કારણ કે મારે તેમની જ ભાષામાં વાત કરવાની રહેતી હતી. શરૂઆતમાં મને અફસોસ હતો કે હું પોતાના માતા-પિતાથી દૂર થઈ રહી છું પરંતુ કૈફી સાહેબે મને એટલો પ્રેમ આપ્યો જેટલો માત્ર એક પિતા પોતાની પુત્રીને આપી શકે છે. ઘરે દરરોજ સાંજે મહેફિલ જામતી હતી અને શેરો-શાયરી થતી હતી. તે મહેફિલમાં બેસીને કિસ્સાઓ સાંભળવા મને સારા લાગતા હતા. કૈફી સાહેબ સ્વયં ભલે ઓછી વાત કરતા હતા પરંતુ તેમને આખું ઘર લોકોથી ભરેલું જોઈતું હતું. ઘણી વખત મિત્રોને બોલાવી લેતા હતા, કોઈ મુદ્દો છેડી દેતા હતા અને પછી એક ઝપકી પણ લઈ લેતા હતા. પછી અચાનક ઉઠતા અને સારું-સારું કહીને ફરીથી વાત કરવા લાગતા. તેમને બાળકોને મળવું હતું પરંતુ ક્યારેય એવું નહોતા કહેતા કે બેટા તારી યાદ આવી રહી છે. કોઈ ન કોઈ બહાનું બનાવીને અમને પોતાની પાસે બોલાવી લેતા હતા. એક વખત મને ફોન કરીને પૂછ્યું કે બેટા જો તું ફ્રી હોય તો ઘરે આવી જા, કંઈક કામ છે. હું ગઈ તો તેમણે મને એક આર્ટિકલ વાંચવા આપ્યો અને મારી સામે જ સુઇ ગયા. પછી એક ઝપકી લઈને ઉઠ્યા અને બોલ્યા સારું તેને પછી પૂરું કરી લેશું, તું કહે બાકી બધુ કેવું ચાલી રહ્યું છે. અર્થ સ્પષ્ટ હતો કે આર્ટિકલ તો બહાના હતા તેઓ માત્ર મારી સાથે વાત કરવા ઈચ્છતા હતા. દરરોજ સાંજે શબાના, જાવેદ, અમ્મી-અબ્બા, બાબ અને હું બેસી જતા હતા. અબ્બા કોઈ ફરમાઇશ કરતા તો જાવેદ સાહેબ કંઈક સંભળાવતા હતા અને આ અમારા બધા માટે એનરિચિંગ એક્સપિરિયન્સ હતું. ક્યારેક-ક્યારેક તો અબ્બા અને જાવેદ સાહેબ ડિનર ટેબલ પર આવવા માટે એક સાથે પોતાના-પોતાના રૂમથી નીકળતા તો પહેલા તમે-પહેલા તમેના ચક્કરમાં રહી જતા હતા અને અમે ભોજન શરૂ થવાની રાહ જ કરતા રહેતા હતા.’

(જેવું બંનેએ અરવિંદ મંડલોઇને જણાવ્યું)

તનવી આઝમી

બાબા આઝમીની પુત્રવધુ અને ફિલ્મ એક્ટ્રેસ

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- વ્યક્તિગત તથા પારિવારિક ગતિવિધિઓમાં તમારી વ્યસ્તતા રહેશે. કોઇ પ્રિય વ્યક્તિની મદદથી તમારું અટવાયેલું કામ પણ પૂર્ણ થઇ શકે છે. બાળકોની શિક્ષા અને કરિયરને લગતા મહત્ત્વપૂર્ણ કાર્ય પણ પૂર્ણ થઇ શક...

    વધુ વાંચો