Home » Gujarat » Ahmedabad Jilla » Ahmedabad » શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated

શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો

Divyabhaskar.com | Updated - May 28, 2018, 05:53 PM

શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી સ્વામીજી મહારાજના ૭૬મા પ્રાગટ્યોત્સવની રવિવારે ઉજવણી કરાઈ હતી

  • શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated
    +4બીજી સ્લાઈડ્સ જુઓ
    આચાર્ય શ્રી પુરુષોત્તમપ્રિયદાસજી સ્વામીજીએ આ પ્રસંગે હરિભક્તોને આશીર્વાદ આપ્યા હતા.

    અમદાવાદઃ શ્રી સ્વામિનારાયણ ભગવાનના નાદવંશ પરંપરાના પંચમ વારસદાર શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી સ્વામીજી મહારાજના ૭૬મા પ્રાગટ્યોત્સવની રવિવારે મણિનગર સ્થિત શ્રી સ્વામિનારાયણ મંદિરે હર્ષોલ્લાસથી ઉજવણી કરાઈ હતી. આ પ્રસંગે આચાર્યશ્રી પુરુષોત્તમપ્રિયદાસજીના આશીર્વાદ લેવા તેમજ જન્મદિનની વધાઈ આપવા મણિનગરમાં લાખ્ખો શ્રદ્ધાળુઓની આસ્થા અને શ્રદ્ધાના કેન્દ્ર શ્રી સ્વામિનારાયણ મંદિરે રવિવારે વિશ્વભરમાંથી બાપાભક્તોની શ્રદ્ધા અને આસ્થાનું ઘોડાપૂર વહેલી પરોઢથી શરુ થઇ ગયું હતું. બપોર પડતાં તો જાણે મણિનગરમાં જાણે શ્રદ્ધાનો મહેરામણ છલકાયો હોય તેમ હૈયેહૈયું દળાય તેવી ભક્ત મહાસાગરની ભીડ ઉમટી હતી.

    સ્વામીજીના દર્શનની એક ઝલક માટે સવારથી જ ભક્તોનો જામ્યો મેળાવડો


    આચાર્યશ્રી પુરુષોત્તમ પિર્યદાસજી સ્વામીજીના દર્શન કરવા તેમજ તેમની એક ઝલક મેળવવા માટે સવારથી જ મણિનગર સ્થિત શ્રી સ્વામિનારાયણ મંદિરે બે દિવસથી ભક્તોની ભારે ભીડ જામી હતી. શિસ્તબદ્ધ રીતે તમામ હરિભક્તોએ પણ ખાસ કરાયેલી વ્યવસ્થાને જાળવીને કોઈને સહેજ પણ તકલીફ ન પડે તે રીતે સ્વામીજીના દર્શન કર્યા હતા. મણિનગર ગાદીના આચાર્યશ્રીની ઉજવણી માટે પણ મંદિરમાં અનેરા ઉત્સાહનો માહોલ હતો અને દેશવિદેશથી પધારેલા સંતો તથા હરિભક્તો માટે વિશેષ વ્યવસ્થા કરવામાં આવી હતી.

    (આગળની સ્લાઈડમાં જુઓ શ્રી સ્વામિનારાયણ બેગપાઈપર બેન્ડની પરેડે જમાવ્યું આકર્ષણ)

  • શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated
    +3બીજી સ્લાઈડ્સ જુઓ
    સ્વામિનારાયણ બેગપાઈપર બેન્ડની પરેડ જોવાનો લ્હાવો પણ હરિભક્તોએ લીધો હતો.

    શ્રી સ્વામિનારાયણ બેગપાઈપર બેન્ડની પરેડે જમાવ્યું આકર્ષણ

     

    વિશ્વભરમાં આચાર્ય શ્રી પુરુષોત્તમપ્રિયદાસજી સ્વામીજીના યશ અને કિર્તી ફેલાયેલા છે અને તેમની નિશ્રા અને આશીર્વાદથી કાર્યરત શ્રી સ્વામિનારાયણ બેગપાઈપર બેન્ડે આ પ્રસંગે વિશેષ પરેડ યોજીને ભગવાન શ્રી સ્વામિનારાયણના વિવિધ ભજનોની ધૂન પર બેન્ડ વગાડ્યું હતું. શ્રી સ્વામિનારાયણ ભગવાનના નાદવંશ પરંપરાના પંચમ વારસદાર શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી સ્વામીજી મહારાજના સ્નેહ સદભાવ – ૭૬ મા પ્રાગટ્યોત્સવ હોઈ ગુજરાતના ખૂણે ખૂણેથી અને દેશ પરદેશના હજ્જારો હરિભક્તો બાપાના દર્શન કરવા ઉમટી પડતાં ભૂમંડળ સ્થિત તીર્થોત્તમ ધામમાં ભક્તોનો મહાસાગર છલકાયો હોય તેવો નજરો જોવા મળ્યો હતો. સહુકોઈ સ્વામિનારાયણબાપા સ્વામીબાપા અને આચાર્ય સ્વામીજી મહારાજની ભક્તિમાં રંગાઈ હતું.  હૈયેહૈયું દળાય તેવી ભીડ વચ્ચે જયનાદોથી સમગ્ર ધામ ગુંજી ઊઠ્યું હતું.

  • શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated
    +2બીજી સ્લાઈડ્સ જુઓ
    સંપ્રદાયના સંતો-મહંતોએ આચાર્યશ્રી મહારાજને હાર પહેરાવીને આ પાવન પ્રસંગે શુભકામનાઓ પાઠવી હતી.

    પૂ. સ્વામીજીનું પ્રાગટ્ય સંવત 1998ની અધિક જ્યેષ્ઠ ત્રયોદશીએ થયું હતું

     

    શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી સ્વામીજી મહારાજનું પ્રાગટ્ય વિક્રમ સંવત ૧૯૯૮ અધિક જયેષ્ઠ ત્રયોદશી, તા. ૨૮-૫-૧૯૪૨ ને ગુરુવારના શુભ દિને થયું હતું. યોગાનુયોગ આજે ૭૬મા વર્ષે અંકમેળ પણ મળતો આવતો હતો. ૭+૬ =૧૩, નામ છે ...શ્રી પુરુષોત્તમપ્રિયદાસજી સ્વામી...અક્ષર થાય ૧૩- તેર, તિથિ પણ તેરસ...આજે તિથિ મુજબ પ્રાગટ્ય દિન હતો ...૨૭-૫-૨૦૧૮ પ્રમાણેની ગણતરી કરીએ તો ૭૫ વર્ષ ૧૧ મહિના અને ૨૯ દિવસ... ૯૧૧ મહિના અને ૨૯ દિવસ... ૩૯૬૫ અઠવાડિયા અને ૩ દિવસ... ૨૭,૭૫૮ દિવસ...૬,૬૬,૧૯૨ કલાકો...૩,૯૯,૭૧,૫૨૦ મિનિટો...અને ૨,૩૯,૮૨,૯૧,૨૦૦ સેકન્ડો... અત્યાર સુધી ૬ અધિક જયેષ્ઠ માસ આવ્યા છે.

  • શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated
    +1બીજી સ્લાઈડ્સ જુઓ
    ભગવાન શ્રી સ્વામિનારાયણને પણ આ પ્રસંગે વિશેષ શણગાર કરાયો હતો જ્યારે આચાર્યશ્રીને વિશેષ કેક અર્પણ કરાઈ હતી.

    સંતવાણી, ભક્તિ નૃત્યો, પાદપ્રક્ષાલન, પૂજન-અર્ચન, કેટકટિંગ, આતશબાજી થયા

     

    એવા આચાર્ય શ્રી પુરુષોત્તમપ્રિયદાસજી સ્વામીજી મહારાજના પ્રાગટ્ય પર્વે સ્વાગત યાત્રા, સંતવાણી, વિધ વિધ ભક્તિ નૃત્યો, પાદપ્રક્ષાલન-પૂજન અર્ચન, આશીર્વાદ, કેક કટિંગ સેરેમની, મહાનીરાજન, આકાશમાંથી પુષ્પવર્ષા, આતશબાજી ....જય ...જય બાપાના ગગનભેદી નારા...વગેરે કાર્યક્રમો સુસંપન્ન થયા હતા. મેયરશ્રી, ચેરમેનશ્રી, સંતો, નગરશ્રેષ્ઠીઓ વગેરે પધારી દર્શન, આશીર્વાદથી ધન્ય થયા હતા.

  • શ્રી સ્વામિનારાયણ ગાદીના આચાર્ય શ્રી પુરુષોત્તમપ્રિયદાસજી મહારાજનો ૭૬મો પ્રાગટ્યોત્સવ ઉજવાયો/Maninagar Gadi Sansthan Acharya Shri Purushottam Priyadasji Maharaj 76th Birthday Celebrated
    આચાર્યશ્રી પુરુષોત્તમપ્રિયદાસજી સ્વામીજીના દર્શન કરીને હરિભક્તોએ પણ ધન્યતા અનુભવી હતી.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ