Divya Bhaskar

Home » Gujarat » Ahmedabad Jilla » Ahmedabad » Suzuki Intruder 150 ad shoot in Ahmedabad, See The Video Hear

સુઝુકી ઈન્ટ્રુડરની નવી ઍડમાં ઝીલાયેલું ખૂબસૂરત અમદાવાદ તમે જોયું?

Divyabhaskar.com | Updated - Apr 09, 2018, 07:33 PM

જૅપનીસ ઑટો બ્રાન્ડ ‘સુઝુકી’એ પોતાની હાઈએન્ડ બાઈક ‘ઈન્ટ્રુડર’નું ઍડનું શૂટિંગ અમદાવાદનાં વિવિધ સ્થળોએ કરવામાં આવ્યું છે

  • જૅપનીસ ઑટો બ્રાન્ડ ‘સુઝુકી’એ પોતાની હાઈએન્ડ બાઈક ‘ઈન્ટ્રુડર’નું નવું મૉડલ લૉન્ચ કર્યું છે.150 CCના આ બાઈકની કિંમત લગભગ 1.14 લાખ રૂપિયા જેટલી છે. બાઈક તો જાણે યુવાનોને આકર્ષી જ રહી છે પરંતુ તેની ઍડ પણ ચર્ચાસ્પદ બની છે. ખાસ કરીને ગુજરાતીઓ અને એમાંય અમદાવાદીઓને આ ઍડ જોઈને સુખદ આશ્ચર્ય થયું છે. કેમકે આ ઍડનું શૂટિંગ અમદાવાદનાં વિવિધ સ્થળોએ કરવામાં આવ્યું છે. આ ઍડમાં અમદાવાદનાં લીલાંછમ વિસ્તારો, સ્મૂધ રસ્તા દેખાય છે. સાબરમતી નદીનો પટ પણ દેખાય છે. જોકે ઍડમાં દેખાતી સાબરમતીમાં સૂકો પટ નજરે પડે છે. સાબરમતી રિવરફ્રન્ટ આ ઍડનું સૌથી નયનરમ્ય પાસું છે. માત્ર ‘નવું’ અમદાવાદ જ નહીં, નદી પારના જૂના વિસ્તારો પણ દેખાય છે. તેમાં ઈન્ટ્રુડર બાઈકનું ઝૂંડ રિલીફ રોડમાં એન્ટ્રી લે છે એ દૃશ્ય ડ્રોનની મદદથી શૂટ કરવામાં આવ્યું છે. મજાની વાત એ છે કે એ વખતે આખો રિલીફ રોડ બંધ અને ખાલી દેખાય છે. સામાન્ય દિવસોમાં રિલીફ રોડ પર આ રીતે વાહન ચલાવવાની જગ્યા જ હોતી નથી. ત્યારપછી આ બાઈકરેલી રિવરફ્રન્ટની વાટ પકડે છે. આ સમગ્ર ઍડમાં અમદાવાદ છે તેના કરતાં ક્યાંય વધુ સુંદર લાગે છે. અમદાવાદના રસ્તાઓ પણ એકદમ સ્મૂધ અને મોકળાશભર્યા લાગે છે. આ ઍડ રિવરફ્રન્ટના બૅકગ્રાઉન્ડ સાથે જ પૂરી થાય છે. તેમાં અમદાવાદની ઓળખ સમો એલિસબ્રિજ પણ દેખાય છે.આ ઍડમાં બાઈક ઉપરાંત અમદાવાદ પણ એક કેરેક્ટર તરીકે ઊભરી આવ્યું છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending