Divya Bhaskar

Home » Gujarat » Gujarat Ni Gupshup » These three forms of Amba have not been seen, there are many mysteries

માં અંબાના આ ત્રણ સ્વરૂપ નહિ જોય હોય, રહેલા છે અનેક રહસ્યો

Divyabhaskar.com | Updated - Apr 03, 2018, 12:15 PM

સવારે બાલરૂપની, બપોરે યૌવન સ્વરૂપની, સાંજે પ્રૌઢ સ્વરૂપની પુજા થાય છે

  • આરતીમાં વિરામ બાદ પુજારી પોતાની આંખે પાટા બાંધી એક મિનીટ સુધી માતાજીની વિશેષ પુજા કરે છે

    પાલનપુર: આ વાંચી તમે મોંઢામાં આંગળા નાખતા રહી જશો કે સુપ્રસિદ્ધ યાત્રાધામ અંબાજીમાં માતાજીની અલગ-અલગ સ્વરૂપમાં શ્રૃંગાર અને પુજા થાય છે. કહેવાય છે કે, સવારે માતાજીના બાલરૂપની, બપોરે યૌવન સ્વરૂપની અને સાંજે પ્રૌઢ સ્વરૂપની પુજા થાય છે. આમ કદાચ વિશ્વનું આવું પહેલું મંદિર હશે કે જ્યાં આ રીતે માતાજીના અલગ-અલગ સ્વરૂપની પુજા થાય છે. સુપ્રસિદ્ધ યાત્રાધામ અંબાજી મંદિર અનેક પૌરાણિક કથાઓ સાથે વિશ્વભરમાં પ્રસિદ્ધ થયું છે. જેમાં પૌરાણિક કથાઓ વિશે સહુ કોઇએ ધાર્મિક પુસ્તકમાં કે અન્ય કોઇ જગ્યાએ વાંચ્યું હશે. પરંતુ માતાજીની અલગ-અલગ સ્વરૂપમાં શ્રૃંગાર અને પુજા વિશે વિચાર્યું પણ નહીં હોય તેમ અંબાજી મંદિરમાં માતાજીની શ્રૃંગાર અને પુજા થાય છે. કહેવાય છે કે, જેમ બાળક નાનું હોય ત્યારે દૂધ પીવે છે, યુવાન બને ત્યારે ભરપેટ ભોજન જમે છે તેમજ પ્રૌઢ થાય ત્યારે હલકો ખોરાક કે ફ્રુટ ખાય છે.

    આમ અંબાજીમાં દરરોજ સવારે માતાજીના બાલરૂપની શ્રૃંગાર, પુજા અને બાળભોગમાં દૂધ આપવામાં આવે છે. જ્યારે બપોરે યૌવન સ્વરૂપમાં માતાજીને સાડી, આભૂષણથી સજ્જ કરાવાય છે અને પુજા પછી રાજભોગમાં શુદ્ધ ઘી માં બનેલ રાજભોગ એટલે કે શાક, પુરી, દાળ, ભાત અને મિષ્ઠાનનું ભોજન અપાય છે. જ્યારે સાંજે પ્રૌઢ સ્વરૂપમાં માતાજીનો શ્રૃંગાર, પુજા અને ભોગમાં ફ્રુટનો પ્રસાદ આપવામાં આવે છે તેમ દેવસ્થાન ટ્રસ્ટના સૂત્રોએ જણાવ્યું હતું. આમ વિશ્વનું આ કદાચ પહેલું એવું મંદિર હશે જ્યાં માતાજીના અલગ-અલગ સ્વરૂપના શ્રૃંગાર અને પૂજા થાય છે.

    તસવીર- જીતેન્દ્ર પઢિયાર

    આગળ વાંચો: આરતીમાં વિરામ બાદ પુજારી પોતાની આંખે પાટા બાંધી એક મિનીટ સુધી માતાજીની વિશેષ પુજા કરે છે

  • These three forms of Amba have not been seen, there are many mysteries
    +3બીજી સ્લાઈડ્સ જુઓ
    ગૌમુખમાંથી સરસ્વતીના પવિત્ર જળ લાવી માતાજીને સ્નાન કરાવાય છે

    આરતીમાં વિરામ બાદ પુજારી પોતાની આંખે પાટા બાંધી એક મિનીટ સુધી માતાજીની વિશેષ પુજા કરે છે

     

    યાત્રાધામ અંબાજીમાં માતાજીની મૂર્તિ નથી. અહીંયા વિષાયંત્રની પુજા થાય છે. જેમાં ખાસ કરીને આરતી ચાલતી હોય અને શ્રદ્ધાળુઓ આરતીમાં મગ્ન હોય છે ત્યારે આરતીમાં વચ્ચે ‘તેરસે તુળજા રૂપ...’ ની કડી આવતા જ આરતી વચ્ચે એક મિનીટ માટે થોભી જાય છે અને મંદિરના પુજારી પોતાની આંખે પાટા બાંધી છે જેથી તે માતાજીને જોઇ ન શકે અને માતાજીની એક મિનીટ માટે વિશેષ પુજા કરે છે.


    આગળ વાંચો: અંબાજી મંદિરની પૌરાણિક માન્યતાઓ

  • These three forms of Amba have not been seen, there are many mysteries
    +2બીજી સ્લાઈડ્સ જુઓ

    અંબાજી મંદિરની પૌરાણિક માન્યતાઓ


    1. શ્રી કૃષ્ણનું મુંડન માતા યશોદાએ અહીંયા આવી કરાવ્યું હતું.
    2. શ્રીરામ અને લક્ષ્મણ સીતા માતાની ખોજમાં અહીંથી નિકળ્યા ત્યારે માતાજીએ રાવણને મારવા અજયબાણ શ્રીરામને આપ્યું હતું.
    3. વાલ્મિકી મુનીએ રામાયણ લખવાની શરૂઆત પણ આ તપોભૂમિથી કરી હતી.


    આગળ વાંચો: કોટેશ્વર મહાદેવના ગૌમુખમાંના પવિત્ર જળથી માતાજીને સ્નાન કરાવાયા છે

  • These three forms of Amba have not been seen, there are many mysteries
    +1બીજી સ્લાઈડ્સ જુઓ

    કોટેશ્વર મહાદેવના ગૌમુખમાંના પવિત્ર જળથી માતાજીને સ્નાન કરાવાયા છે


    કાવડીયાઓ દ્વારા દરરોજ વહેલી સવારે કોટેશ્વર મહાદેવ જઇ ગૌમુખમાંથી સરસ્વતીના પવિત્ર જળ લાવી માતાજીને સ્નાન કરાવાય છે.

  • These three forms of Amba have not been seen, there are many mysteries
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending