Home » Gujarat » Gujarat Ni Gupshup » Palanpur youths make food arrangements for the poor people

પાલનપુરના આ યુવાનોએ ગરીબો માટે આદર્યો અનોખો સેવાયજ્ઞ

Divyabhaskar.com | Updated - Feb 18, 2018, 09:15 PM

વિવિધ પ્રસંગોએ વધેલા ભોજનને જરૂરીયાતમંદ વ્યકિત સુધી પહોંચાડવા પાલનપુરના યુવાનોએ એક સેવાયજ્ઞ આદર્યો

  • Palanpur youths make food arrangements for the poor people
    +2બીજી સ્લાઈડ્સ જુઓ
    પાલનપુરના યુવાનોએ સોસીયલ મિડીયામાં ટાઇમ ન બગાડી એક સેવાનું કાર્ય હાથ ધર્યું

    પાલનપુર: પાલનપુરના યુવાનોએ સોસીયલ મીડિયામાં ટાઇમ ન બગાડી એક સેવાનું કાર્ય હાથ ધર્યું છે. જેમાં લગ્ન પ્રસંગે અથવા કોઇ અન્ય પ્રસંગે જમણવારમાં વધેલભોજનને એંઠવાડમાં ફેંકી ન દઇ તે શુભ સ્થળેથી પોતાના સ્વખર્ચે લઇ આવી ગરીબોને ટિફીન સેવા કરતા મંદિરમાં અપાય છે. આમ ‘અન્નદાન-મહાદાન’ ને લઇને પાલનપુરના યુવકોએ આ સેવા યજ્ઞ આદર્યો છે.

    પાલનપુરના યુવાનોએ એક સેવાયજ્ઞ આદર્યો

    ‘અન્નદાન-મહાદાન’ ના સૂત્રોને સાર્થક કરવા પાલનપુરના યુવકો વિનેશ ગુપ્તા,પ્રિતેશ ખત્રી, જૈમીન ગુપ્તા, જયેશ ગુપ્તા, મયંક ગુપ્તા સહિત જિજ્ઞેશ પ્રજાપતિએ સેવા યજ્ઞ આરંભ્યો છે. પાલનપુરમાં હાલ લગ્નસરાની સીઝન ચાલી રહી છે તેમજ બારેમાસ કાંઇને કાંઇ પ્રસંગોપાત જમણવાર યોજાતા રહે છે. આ દરેક પ્રસંગે જમવાનું વધતું જ હોય છે અને એ વધેલું ભોજન એંઠવાડમાં અથવા ઢોરોને ખવડાવો તો અન્નનો બગાડ થાય છે. આમ વિવિધ પ્રસંગોએ વધેલા ભોજનને જરૂરીયાતમંદ વ્યકિત સુધી પહોંચાડવા પાલનપુરના યુવાનોએ એક સેવાયજ્ઞ આદર્યો છે.


    જેમાં આ મિત્રો દ્વારા લગ્ન કે અન્ય કોઇ પ્રસંગે વધેલ ભોજનને લઇને ગરીબોને ટિફીન સેવા કરતા મંદિરમાં અપાય છે. આ અંગે રામસેવા પીકે ગ્રુપના મિત્રોને પૂછતાં તેમણે જણાવ્યું હતું કે, ‘ભીખ માંગતા ગરીબોને જોઇને વિચાર આવ્યો છે કે લગ્ન પ્રસંગ કે અન્ય શુભપ્રસંગે જે ભોજન બગડે છે તે લોકો એંઠવાડમાં ફેંકે છે તેના કરતાં તો કોઇ ગરીબના પેટમાં જાય તો સારું અને આ અભિયાન હાથ ધરેલ છે. (તસવીર-જીતેન્દ્ર પઢિયાર)

    આગળ વાંચો... સોશિયલ મીડિયામાં પોતાના કોન્ટેક નંબર દ્વારા કરી જાહેરાત

  • Palanpur youths make food arrangements for the poor people
    +1બીજી સ્લાઈડ્સ જુઓ
    સોશિયલ મીડિયામાં પોતાના કોન્ટેક નંબર દ્વારા કરી જાહેરાત

    સોશિયલ મીડિયામાં પોતાના કોન્ટેક નંબર દ્વારા કરી જાહેરાત

     

    સોશિયલ મીડિયામાં પોતાના કોન્ટેક નંબર વડે એક જાહેરાત કરાઇ હતી, જેમાં રવિવારે પાલનપુરના બ્રિજેશ્વર કોલોની, ગોરરીરોડ અને અંબિકાનગર વિસ્તારમાં યોજાયેલા શુભ પ્રસંગમાં વધેલા ભોજન લઇ જવા માટે તેમને ફોન કરવામાં આવ્યો હતો. જ્યાંથી ભોજન લઇને એ ગરીબોને ટિફિન સેવા કરતા મંદિરને આપવામાં આવ્યું હતું. જેમાં પાલનપુરમાં કોઇ શુભ પ્રસંગે ભોજન વધે તો જૈમીન ગુપ્તા-98254 07359,વિનેશ ગુપ્તા-99248 92899, પ્રિતેશ ખત્રી-94295 26427નો કોન્ટેક કરી શકો છો.

  • Palanpur youths make food arrangements for the poor people
    પાલનપુરના યુવાનોએ ગરીબો માટે કરી ભોજનની વ્યવસ્થા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ