Veraval - latest veraval news 040216

સોમનાથનાં ત્રિવેણી સંગમમાં ડુબી જતાં ભચાઉનાં જંગી ગામનાં યુવાનનું મોત

Divyabhaskar.com | Updated - Nov 11, 2018, 04:02 AM

તર્પણ વિધી બાદ ચાર સભ્યો નદીમાં સ્નાન કરવા માટે ગયા હતા ભાઇબીજનાં દિવસે પરિવાર સાથે મૃતક સ્વજનનાં અસ્થિ...

  • Veraval - latest veraval news 040216
    ભચાઉ તાલુકાનાં જંગી ગામે રહેતો એક આહિર પરિવાર મૃતક સ્વજનનાં અસ્થિ વિસર્જન વિધી માટે ભાઇબીજનાં દિવસે સોમનાથનાં ત્રિવેણી સંગમ ખાતે આવ્યો હતો અને બપોરનાં 11 વાગ્યાનાં સમયે વિધી પૂર્ણ થયા બાદ પરિવારનાં ચાર સભ્યો નદીમાં સ્નાન કરી રહ્યા હતા અને એ સમયે બે યુવાન નદીનાં પાણીમાં ગરક થવા લાગ્યા હતા. જયારે એકને તુરંત બચાવી લેવાયો હતો. પરંતુ ઋષિ બબાભાઇ ડાંગર (ઉ.વ.20) નામનાં યુવાનનો કોઇ પત્તો લાગ્યો ન હતો. જેથી અહીં હોડી ચલાવતા મહેશગીરી ગોસ્વામીનાં ભાઇ પ્રકાશગીરીને જાણ થતાં તેમણે અન્ય યુવાનોને સાથે રાખી આ યુવાનની શોધખોળ હાથ ધરી હતી અને 40 મિનીટ બાદ 20 ફુટ ઉંડા પાણીમાંથી મૃતદેહ મળી આવ્યો હતો. આ બનાવથી પરિવારજનો શોકમાં ગરકાવ થઇ ગયા હતા અને ભાઇબીજનાં દિવસે જ બહેનની નજર સામે જ ભાઇનું મોત થતાં કરૂણાંતિકા સર્જાઇ હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From

Trending

વીડિયો વધુ જુઓ