ગૂગલે પોતાનાં મેપમાં કુદરતી સૌંદર્યનો ઉમેરો કર્યો

9 વર્ષ પહેલા
  • કૉપી લિંક

ગૂગલે પહેલી જ વાર પોતનાં મેપ્સ પર મનોહર પરવાળાનાં ખડકો (કોરલ રીફ)નો ઉમેરો કર્યો છે. હવે યુઝર્સ એક ક્લિક પર જ આ પરવાળા જોઇ શકશે.



ગૂગલે પોતાનાં મેપમાં સ્ટ્રીય વ્યુ સર્વિસમાં કેટલાક કોરલ રીફનાં વિશાળ દ્રશ્યોનો ઉમેરો કર્યો છે. યુઝર પોતાની રીતે નેવિગેટ કરીને આ બધું જોઇ શકશે.



આ સર્વિસમાં ઉમેરવામાં આવેલી જગ્યાઓમાં ઓસ્ટ્રેલિયાના ગ્રેટ બેરિયર રીફ, લેડી એલિયટ આઇલેન્ડ અને વિલ્સન આઇલેન્ડ, તેમજ હવાઇની હનાઉમા બે અને મોલોકીની ક્રેટર તેમજ ફિલીપીન્સનાં એપો આઇલેન્ડનો સમાવેશ થાય છે. આ મટિરીયલને કેટલિન સીવ્યુ સર્વે દ્વારા એકત્રિત કરવામાં આવ્યું હતું, જે પરવાળાની તંદુરસ્તી તેમજ ગ્લોબલ વોર્મિંગની તેમના પર અસરનો અભ્યાસ કરતો એક પ્રોજેક્ટ છે.



ગૂગલનો આ પ્રયત્ન વૈજ્ઞાનિકોને જૈવવ્યવસ્થાનું વિશ્લેષણ કરવામાં અને સામાન્ય સચેતતા વધારવામાં મદદરૂપ બનશે, તેમ પ્રોજેક્ટનાં ડિરેક્ટરે જણાવ્યું હતું. આ ઉપરાંત વધી રહેલી હરીફાઇમાં ગૂગલનું આ પગલું પબ્લિસીટીનો પ્રયત્ન પણ હોઇ શકે છે, તેમ બીબીસીનાં એક અહેવાલમાં જણાવાયું છે. ગૂગલે આ પહેલાં દરિયાનાં પેટાળની જમીનનાં કોમ્પ્યુટર જનરેટેડ ફોટો બહાર પાડ્યા હતા, પણ આ વખતે તેણે પોતાનાં મેપમાં અન્ટરવોટર ફોટોગ્રાફનો ઉમેરો કર્યો છે.




Related Articles:

ગૂગલે આઇફોન 5 ખરીદનારાઓને આપી મોટી રાહત
લોન્ચ થયાનાં 8 કલાકમાં હેક થયો આઇફોન 5
બે મિત્રો દુશ્મન થયા, તેનો ભોગ બન્યા આઇફોન 5 યુઝર્સ
ભારતમાં આઇફોન-5 ઓનલાઇન ખરીદી શકો છો
આઇફોન 5 રિવ્યુઃ પરફેક્શનનો એક શ્રેષ્ઠ નમૂનો
HTCએ બે સ્માર્ટફોન લોન્ચ કરી એપલ, સેમસંગને ફેંક્યો પડકાર
આઇફોન-5 ખરીદો ત્યારે આ કવર પર પણ નાખી લેજો એક નજર