Divya Bhaskar

Home » Gadgets » Apps » ગૂગલનું નવું જીમેલ ફીચર્સ | Google launched new Gmail with confidential feature

ગૂગલે લોન્ચ કર્યું નવું Gmail, જાણો નવા દમદાર ફીચર્સ

Divyabhaskar.com | Updated - Apr 27, 2018, 07:12 PM

માઇક્રોસોફ્ટ આઉટલૂકને ટક્કર આપવા ગૂગલે જીમેલમાં ઉમેર્યા નવા ફીચર્સ

  • ગૂગલનું નવું જીમેલ ફીચર્સ | Google launched new Gmail with confidential feature
    +3બીજી સ્લાઈડ્સ જુઓ
    લગભગ 5 વર્ષ પછી ગૂગલે જીમેલમાં મોટા ફેરફાર કર્યા છે

    ગેજેટ ડેસ્કઃ ગૂગલે પોતાના ઇમેલ સર્વિસ જીમેલને 5 વર્ષ પછી રીડિઝાઇન કરી તેમાં ઘણા નવા ફીચર્સ એડ કર્યા છે. કંપનીએ નવા સુધારા કરીને માઇક્રોસોફ્ટ આઉટલૂક જેવો લૂક તૈયાર કર્યો છે. તેમાં ઇમેલ સ્ટોરેજ ડેટાબેઝ અને ડિવાઇસીસમાં મેસેજ સિંક જેવા ફીચર્સ સામેલ છે. આ નવી ડિઝાઇનમાં યૂઝર્સને કોન્ફિડેન્શિયલ મેઇલ, ઓફલાઇન યૂઝ અને ઓટો ડિલીટ જેવા ઘણા ફીચર્સ મળશે. ગૂગલ અનુસાર, આ ફીચરનો યૂઝ કરવા માટે યૂઝર્સને નોટિફિકેશન આવશે. આ માટે તેમણે સૌથી પહેલા સેટિંગમાં જઇને 'try the new gmail' ઓપ્શન પર ક્લિક કરવાની રહેશે. બાદમાં નવી ડિઝાઇનવાળું જીમેલ યૂઝરના આઇડીમાં એક્ટિવ થઇ જશે.


    જીમેલમાં એડ થયેલા નવા ફીચર્સ

    કોન્ફિડેન્શિયલ મોડઃ આ મોડ દ્વારા સેન્ડર કોઇ પણ સેન્સિટિવ ઇમેલને એક્સપાયરી ડેટ સાથે સેન્ડ કરી શકશે, જેથી ઇમેલને કોઇ પ્રકારની માહિતી લીક ન થાય તેવી રીતે પાછો પણ ખેંચી શકાશે. જો કે, આ માટે ગૂગલ સેન્સિટિવ કન્ટેન્ટને ડાયરેક્ટ નહીં પણ કન્ટેન્ટની લિંક મોકલે છે, જેને રિસીવર જીમેલ દ્વારા ઓપન કરી શકે છે. આ ફીચરની સાથે કહેવામાં આવ્યું છે કે, તેમાં ફોન પર ઓટીપી પણ મોકલી શકાશે. આ ફીચરથી ઇમેલ મોકલનાર ઇચ્છે ત્યારે ઇમેલને પાછો પણ ખેંચી શકશે. જો કે, આ ફીચર હજી એક્ટિવ નથી થયું.

    Nudge (નજ): 'નજ' એ જીમેલનું નવું ફીચર છે. તેના દ્વારા યૂઝરને જેનો રિપ્લાય આપવાનો બાકી છે તેવા તમામ ઇમેલ એકસાથે દેખાશે. તેની સાથે એવો પણ મેસેજ દેખાશે કે, 'એક અઠવાડિયા પહેલા મેઇલ આવ્યો હતો, રિપ્લાય કરશો?' તમારું ધ્યાન ખેંચવા માટે તે મેસેજ પીળા રંગમાં હશે. જો કે, આ માત્ર એવા જ ઇમેલ માટે હશે જેને પ્રાઇમરી ઇનબોક્સમાં રીસિવ થયા હશે.

    Security Risk Warnings: જીમેલે આર્ટિફિશિયલ ઇન્ટેલિજન્સ આધારિત અલ્ગોરિધમને શંકાસ્પદ લાગતા ઇમેલને ઓળખીને તેને 'This message seems dangerous' લખીને યૂઝરને વોર્નિંગ આપશે.

    મેઇલ સ્નૂઝઃ તમારા ઇનબોક્સમાં ઘણા મેઇલ એવા હશે જે તમને ઇરિટેટ કરતા હશે. ઇરિટેટ કરતાં ને ડિલીટ ન થઇ શકે તેવા મેઇલ્સને તમે ચોક્કસ કેટલાંક સમય માટે સ્નૂઝ કરી શકશો. ધારો કે, કોઇ મેઇલને તમે બે દિવસ પછી જોવા ઇચ્છશો તો તેને બે દિવસ માટે સ્નૂઝ કરી શકશો.

    આગળ જાણો ગૂગલના નવા જીમેલના અન્ય ફીચર્સ અંગે

  • ગૂગલનું નવું જીમેલ ફીચર્સ | Google launched new Gmail with confidential feature
    +2બીજી સ્લાઈડ્સ જુઓ
    કમ્પ્યૂટર કે લેપટોપમાં જીમેલ ઓપન કર્યા પછી સ્ક્રીન પર આવું સેટિંગ્સનું નિશાન દેખાશે તેના પર ક્લિક કરી પહેલો ઓપ્શન સિલેક્ટ કરો

    પુશ નોટિફિકેશન ઓછા થશેઃ ગૂગલનું કહેવું છે કે આ જીમેલ યૂઝર્સ માટે 97 ટકા સુધી પુશ નોટિફિકેશન્સ ઓછા થઇ જશે. કારણ કે, હવે જીમેલ તમને એવા જ ઇમેલના નોટિફિકેશન મોકલશે જે તમારા માટે જરૂરી છે.  


    ઓફલાઇન યૂઝઃ યૂઝરને 90 દિવસ સુધી ઓફલાઇન ઇમેલ યૂઝ કરવાની સુવિધા મળશે. ઇન્ટરનેટ કનેક્ટિવિટી નહીં હોય ત્યારે પણ તમને જીમેલ યૂઝર ઇન્ટરફેસ મળશે, જે ઓનલાઇન સમયે મળે છે. અર્થાત્ જો તમારું ઇન્ટરનેટ નહીં ચાલતું હોય તો પણ તમે જીમેલ ઇન્ટરફેસ પર કામ કરી શકશો અને તમારા મેઇલ એડિટ કરી શકશો, જે સિંક થઇ જશે. આથી તમે જેવા ઇન્ટરનેટ સાથે કનેક્ટ થશો તો ઓફલાઇન મોડમાં કરેલા કામ તમને અપડેટેડ દેખાશે.  

     

    ટૂલ્સ અને વિઝ્યુઅલ અપડેટઃ નવી ડિઝાઇનમાં જમણી તરફ એક સાઇડ પેનલ દેખાશે. તેમાં કેલેન્ડર, ગૂગલ કીપ અને ગૂગલ ટાસ્ક જેવા ટૂલ્સ હશે, જેને તમે જીમેલમાંથી યૂઝ કરી શકશો. અહીંયાથી જ તમને મીટિંગ ઓર્ગેનાઇઝ કરવાની અને ડે પ્લાન કરવાની સુવિધા મળશે. 

     

    જો તમે ઇચ્છો તો ફરીથી સેટિંગમાં જઇને 'Go back to classic Gmail' ક્લિક કરીને જૂની ડિઝાઇનમાં સ્વિચ કરી શકશો.

     

    આગળ જુઓ ગૂગલના નવા જીમેલની ડિઝાઇનને દર્શાવતા ફોટોગ્રાફ્સ

  • ગૂગલનું નવું જીમેલ ફીચર્સ | Google launched new Gmail with confidential feature
    +1બીજી સ્લાઈડ્સ જુઓ
    નવું જીમેલ આવું દેખાશે, તેમાં કોઇ મેલને ડિલીટ, આર્કાઇવ, અનરીડ કરવાનો ઓપ્શન ઉપર જ આપેલા છે

    નવા જીમેલમાં મેઇલ ઓપન કર્યા વિના જ તેમાં કયું અટેચમેન્ટ છે તે જાણી શકશો.

  • ગૂગલનું નવું જીમેલ ફીચર્સ | Google launched new Gmail with confidential feature
    નવી ડિઝાઇનમાં જમણી તરફ એક સાઇડ પેનલ દેખાશે. તેમાં કેલેન્ડર, ગૂગલ કીપ અને ગૂગલ ટાસ્ક જેવા ટૂલ્સ જોવા મળશે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gadgets

Trending