આઈફોન / એપલ જાન્યુઆરીથી માર્ચ 2019 દરમિયાન આઈફોનનાં પ્રોડક્શનમાં 10 ટકાનો ઘટાડો કરશે

divyabhaskar.com | Updated - Jan 10, 2019, 05:56 PM
Apple will reduce 10 percent production of iPhone in January to March 2019
X
Apple will reduce 10 percent production of iPhone in January to March 2019

  • એપલને છેલ્લા ત્રિમાસિક ગાળામાં ઓછું વેચાણ થવાનો અંદાજ
  • આઈફોનનાં તમામ મોડલનાં પ્રોડક્શનમાં ઘટાડો કરવામાં આવ્યો
  • જાન્યુઆરીથી માર્ચમાં માત્ર 4થી 4.3 કરોડ આઈફોન બનશે

ગેજેટ ડેસ્ક. વર્ષ 2019ના પ્રારંભે જ એપલ મુશ્કેલીમાં મૂકાયું છે. વર્ષનાં પ્રથમ ત્રિમાસિક ગાળામાં એપલે આઈફોનનાં ઉત્પાદન ઉપર 10 ટકાનો કાપ મૂકી દીધો છે. પ્રથમ ક્વાર્ટરમાં માત્ર 4થી 4.3 કરોડ યુનિટ આઈફોનનું ઉત્પાદન કરશે. નિક્કેઈ એશિયા રિવ્યુએ આ માહિતીની જાહેરાત કરી હતી. છેલ્લા ત્રણ મહિનામાં આ બીજી વખત આઈફોનનાં ઉત્પાદકે ફ્લેગશિપ ડિવાઈસ ઉત્પાદનમાં ઘટાડો કરી દીધો છે. એપલે ગત મહિને તેના સપ્લાયર્સને પણ આ માહિતી આપી હતી. 

ગત વર્ષે આ ક્વાર્ટરમાં 5.21 કરોડ આઈફોન બન્યા હતા

1.

આઈફોનનાં તમામ નવા મોડલ એક્સએસ મેક્સ, એક્સએસ અને એક્સઆરનું ઉત્પાદન ઘટાડી દીધું છે. કુલ મળીને ઉત્પાદનમાં 10 ટકાનો ઘટાડો કરી દીધો છે અને તમામ સપ્લાયર માટે ઘટનું સ્તર પણ અલગ-અલગ રાખવામાં આવ્યું છે.   

2.

આઈફોનના નવા અને જૂના મોડલ મળીને જાન્યુઆરીથી માર્ચનાં ક્વાટરમાં 4.7થી 4.8 કરોડ યુનિટનું ઉત્પાદન થવાનો અંદાજ હતો. જેમાં ઘટાડો કરીને માત્ર 4થી 4.3 કરોડ યુનિટનું જ ઉત્પાદન થશે. 

3.

જાન્યુઆરીથી માર્ચ 2018ની સરખામણીએ આ વર્ષે ઉત્પાદનમાં 20 ટકા અોછું રહેશે. ગત વર્ષે આ ક્વાર્ટરમાં 5.21 કરોડ આઈફોનનું ઉત્પાદન થયું હતું. જોકે આ સંદર્ભે એપલે હજી સત્તાવાર રીતે કોઈ પ્રતિક્રિયા આપી નથી. 

COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App