Home » Bollywood » TV » Latest Masala » nirmal soni become new dr hathi in Taarak Mehta Ka Ooltah Chashmah

અંતે, કવિ કુમાર આઝાદના નિધનના બે મહિના બાદ 'તારક મહેતા'માં આવ્યા નવા ડૉ. હાથી, નિર્મલ સોની ભજવશે પાત્ર

Divyabhaskar.com | Updated - Sep 07, 2018, 10:07 AM

'તારક મહેતા'માં ડૉ. હાથીનું પાત્ર ભજવતા કવિ કુમાર આઝાદનું નવ જુલાઈના રોજ હાર્ટ એટેકને કારણે આકસ્મિક નિધન થયું હતું

  • nirmal soni become new dr hathi in Taarak Mehta Ka Ooltah Chashmah
    +2બીજી સ્લાઈડ્સ જુઓ

    મુંબઈઃ 'તારક મહેતા'માં ડૉ. હાથીનું પાત્ર ભજવતા કવિ કુમાર આઝાદનું નવ જુલાઈના રોજ હાર્ટ એટેકને કારણે આકસ્મિક નિધન થયું હતું. ત્યારથી જ સીરિયલમાં ડૉ. હાથીનું પાત્ર જોવા મળતું નહોતું. પ્રોડ્યુસર અસિત મોદી આ રોલ માટે નવો ચહેરો લાવવા માંગતા હતાં. જોકે, કવિ કુમારના નિધનના 2 મહિના બાદ હવે ડૉ. હાથીના રોલમાં નિર્મલ સોની જોવા મળશે.


    એક વર્ષ ભજવ્યું હતું ડૉ.હાથીનું પાત્રઃ
    નિર્મલ સોનીએ સીરિયલની શરૂઆતમાં ડૉ. હાથીનું પાત્ર એક વર્ષ સુધી ભજવ્યું હતું. ત્યારબાદ કવિ કુમાર આઝાદે તેને રિપ્લેસ કર્યો હતો.


    ગણેશ ચતુર્થી પર ગ્રાન્ડ એન્ટ્રીઃ
    સૂત્રોના જણાવ્યા પ્રમાણે, 'તારક મહેતા'માં નવા ડૉ. હાથીની ગ્રાન્ડ એન્ટ્રી બતાવવામાં આવશે. વરસતા વરસાદમાં ડૉ.હાથી કેડસમા પાણીમાં બાપ્પાની મૂર્તિ લઈને ચાલતા આવતા હોય તેમ બતાવવામાં આવશે. આ ટ્રેકનું શૂટિંગ પણ શરૂ થઈ ગયું હતું. નવા ડૉ. હાથીની એન્ટ્રી 13 સપ્ટેમ્બરના રોજ ઓન-એર થશે. સૂત્રોના જણાવ્યા પ્રમાણે, નિર્મલ સોનીનો હાલમાં જ સંપર્ક સાધવામાં આવ્યો હતો. નિર્મલ સોનીએ જ્યારે આ શો છોડ્યો ત્યારે તેના સંબંધો વણસી ચૂક્યા છે અને તેથી જ સીરિયલ મેકર્સ તેને ફરીથી આ શોમાં લાવવા માટે ઉત્સુક નહોતાં. જોકે, આ વખતે બધુ જ વ્યસ્થિત રીતે પાર પડ્યું હોવાથી અંતે નિર્મલ સોનીને જ લેવાનું નક્કી કરવામાં આવ્યું છે.


    ગોકુલધામ ગણેશ ચતુર્થીમાં વ્યસ્તઃ
    સ્ટોરી-લાઈન પ્રમાણે, ટપુસેના હાલમાં ગણેશ ચુતર્થીની તૈયારીમાં વ્યસ્ત છે. તેઓ નક્કી કરે છે કે ડૉ. હાથીનો પરિવાર સૌ પહેલી આરતી કરશે. મિસ્ટર ભીડે(મંદાર ચંદાવરકર)ને રાતમાં સપનું આવે છે કે ગણેશ ભગવાને તેને ત્યાં આવવાની ના પાડે છે અને તે પોતાના સપનાને લઈને ચિંતામાં પડી જાય છે.


    અસિત મોદીએ કહી આ વાતઃ
    નિર્મલ સોનીનો સંપર્ક સાધવાનો પ્રયાસ કરવામાં આવ્યો હતો પરંતુ તેની સાથે વાત થઈ શકી નહોતી. પ્રોડ્યુસર અસિત મોદીએ કહ્યું હતું કે હજી કોઈ જ કલાકાર નક્કી કરવામાં આવ્યો નથી. ત્રણ કલાકારો સાથે શૂટિંગ કરવામાં આવ્યું છે અને અંતે ત્રણમાંથી એક ડૉ. હાથીનું પાત્ર ભજવશે.


    (વાંચો, ડૉ. હાથીના રોલ માટે 20 કલાકારોએ આપ્યું હતું ઓડિશન...)

    દિશા વાકાણી તૈયાર નહોતી 'દયાભાભી' બનવા, 'ચંપકલાલ'ના પાત્ર માટે પહેલાં દિલીપ જોષીનું નામ થયું હતું ફાઈનલ, 'તારક મહેતા'ની ભાગ્યે જ સાંભળેલી 10 વાતો

  • nirmal soni become new dr hathi in Taarak Mehta Ka Ooltah Chashmah
    +1બીજી સ્લાઈડ્સ જુઓ

    20 કલાકારોએ આપ્યું ઓડિશનઃ
    સૂત્રોના જણાવ્યા પ્રમાણે, અત્યાર સુધીમાં 20થી વધુ કલાકારોએ ડૉ.હાથીના પાત્ર માટે ઓડિશન આપ્યું હતું. જોકે, તેમાંથી કોઈ પણ કવિ કુમાર આઝાદની તોલે આવી શકે એમ નહોતાં. પ્રોડ્યુસર અસિત મોદી અંગત રીતે ડૉ.હાથીના પાત્રનું ધ્યાન રાખી રહ્યાં છે. તે કોઈ પણ બાબતમાં સમાધાન કરવા માંગતા નથી. સીરિયલમાં ડૉ.હાથીનું પાત્ર ઘણું જ મહત્વનું છે અન તેથી જ તે યોગ્ય રિપ્લેસમેન્ટ ઈચ્છે છે. હજી કલાકારની શોધ ચાલુ જ છે.


    ડૉ.હાથીનો હતો પરિવારઃ
    સીરિયલમાં ડૉ.હાથીની પત્ની કોમલ(અંબિકા રજનકર) તથા દીકરો ગોલી(કુશ શાહ) બતાવવામાં આવ્યા છે. જ્યારથી કવિ કુમાર આઝાદનું નિધન થયું છે ત્યારથી જ સીરિયલમાં અંબિકા તથા કુશ ગાયબ છે. નવાઈની વાત એ છે કે છેલ્લાં એક મહિનાથી આ બંને કલાકારો પ્રોડક્શન હાઉસ તરફથી તેમને બોલાવવામાં આવે તેની રાહ જોઈ રહ્યાં છે.

  • nirmal soni become new dr hathi in Taarak Mehta Ka Ooltah Chashmah

    નથી લીધો બ્રેકઃ
    divyabhaskar.comએ જ્યારે અંબિકાને પૂછ્યું કે તે શા માટે એક મહિનાથી નથી દેખાઈ તો તે કહ્યું હતું, ''પહેલાં એ કે મેં કોઈ જાતનો બ્રેક લીધો થી. તમારે આ સવાલ પ્રોડ્યુસરને પૂછવો જોઈએ. હું કામ કરવા તૈયાર છું પરંતુ મને ખ્યાલ નથી કે મને ક્યારે શૂટિંગ માટે બોલાવવામાં આવશે. આખા મહિનામાં મેં માત્ર એક જ દિવસ શૂટિંગ કર્યું છે. મને ખ્યાલ નથી કે શું બની રહ્યું છે. હું માત્ર પ્રોડક્શન હાઉસ મને ક્યારે ફોન કરીને બોલાવે તેની રાહ જોવું છું.'' અંબિકાને એમ પૂછવામાં આવ્યું કે તે પ્રોડ્યુસર અસિત મોદી સાથે વાત કરી? તો તેણે જવાબ આપ્યો હતો કે, ''ના હજી સુધી નથી કરી. હું પ્રોડક્શન હાઉસના ફોનની રાહ જોવું છું. મને ખ્યાલ નથી કે ડૉ.હાથીના પાત્ર માટે કોઈ પસંદ કરવામાં આવ્યા કે નહીં. મને આ અંગે કોઈ અંદાજ નથી.''


    અસિત મોદીએ કહી આ વાતઃ
    divyabhaskar.com સાથેની વાતચીતમાં અસિત મોદીએ કહ્યું હતું, ''અચાનક કવિ કુમાર આઝાદના અવસાનથી અમે દરેક લોકો આઘાતમાં છીએ. હા તેમના સ્થાન નક્કીથી કોઈ આવશે. પાત્ર ક્યારેય મરતું નથી. હાલમાં ડૉ.હાથીના પાત્રની પસંદગી ચાલી રહી છે. અમે અનેક એક્ટર્સના ઓડિશન લીધા પરંતુ હજી સુધી કંઈ જ ફાઈનલ કર્યું નથી. હું કોઈ પણ નિર્ણય લાગણીમાં આવીને લેવા માંગતો નથી. જ્યારે પણ આ પાત્રને લઈ કલાકાર ફાઈનલ કરવામાં આવશે, ત્યારે તેની જાહેરાત કરી દેવામાં આવશે.'' અંબિકા તથા કુશની ગેરહાજરીને લઈને સવાલ કરતાં અસિત મોદીએ જવાબ આપ્યો હતો, ''અમે અત્યારે ટ્રેક પર કામ કરીએ છીએ. આ ટ્રેકમાં તેમની કોઈ જરૂર નથી અને તેથી જ તેમને શૂટિંગ માટે બોલાવવામાં આવતા નથી. ડૉ.હાથીના પાત્ર સાથે કોઈ લેવા-દેવા નથી.''

     

     

(Latest Masala Gujarati News) સાથે જોડાયેલા અન્ય (TV Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in
(Read News in Gujarati from Divya Bhaskar)

More From Bollywood

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ