Divya Bhaskar

Home » Bollywood » TV » Latest Masala » kapil sharma father died due to cancer

​પિતાના શ્રાદ્ધ પર આ વ્યક્તિને કપિલ શર્મા આપે છે દારૂની બોટલ, આવું છે કારણ

Divyabhaskar.com | Updated - Apr 02, 2018, 02:24 PM

કોમેડી કિંગ કપિલ શર્માનો બીજી એપ્રિલના રોજ 37મો જન્મદિવસ છે. કપિલ શર્માના પિતાનુ કેન્સરથી અવસાન થયુ હતું

  • kapil sharma father died due to cancer
    +4બીજી સ્લાઈડ્સ જુઓ

    મુંબઈઃ કોમેડી કિંગ કપિલ શર્માનો બીજી એપ્રિલના રોજ 37મો જન્મદિવસ છે. કપિલ શર્માના પિતાનુ કેન્સરથી અવસાન થયુ હતું. કપિલ શર્માએ ઘરનુ ગુજરાન ચલાવવા માટે ટેલિફોન બુથમાં પણ કામ કર્યું હતું. થોડા સમય પહેલાં એક ઈન્ટરવ્યૂમા કપિલે કહ્યુ હતુ કે તેના પિતાની હાલત જોઈને તે ભગવાનને પ્રાર્થના કરતો કે તેના પિતાનુ નિધન થાય. કપિલ શર્મા પિતાના શ્રાદ્ધ પર પિતાના બેસ્ટ ફ્રેન્ડને દારૂની બોટલ આપે છે.


    પિતાને આમ કહેતોઃ
    એક અંગ્રેજી વેબસાઈટને આપેલા ઈન્ટરવ્યૂમાં કપિલે પિતાને યાદ કરતા કહ્યું હતું કે,‘મે પિતા સાથે ઘણો સમય પસાર કર્યો હતો અને તેમના અંતિમ દિવસોમાં અમે તેમને ટ્રિટમેન્ટ માટે એઈમ્સમાં લઈ ગયા ત્યારે પણ હું તેમની સાથે હતો. દરેક માતા-પિતા ઈચ્છતા હોય છે કે દીકરો બહાર જઈ કંઈ કમાણી કરે. જોકે મારા પિતાએ મારી પાસે કોઈ માગ કરી નહોતી.’ વધુમાં કપિલે કહ્યુ હતુ કે 10માં ધોરણ બાદ પોકેટમની માટે તેણે પીસીઓમાં કામ કરવાનું શરૂ કરી દીધું હતું. આજે તે પિતાને યાદ કરે છે અને વિચારે છે કે એક સમયે તે પિતાની સામે મોટા અવાજે બોલતો અને કહેતો હતો કે તમે પોતાની સિવાય કોઈની વિશે કંઈ વિચાર્યું નથી, તેને કારણે જ તમને કેન્સર થયું છે.


    (વાંચો, પિતાના નિધન માટે કપિલ શર્મા કરતો હતો પ્રાર્થના....)

  • kapil sharma father died due to cancer
    +3બીજી સ્લાઈડ્સ જુઓ

    પિતાના નિધન માટે કરતો પ્રાર્થનાઃ
    કપિલ શર્માએ જણાવ્યું હતુ કે ભયંકર પીડા સહન કરતા પિતાને જોઈ ભગવાનને પ્રાર્થના કરતો કે તે પિતાને મૃત્યુ આપે, જેથી તેમને પીડામાંથી મુક્તિ મળે. તે સમયે કપિલ પાસે પોતાનું ઘર પણ નહોતું. તેની માતા તેને કહેતી કે પગાર આવ્યા બાદ બે દિવસ પિતા દારૂ પીતા અને ચિકન લાવતા હતા. બાકીનો આખો મહિનો કામ કરતા હતા. આજે સારી ઘટના બને ત્યારે તેમને યાદ કરે છે અને જો આજે તેઓ હયાત હોત તો તેમને બ્રાન્ડેડ સ્કોચ અપાવતો. તેમને કેન્સર હોવાની જાણ થઈ ત્યારે તે ઘણું જ રડ્યો હતો.


    પિતાથી ડરતોઃ
    કપિલે એકવાર પિતાને દારૂ પીતા જોઈ લીધા હતાં અને ત્યારે તેને પિતાએ કહ્યુ હતુ કે આને ભૂલી જા અને તે ક્યારેય પણ મરી શકે તેમ છે. તે પિતાને ક્યારેય ઈમોશનલ જોઈ શકતો નહીં. તેના પિતા પોલીસમાં હતી અને તેથી જ કપિલ નાનપણમાં પિતાથી ઘણો જ ડરતો હતો. જોકે, આગળ જતા તે બિલકુલ ડરતો નહીં. 

  • kapil sharma father died due to cancer
    +2બીજી સ્લાઈડ્સ જુઓ

    પિતાના શ્રાદ્ધ પર આપે છે દારૂની બોટલઃ
    કપિલે કહ્યુ હતુ કે અમૃતસરમાં એક ફ્રૂટવાળો છે, જે તેના પિતાનો મિત્ર હતો. હતો. તે પોતાની કારમાં બદામનો બિઝનેસ કરતો હતો અને ઘણીવાર પિતાને પણ બદામ આપી જતો હતો. જ્યારે તે મિત્ર ગરીબીનો ભોગ બન્યા તો તેઓ ફ્રૂટ વેચવા લાગ્યા હતાં. દર મહિને પિતા તેને એક દારૂની બોટલ આપતા હતા. પિતાના નિધન બાદ શ્રાદ્ધ સમયે તે પણ પિતાના મિત્રને દારૂની બોટલ આપે છે. કારણ કે તેને લાગે છે કે આમ કરવાથી પિતાની આત્માને શાંતિ મળશે. 

     

    કપિલે જણાવ્યું હતુ કે તે કોઈપણ રીતે લાફ્ટર ચેલેન્જનો ભાગ બનવા માગતો હતો. ત્રીજી સિઝનનું ઓડિશન અમૃતસરમાં થયું પણ તે રિજેક્ટ થઈ ગયો હતો. તેનો સ્કૂલ ફ્રેન્ડ રાજૂ (ચંદન પ્રભાકર, જે ‘કોમેડી નાઈટ્સ વિથ કપિલ’નાં નોકરનો રોલ કરતો) સિલેક્ટ થઈ ગયો. જે પછી તેણે પણ શોમાં જવાનું નક્કી કરી લીધું. આ માટે તે દિલ્હીના ઓડિશનમાં ગયો અને સિલેક્ટ થવાની સાથે સાથે સિઝનનો વિનર પણ બન્યો હતો.

  • kapil sharma father died due to cancer
    +1બીજી સ્લાઈડ્સ જુઓ

    કપિલ 2014માં માતાને પહેલીવાર ભારત બહાર લંડન વેકેશન માટે લઈ ગયો હતો. તે ત્યાં મિત્ર યુવરાજના કેન્સર ઓક્શનમાં ગયો હતો. તે ધોની સરનો મોટો ફેન છું પરંતુ તેની મોમને ધોનીના નામની પણ ખબર નહોતી. આ જ કારણથી જ્યારે તેની માતા પહેલીવાર ધોનીને મળ્યા તો તેમણે નામ પૂછ્યું હતું. જેને કારણે કપિલને ઘણી જ શરમ આવતી હતી. કપિલની માતા સચિનનું નામ જાણતા પરંતુ તેમને ઓળખતા નહોતા. આ જ કારણે સચિન સાથેની એક તસવીર ક્લિક કરાવડાવી હતી, જોકે, પછી તેની માતાએ એમ કહ્યુ હતુ કે તેણે કેમ કહ્યુ નહીં કે તે સચિન છે. કરિશ્મા કપૂરને ફ્લાઈટમાં મળીને કપિલના મોમ ઘણાં જ ખુશ થયા હતાં.


    ઉલ્લેખનીય છે કે પિતાના નિધન સમયે કપિલ કોલેજમાં અભ્યાસ કરતો હતો. તેની પાસે ફી ભરવાના પૈસા નહોતા. જોકે, તે થિએટર જાણતો અને આ જ કારણે કોલેજ તેના અભ્યાસનો ખર્ચ ઉપાડતી હતી. 

  • kapil sharma father died due to cancer

    જાન્યુઆરી 2007માં કપિલની બહેન પૂજાના લગ્ન ફિક્સ થયા ત્યારે તેની સાસુ રિંગ સેરેમની પણ રાખવા માગતા હતા. પિતાના નિધન બાદ થયેલા ખર્ચ પછી લગ્ન માટે માત્ર 2.5 લાખ હતા. એપ્રિલ 2007માં મુંબઈ આવ્યો અને કિસ્મત બદલાઈ. કપિલ 'લાફ્ટર ચેલેન્જ' જીતી ગયો અને પ્રાઈઝ તરીકે 10 લાખ રૂપિયા મળ્યા હતા. તે રાતે તેણે સૌ પહેલાં બહેનને કોલ કરી રિંગ ખરીદી લેવા કહ્યું. તે પછી કપિલે અનેક શો કર્યા અને 30 લાખ રૂ. ભેગા કર્યા, જેનાથી બહેનના લગ્ન થઈ ગયા. તે પછી મોટા ભાઈના લગ્ન પણ કર્યા.’

(Latest Masala Gujarati News) સાથે જોડાયેલા અન્ય (TV Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in
(Read News in Gujarati from Divya Bhaskar)

More From Bollywood

Trending