સેક્સ રેકેટમાં ફસાઇને બદનામ થઇ’તી આ એક્ટ્રેસ, હવે ડિરેક્ટર સાથે જોડાયું નામ

મુંબઇઃ બોલિવૂડ અને સાઉથ ઇન્ડિયન એક્ટ્રેસ શ્વેતા બસુ પ્રસાદને પ્રેમ થઇ ગયો છે. રિપોર્ટ્સ અનુસાર, તે અપકમિંગ ફિલ્મમેકર રોહિત મિત્તલને ડેટ કરી રહી છે. નોંધનીય છે કે 2014માં સેક્સ રેકેટમાં ફસાયા બાદ શ્વેતા રૂપેરી પડદા પરથી ગાયબ છે. જોકે, તે ટૂંક સમયમાં જ બાલાજી ટેલીફિલ્મ્સના શો 'ચંદ્રગુપ્ત મોર્ય'માં જોવા મળશે.

રિપોર્ટ્સ અનુસાર રોહિત મિત્તલ શોર્ટ ફિલ્મ 'ઓટોહેડ'ને ડિરેક્ટ કરી ચૂક્યો છે. શ્વેતા સાથે તેની મુલાકાત અનુરાગ કશ્યપની ઓફિસમાં થઇ હતી. નોંધનીય છે કે શ્વેતા અનુરાગના પ્રોડક્શન હાઉસ ફેન્ટમ ફિલ્મ્સમાં સ્ક્રિપ્ટ કન્સલ્ટન્ટ તરીકે કામ કરે છે.

-વર્ષ 2014માં હૈદરાબાદના બંજારા હિલ્સના એક સેક્સ સ્કેન્ડલમાં શ્વેતા બાસુનું નામ આવ્યું હતું. બે મહિના સુધી રેસ્ક્યુ હોમમાં રહ્યા બાદ તે ઘર પરત આવી હતી. જોકે, બાદમાં હૈદરાબાદ સેશન્સ કોર્ટે તેને આ મામલે ક્લિન ચિટ આપી હતી. શ્વેતાએ 'મકડી', 'ઇકબાલ', 'વાહ લાઇફ હો તો ઐસી' જેવી બોલિવૂડ ફિલ્મ્સમાં પણ કામ કર્યું છે. ત્યારબાદ તેણે સાઉથ એક્ટ્રેસ તરીકે પોતાની ઓળખ બનાવી.

-સેક્સ રેકેટમાં નામ આવવાથી લઇને અત્યાર સુધી તેની કોઇ ફિલ્મ આવી નથી. હા, એપ્રિલમાં શ્વેતાના પિતાએ એ સંકેત જરૂર આપ્યાં હતાં કે તે ટૂંક સમયમાં જ કરણ જોહરની અપકમિંગ ફિલ્મમાં જોવા મળી શકે છે. ફિલ્મ્સની સાથે શ્વેતાએ 'કહાની ઘર ઘર કી' અને 'કરિશ્મા કા કરિશ્મા' જેવી ટીવી સીરિયલ્સમાં પણ એક્ટિંગ કરી છે.