તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ગ્લેમરસ એક્ટ્રેસ બની છવાઇ આ સુરતી ગર્લ, શૅર કરી નવરાત્રિની યાદો

5 વર્ષ પહેલા
  • કૉપી લિંક
મુંબઇઃ ટેલિવિઝનની એક સીધી સાદી વહૂથી બોલિવૂડની ગ્લેમરસ એક્ટ્રેસ તરીકે એન્ટ્રી કરનાર સુરતી ગર્લ પ્રાચી દેસાઇનો આજે (12 સપ્ટેમ્બર) જન્મદિવસ છે. ટીવી પર નવા જ શરૂ થયેલા લાઇફસ્ટાઇલ શો 'થેન્ક ગોડ ઇટ્સ ફ્રાઇડે'ના સેટ પર divyabhaskar.comએ પ્રાચી દેસાઇની મુલાકાત કરી હતી. 'થેન્ક ગોડ ઇટ્સ ફ્રાઇડે સિઝન 3' એવો લાઇફસ્ટાઇલ શો છે જેમાં ઓડિયન્સને ભારતના વિવિધ શહેરોમાં એક ફૂડ ટ્રિપ પર લઇ જવામાં આવે છે. આ મુલાકાતમા પ્રાચીએ પોતાની અપકમિંગ ફિલ્મ, ફૂડ અને બર્થ ડે વિશે જણાવ્યું હતું.
Q: તમને ખાવાનો ખૂબ શોખ છે. કયા પ્રકારનો ખોરાક ખાવો પસંદ છે?
A: મારૂં ફિલ્ડ એવું છે જેમાં રહેલા લોકો ખોરાક પ્રત્યે એકદમ ધ્યાન રાખે છે પરંતુ હું મારી જાતને આવી સજા આપવામાં માનતી નથી. જ્યારે પણ મને ખાવાની ઇચ્છા થાય છે ત્યારે હું ખાઇ લઉં છું ત્યારબાદ હું બેલેન્સ પણ રાખું છું. જ્યારે પણ હું કોઇ નવી જગ્યાએ જઉં છું ત્યારે ત્યાંની ડિશ ટ્રાય કરૂં છું. ઉપરાંત મને સ્વીટ ખાવું પણ પસંદ છે. (હસીને) જો તમે મારૂ પર્સ ખોલીને જોશો તો તેમાં મેકઅપની વસ્તુઓને બદલે ડાર્ક ચોકલેટ જોવા મળશે.
Q: એવી વસ્તુઓના નામ આપો જે તમારા કિચનમાં રેડી ટુ ઇટ હંમેશ માટે તૈયાર હોય?
A: મારા કિચનમાં હંમેશા ડ્રાયફ્રુટ્સ, ઇન્સ્ટન્ટ નૂડલ્સ, હેલ્ધી ફૂડ તેમજ ઇન્સ્ટન્ટ મિક્સ ગ્રેઇન બાર્સ હોય છે.
Q: જ્યારે તમે કામ પર હો છો ત્યારે શું ખાવાનું પસંદ કરો છો?
A: જ્યારે હું શૂટિંગ પર હોઉં છું ત્યારે શોટ્સ વચ્ચે હેલ્ધી સ્નેક્સ ખાવાનું પસંદ કરૂં છું. હું ઓટ્સ, વ્હાઇટ એગ્સ, શાકભાજી, અખરોટ, ફ્રુટ્સ, ચિકન અને બાફેલી માછલી ખાવાનું પસંદ કરું છું.
Q: તમને છેલ્લે ક્યારે ભૂખ લાગી હતી ?
A: મને દર બે કલાકે ભૂખ લાગે છે. મારૂ પેટ દર બે કલાકે હળવી ભૂખ માટે ટેવાયેલું છે. આ રીતે હું મારા ડાયેટ સર્કલને ફોલો કરૂં છું.
Q: છેલ્લે તમે ક્યારે અને કોના માટે ખાવાનું બનાવ્યું હતું.?
A: મેં સાંજે જ મારા માટે અને મારી બહેન એશા માટે સલાડ બનાવ્યું હતું. તેને ખરેખર એ ખૂબ જ પસંદ આવ્યુ હતું. મેં બેબી પાલખ, ચિકન, ચીઝ, રેડ વાઇન વિનેગર અને થોડું મધ નાખીને આ સલાડ તૈયાર કર્યું હતું.
Q: તમે ગુજરાતી છો અને ખાસ તો સુરતના છો. ગુજરાતી ખોરાક પ્રત્યે તમારો પ્રેમ કેવો છે?
A: મારા ઘરમાં તમને એક પરંપરાગત ગુજરાતી ખોરાક જોવા નહીં મળે પરંતુ દાળ અને કઢી જરૂર બને છે. મારા બધા જ ફ્રેન્ડ્સ સ્પેશ્યિલ દાળ અને કઢીનો સ્વાદ માણવા માટે મારા ઘરે આવે છે.
Q: આજે તારો બર્થ ડે છે. તારો બર્થ ડે કેવી રીતે ઉજવવાનું પસંદ કરીશ?
A: દર વર્ષે મારા બર્થ ડેના દિવસે હું કંઇક અલગ જ કરૂં છું. ત્રણ વર્ષ પહેલા મારો બર્થ ડે નોર્વેમાં મેં ક્રુઝ પર મનાવ્યો હતો. એ સમયે મજા તો આવી હતી પરંતુ મનમાં એવી ઇચ્છા હોય છે કે તમને લોકોના ફોન અને મેસેજ આવે અને શુભેચ્છા પાઠવે પરંતુ દરિયાની અધવચ્ચે હોવાથી ત્યાં નેટવર્ક આવતું નહોતું. જેથી મને લાગ્યું કે હું બધાથી ખૂબ દૂર થઇ ગઇ હતી. બે વર્ષ પહેલા મેં USAમાં મારા કઝિન સાથે બર્થ ડે સેલિબ્રેટ કર્યો હતો. ગત વર્ષે હું મુંબઇમાં જ હતી આથી મેં મારા ફ્રેન્ડ્સ સાથે પાર્ટી કરી હતી.
Q: નવરાત્રિનો તહેવાર નજીક આવી રહ્યો છે. નવરાત્રિના એ દિવસો કેવા હતાં જ્યારે તમે ગુજરાતમાં હતાં?
A: દર વર્ષે હું ખૂબ ઉત્સાહથી નવરાત્રિ ઉજવું છું. ખાસ કરી ગુજરાતમાં તો ખૂબ સેલિબ્રેશન કરવામાં આવે છે. આ તહેવાર સાથે મારી ઘણી યાદો જોડાયેલી છે. મને યાદ છે કે કલરફુલ વાતાવરણમાં હું દરેક છોકરા અને છોકરીઓ સાથે ખૂબ એન્જોય કરતી હતી. લોકો ડાન્સ અને ગરબામાં એટલા તલ્લીન થઇ જાય છે કે જાણે તેમને કોઇ જોતું જ ન હોય. આજે પણ જ્યારે હું ગરબા જોઉં છું ત્યારે મને મન થાય છે કે હું પણ ડાન્સ સ્ટેપ કરૂં.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- વર્તમાન પરિસ્થિતિઓને સમજીને ભવિષ્યને લગતી યોજનાઓ ઉપર ચર્ચા વિચારણાં કરો. પરિવારમાં ચાલી રહેલી અવ્યવસ્થાને પણ દૂર કરવા માટે થોડા મહત્ત્વપૂર્ણ નિયમ બનાવો. નેગેટિવઃ- યોજના બનાવવાની સાથે-સાથે...

    વધુ વાંચો