બોમ્બે હાઈકોર્ટમાં સલમાનના હિટ એન્ડ રન કેસની અંતિમ સુનાવણી 30મી જુલાઈએ

મુંબઈઃ સલમાન ખાનના હિટ એન્ડ રન કેસમાં મુંબઈ હાઈકોર્ટે 30 જુલાઈના રોજ ફાઈનલ હિયરિંગ રાખવાનું નક્કી કર્યું છે. સલમાન ખાનને 2002ના હિટ એન્ડ રન કેસ મામલે 6 મેના રોજ 13 વર્ષ પછી સજા ફટકારવામાં આવી હતી. જોકે, તેને 8 મેના રોજ હાઇકોર્ટથી જામીન મળ્યા હતા.

સલમાને આ કેસ હાઈકોર્ટમાં પડકાર્યો છે અને હાઈકોર્ટમાંથી સલમાન ખાને જામીન મેળવ્યા છે. હાઈકોર્ટમાં છેલ્લાં કેટલાંય સમયથી આ કેસને લઈને સુનાવણીની મુદ્દત પડતી હતી.

નોંધનીય છે કે સુપ્રીમ કોર્ટે હિટ એન્ડ રન કેસમાં સલમાનના જામીન રદ કરવાની માંગ કરતી એક પીટિશન રદ્દ કરી નાખી છે.