Video: ભેજાબાજ ખેડૂતે કોઠાસૂઝથી બાઈકને બનાવી દીધુ ટ્રેક્ટર, નજીવા ખર્ચે કરે છે ખેતી

DivyaBhaskar.com

Sep 11, 2018, 07:39 PM IST
farmer made bike tractor

કેટલાક ખેડૂતોની કોઠાસૂઝ ભલભલાં એન્જિનિયર્સને માથાં ખંજવાળતા કરી દે તેવી હોય છે. આવો જ એક વીડિયો સોશિયલ મીડિયા પર ધૂમ મચાવી રહ્યો છે. આ વીડિયોમાં કોઈ ખેડૂતે બાઈકમાંથી ટ્રેક્ટર બનાવ્યું છે. બાઈકમાંથી બનાવેલા ટ્રેક્ટરથી તે ખેતી કરી રહ્યો છે. ખેડૂતે પોતાનું ભેજું લગાવીને બાઈકનું પાછળનું વ્હીલ કાઢી તેની જગ્યાએ બે વ્હીલ લગાવી દીધા છે. આ બન્ને વ્હીલ જોડીને તેની પાછળ સાંતી જોડી દીધું છે. વળી પાછળની બ્રેક બાજુ એટલે કે, જમણા પગ તરફ એક સળિયો મૂક્યો છે. તેના પર પગ મૂકતા સાંતી ઊંચું-નીચું થઈ શકે છે. આ પ્રકારને ટ્રેક્ટરની સામે બહુ નજીવા ખર્ચે ખેતી કરી શકાય છે. મહત્વની વાત એ છે કે, પિયત કરેલા ખેતરમાં એટલે કે, ભીની માટીમાં પણ થોડી વારમાં જ ખેતી કરી શકાય છે.


X
farmer made bike tractor
COMMENT

Next Stories

    ની  સંપૂર્ણ વાંચનસામગ્રી