તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મહાભારતમાં ભીષ્મ પિતામહે યુધિષ્ઠિરને બતાવ્યું હતું- ચૌદશનીની તિથિ પર શ્રાદ્ધ કરનાર ફસાઈ શકે છે મોટી મુસીબતોમાં

3 વર્ષ પહેલા
  • કૉપી લિંક

ધર્મ ડેસ્ક, અમદાવાદઃ હિન્દુ ધર્મ પ્રમાણે શ્રાદ્ધ પક્ષમાં પરિજનોનું મૃત્યુ તિથિ પ્રમાણે જ શ્રાદ્ધ કરવાનું વિધાન છે, પરંતુ શ્રાદ્ધ પક્ષની ચતુર્દશી(ચૌદશ) તિથિ (આ વખતે 7 ઓક્ટોબર રવિવારે) શ્રાદ્ધ કરવાની મનાઈ છે. મહાભારતના અનુશાસન પર્વમાં ભીષ્મ પિતામહે યુધિષ્ઠિરને બતાવ્યું છે કે આ તિથિ પર માત્ર એ પરિજનોનું જ શ્રાદ્ધ કરવું જોઈએ, જેમનું મૃત્યુ કોઈનના દ્વારા શસ્ત્ર(હથિયાર)થી થયું હોય. આ તિથિ પર સ્વાભાવિક રીતે મૃત પરિજનોનું શ્રાદ્ધ કરવાથી શ્રાદ્ધ કરનારને અનેક પ્રકારની મુસીબતોનો સામનો કરવો પડે છે. એવી સ્થિતિમાં એ પરિજનોનું શ્રાદ્ધ સર્વપિતૃમોક્ષ અમાસના દિવસે કરવું શ્રેષ્ઠ રહે છે. ચતુર્દશી તિથિ પર શ્રાદ્ધ કરવાથી કોઈ પ્રકારની સમસ્યાઓ આવી શકે છે, આ પણ મહાભારતમાં બતાવ્યું છે, તે પ્રમાણે-

 

1-મહાભારતમાં બતાવ્યા પ્રમાણે જે પિતૃઓનું મૃત્યુ સ્વાભાવિર રીતે થયું હોય, તેમનું શ્રાદ્ધ ચતુર્દશી તિથિ પર કરવાથી શ્રાદ્ધ કરનાર વ્યક્તિ વિવાદોમાં ઘેરાઈ જાય છે. તેને પોતાના જીવનમાં અનેક પરેશાનીઓનો સામનો કરવો પડે છે. 

 

2-ચતુર્દશી શ્રાદ્ધના સંબંધમાં એવું જ વર્ણન કૂર્મપુરાણમાં પણ મળે છે કે ચતુર્દશીએ શ્રદ્ધ કરવાથી અયોગ્ય સંતાનની પ્રાપ્તિ થાય છે.

 

3-યાજ્ઞવલ્ક્યસ્મૃતિ પ્રમાણે પણ ચતુર્દશી તિથિએ શ્રાદ્ધ ન કરવું જોઈએ. આ દિવસે શ્રાદ્ધ કરનાર વિવાદોમાં ફસાઈ શકે છે.

 

4-જે પિતૃઓનું મૃત્યુ કોઈ હથિયારથી થયું હોય અને જેનું મૃત્યુ તિથિની ખબર ન હોય, તેમનું શ્રાદ્ધ આ તિથિએ કરવાથી તેઓ પ્રસન્ન થાય છે અને પોતાના વંશજોને આશીર્વાદ આપે છે.

 

5-જો હથિયારથી માર્યા ગયેલાં પરિજનની મૃત્યુ તિથિની ખબર ન હોય તો એ તિથિ સિવાય ચતુર્દશીએ પણ તેનું તર્પણ અને પિંડદાન જરૂર કરવું જોઈએ.

 

6-ચતુર્દશી તિથિ પર જો કોઈ પરિજનનું મૃત્યુ સ્વાભાવિક રીતે થયું હોય તો તેની આત્માની શાંતિ માટે સર્વ પિતૃ મોક્ષ અમાસના દિવસે શ્રાદ્ધ કરવું જોઈએ.

અન્ય સમાચારો પણ છે...