ઉનાના પડઘા વાપી, વલસાડ છોડીને સમગ્ર રાજ્યમાં પડ્યા

વાપી: ગીર સોમનાથના ઉના તાલુકાના સામઢીયાળાગામે મૃત પશુના ચામડા કાઢનારા દલીત યુવકો ઉપર કથિત ગૌરક્ષકોને પકડીને ક્રુરતા પૂર્વક જાહેરમાં માર માર્યો હોવાનો વીડિયો વાયરલ થતા જ સમગ્ર રાજ્યમાં દલીત સમાજ દ્વારા હિંસક આંદોલન શરૂ થઇ ગયા છે.જોકે, દર વખતની જેમ આ વખતે પણ દલીત સમાજના યુવકો ઉપર થયેલા અત્યાચારના વિરોધમાં સમગ્ર જિલ્લામાં શાંતિ જોવા મળી છે. બુધવારે વલસાડ જિલ્લા કોગ્રેંસ દ્વારા શાંતિ પૂર્વક રેલી કાઢીને આવેદન પત્ર આપવામાં આવ્યું હતું જ્યારે ગુરૂવારે વાપી આરપીઆઇના કાર્યકરોએ મામલતદાર કચેરી ખાતે એક દિવસીય ધરણાં પ્રદર્શન કરીને આવેદન પત્રક આપ્યું છે.