તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Valsad
  • Valsad સરીગામની સનસિટી બિલ્ડર ગૃપ પર અમદાવાદ ITના દરોડા

સરીગામની સનસિટી બિલ્ડર ગૃપ પર અમદાવાદ ITના દરોડા

3 વર્ષ પહેલા
  • કૉપી લિંક

દિવાળી અને નવરાત્રિ મહોત્સવના આગમન ટાંકણે જ રાજ્યના અમદાવાદ ઇન્કમ ટેક્સ વિભાગના અધિકારીઅોનો કાફલો વાપી નજીક સરીગામમાં ત્રાટક્યો હતો.દરમિયાન અત્રેના સન સિટી બિલ્ડર્સની સ્ટીલ સપ્લાય કરતી પેઢી પર ઇન્કમ ટેક્સે છાપો મારી ઝિણવટભરી તપાસ હાથ ધરી હતી.સવારથી જ ઇન્કમ ટેક્સની ટીમે બિલ,વાઉચર,બેંકિંગ ટ્રાન્ઝેક્શન અને એકાઉન્ટના હિસાબોની ચકાસણી હાથ ધરતા બાંધકામના વ્યવસાયકારોમાં ભારે ફફડાટ પેસી ગયો હતો.

ઉમરગામના સરીગામમાં નારગોલ રોડ પર આવેલ સનસિટી ગ્રુપની અોમ સ્ટીલ સપ્લાયર્સની પેઢીમાં બુધવારે સવારે અમદાવાદની ઇન્કમ ટેક્સ વિભાગની ટીમ આવી પહોંચી હતી.સૂત્રો દ્વારા મળતી માહિતી અનુસાર અત્યંત ગુપ્તરાહે ત્રાટકેલી ટીમના અધિકારીઅોઅે ગાડી પેઢીના કમ્પાઉન્ડમાં પાર્ક કરી તપાસ શરૂ કરી દીધી હતી.અોફિસમાં કોઇને આવવા જવા દીધા વિના અધિકારીઅોઅે પેઢીના વ્યવસાયિક વ્યવહારો ચકાસવા ખરીદ વેચાણના બિલો,ચૂકવણી,આવક જાવકના અેકાઉન્ટના હિસાબો,વાઉચર અને બેંકના ટ્રાન્ઝેકશન સહિત બારિકાઇથી ચકાસણી હાથ ધરી હતી.અોમ સ્ટીલ સપ્લાયર્સ કન્સ્ટ્ર્કશન વ્યવસાય ગ્રુપ સાથે સંકળાયેલું હોવાથી આ વિસ્તારના બાંધકામ ક્ષેત્રે ભારે ફફડાટ પેસી ગયો હતો.આ પેઢીમાં સવારથી મોડી સાંજ સુધી કવાયત જારી રહી હતી.જો કે આ છાપામાં બેનામી હિસાબની કેટલી રકમ મળી કે કેમ તેનો કોઇ ફોડ પાડવામાં આવ્યો ન હતો.

બે માસ અગાઉ વલસાડ ઇન્કમ ટેક્સ વિભાગની વાપી સ્થિત ઇન્વેસ્ટિગેટિંગ વિંગે વલસાડ નજીક ગુંદલાવ જીઆઇડીસીમાં યાર્ન બનાવતી પોલીમર ફેક્ટરીમાં છાપો મારતા અૌદ્યોગિક આલમમાં ફફડાટ પેસી ગયો હતો.હવે 2 માસ બાદ કન્સ્ટ્રકશન ક્ષેત્રે અમદાવાદ ઇન્કમ ટેક્સ વિભાગે મોરચો સંભાળતા વધુ બિલ્ડર આલમમાં ચકચાર જાગી છે.

સંઘપ્રદેશ મળી 14 ટીમ આવી હોવાની ચર્ચા
બુધવારે અમદાવાદ ઇન્કમ ટેક્સ વિભાગે વાપી નજીક ઉમરગામ તાલુકાના સરીગામમાં છાપો નાંખતા ઉપરાંત સેલવાસ સંઘપ્રદેશના વિસ્તારોમાં આવી 14 ટીમ આવી પહોંચી નજર રાખી રહી હોવાની ચર્ચા પણ ઉઠી હતી. પરંતુ સૂત્રોના જણાવ્યા અનુસાર સરીગામમાં પડેલા ઇન્કમ ટેક્સના છાપાથી બેનામી હિસાબો અને ગેરરિતીની શક્યતાનો ઇન્કાર થઇ શકે તેમ નથી.

અન્ય સમાચારો પણ છે...