વલસાડ પાલિકાએ માત્ર 8 ઢોર પકડી સંતોષ માન્યો

200થી વધુ ઢોર મુખ્યમાર્ગો, બજારો અને શાકભાજી મારકેટમાં ખુલ્લેઆમ રખડી રહ્યા છે

DivyaBhaskar News Network | Updated - Sep 09, 2018, 04:11 AM
Valsad - વલસાડ પાલિકાએ માત્ર 8 ઢોર પકડી સંતોષ માન્યો
વલસાડ શહેરમાં રખડતા ઢોરની ફરિયાદો થવા છતાં પાલિકા દ્વારા ગત અઠવાડિયે 1 દિવસ પૂરતું અભિયાન હાથ ધરીને હાથ ઉંચા કરી લેતાં ઢોરનું દૂષણ ચરમસીમાએ પહોંચ્યું છે.હવે શહેરના ઢોર બેચર રોડ પર માજી વડાપ્રધાન સ્વ.મોરારજી દેસાઇના સ્મારકમાં ઘૂસીને અડિંગો જમાવી રહ્યા છે.જેના કારણે શહેરીજનોમાં પણ ભારે રોષની લાગણી ફેલાઇ રહી છે.

200થી વધુ ઢોર મુખ્યમાર્ગો, બજારો અને શાકભાજી મારકેટમાં ખુલ્લેઆમ રખડી રહ્યા છે. ઢોરના માલિકોએ તેમની માલિકીના પશુઓને ખુલ્લા છોડી મૂકતા રાત્રે પણ આ ઢોરનું કોઇ ધણીધોરી ન હોવાથી રસ્તા પર બેસી રહેતા હોય છે. દિવસ દરમિયાન ટ્રાફિકની ભાંજગડ વચ્ચે વાહનચાલકો અને રાહદારીઓએ રખડતા ઢોરનું પણ જોખમ ખેડવાની નોબત આવી છે. શહેરના ગૌરવ પથ,સ્ટેડિયમ રોડ, બેચર રોડ,સ્ટેશન રોડ, તિથલ રોડ, કોસંબા રોડ,શાકભાજી મારકેટ, એમજી રોડ, નાનીખત્રીવાડ જેવા વિસ્તારોના માર્ગો પર રખડતા ઢોર પડેલા પાથર્યા રહેતા હોવા છતાં પાલિકા હાથ ઠેલે દઇને બેસી છે. તાજેતરમાં એકાદ દિવસ ઢોર પકડવાનું રાત્રિએ અભિયાન હાથ ધરીને 8 ઢોર પકડીને પાલિકા તંત્રએ સંતોષ માન્યો હતો. ત્યારબાદ સ્થિતિ જૈસે થે જેવી થઇ જતાં લોકોમાં ભારે રોષ ફેલાઇ રહ્યો છે. રસ્તા પર બેફામ ટ્રાફિક વચ્ચે ત્રાસ દાયક બનેલા રખડતા ઢોર હવે બેચર રોડ પર માજી વડાપ્રધાન સ્વ.મોરારજી દેસાઇના સ્મારકમાં અડ્ડો જમાવ્યો છે.જ્યાં આરામ ફરમાવતા નજરે પડ્યા છે. જેને લઇ લોકોમાં ભારે કૂતુહલ સર્જાયું છે.

સ્વ.મોરારજી દેસાઇનું સ્મારકની પણ જાળવણી મુશ્કેલ

વલસાડમાં માજી વડાપ્રધાન સ્વ.મોરારજી દેસાઇના સ્મારક તેમના ચાહકો માટે શ્રધ્ધાનું પ્રતીક છે.રોડ પર રખડતા ઢોરની સમસ્યાનો ઉકેલ ન આવતા ઢોરો હવે સ્વ.દેસાઇના સ્મારકને આશ્રયસ્થાન બનાવી રહ્યા છે. રમેશભાઇ ત્રિપાઠી,સ્થાનિક

સ્મારકમાં ઘૂસીને અડ્ડો જમાવે છતાં કોઇ કાર્યવાહી નથી

વલસાડમાં રખડતા ઢોરને પકડવાની કોઇ નક્કલ લાંબી કાર્યવાહી પાલિકા દ્વારા કરાતી નથી.પરિણામે ઢોરનો ત્રાસ લોકો માટે વધી ગયો છે.માજી વડાપ્રધાનના સ્મારકમાં પણ ઢોર અડિંગો જમાવી રહ્યા છે છતાં કોઇ કાર્યવાહી કરાતી નથી.ઉચ્ચ સ્તરે ફરિયાદ છતાં પરિણામ નથી. અરૂણ વશી,સામાજિક કાર્યકર

X
Valsad - વલસાડ પાલિકાએ માત્ર 8 ઢોર પકડી સંતોષ માન્યો
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App