Divya Bhaskar

Home » Daxin Gujarat » Latest News » Valsad » Tissue culture method yielded 42 tonnes of banana production in one acre

કેળની ખેતીમાં અપનાવી આ પદ્ધતિ, હવે લાખોમાં આવક- વિદેશોમાં નિકાસ

Divyabhaskar.com | Updated - May 21, 2018, 12:53 AM

ટીશ્યુ કલ્ચર પદ્ધતિથી એક એકરમાં 42 ટન કેળાનું ઉત્પાદન મેળવતા આદિવાસી ખેડૂતો

  • Tissue culture method yielded 42 tonnes of banana production in one acre
    +2બીજી સ્લાઈડ્સ જુઓ
    ખુંટલી ગામના 80 ટકા ખેડૂતોએ કેળની ખેતીમાં આધુનિક પદ્ધતિ અપનાવી

    ધરમપુર: કપરાડા તાલુકાના ખૂટલી ગામે બીપીએલ સહિત અન્ય 80 ટકા આદિવાસી મહિલા ખેડૂત સહિતના ખેડૂતોએ આધુનિક ટીસ્યૂ કલ્ચર થકી કેળાની ખેતીના સથવારે લાખો રૂપિયાની આવક ઉભી કરી છે. ગામની રૂબરૂ મુલાકાતમાં ઠેરઠેર કેળાની કલમો લીલીછમ નજરે ચઢે છે. ગામના 80 ટકા ખેડૂતો કેળની ખેતી કરી એક એકરમાં 42 ટન કેળાનું ઉત્પાદન મેળવી વર્ષમાં અંદાજે 5 લાખ રૂપિયાથી વધુની આવક મેળવશે.

    ખેડૂત 12 હજારના બજાર ભાવ પ્રતિ ટનના હિસાબે અંદાજીત રૂ. 5 લાખની આવક મેળવશે

    આશરે 2318 જેટલી વસ્તી ધરાવતા કપરાડા તાલુકાના ખૂટલી ગામના આશરે 200 ખેડૂતો પૈકી 40 જેટલા ઝીરોથી 20 સુધીના સ્કોર ધરાવતા બીપીએલ ખેડૂતોને આધુનિક ટીસ્યૂ કલ્ચર કેળની ખેતી માટે વનબંધુ કલ્યાણ યોજના અંતર્ગત આદિજાતિ વિકાસ વિભાગ, ગાંધીનગર અને વલસાડની પ્રાયોજના વહીવટદારના સીધા માર્ગદર્શન હેઠળ બરોડાની જીએસએફસી દ્વારા તેમની લેબોરેટરીમાં વૈજ્ઞાનિકોએ તૈયાર કરેલા રોગમુક્ત અને ઉચ્ચ ગુણવત્તાયુક્ત કેળના ટીસ્યૂ કલ્ચર રોપા સહિત જીએસએફસી ડેપોના સો ટકા પારદર્શક પદ્ધતિથી PDS મશીનથી તૈયાર ખાતર વિનામૂલ્યે ઘરઆંગણે ગત નવેમ્બર માસમાં અપાયું હતું. આ સમગ્ર યોજનામાં એનાર્ડે ફાઉન્ડેશન ટ્રસ્ટ, ધરમપુરના પ્રોજેકટ ઓફિસર ચેતનસિંહ ઠાકોર અને ફિલ્ડ સુપરવાઈઝર દિનેશભાઇ ચૌધરીએ ખૂટલી ગામના ખેડૂતોને યોજનાની માહિતી આપી હતી. અને ખેડૂતોની પસંદગી કરી સરકારમાંથી કેળ યોજનાનો લાભ અપાવી તેનું વાવેતર કરાવી તેની યોગ્ય માવજત કરવા માર્ગદર્શન આપ્યું હતું.


    એક મુલાકાતમાં ચેતનસિંહ ઠાકોરના જણાવ્યા મુજબ આ યોજના થકી ખેડૂતોને 12 માસના ટૂંકા ગાળામાં એક ખેતરમાં એક રોપા ઉપર 30થી 40 કિલો સુધીની કેળાની લૂમનું ઉત્પાદન મળી શકશે. આમ એક એકરની જમીનમાં સરેરાશ 42 ટન કેળાના ઉત્પાદનની શક્યતાને લઈ બજાર ભાવ આશરે 12,000 રૂપિયા ટનના હિસાબે અંદાજીત રૂપિયા 5લાખની આવક મળી શકશે. જેમાં પ્રથમ વર્ષે થતો કુલ ખર્ચ અંદાજે રૂપિયા 80થી 90 હજારની સામે મળતી સરકારી રૂપિયા 45 હજાર જેટલી સહાયને લઈ જમીન તૈયાર કરવી, રોપણી, નિંદામણમાં માત્ર રૂપિયા 35થી 40 હજાર ખર્ચ થતો હોય છે.


    વધુમાં તેમણે કહ્યું કે બીજા વર્ષે કેળાના ઉત્પાદન પછી દસ મહિનાના સમયગાળામાં અંદાજે રૂપિયા 35થી40 હજારના વાર્ષિક ખર્ચની સામે થતા લામના 35થી36 ટનના ઉત્પાદનની સંભાવના રહે છે. જેમાંથી બીજી ચાર લાખ રૂપિયાની આવક મળી શકે. ત્યાર બાદ બીજા વર્ષના અંતે ખેડૂત એમાંથી 8થી 10 હજાર કેળાની ગાંઠ અન્ય ખેડૂતને વેચી વધારાની 30થી35 હજાર રૂપિયાની આવક મેળવી શકશે અને બે વર્ષની કેળની ખેતી દરમ્યાન કેળના થડ અને પાંદડાનો પોતાના ઘરે સેન્દ્રીય ખાતર બનાવવા માટે ઉપયોગ કરી ઓર્ગેનિક ખેતી તરફ આગળ વધશે. ઉપરાંત વલસાડ જિલ્લાના અન્ય 300 બીપીએલ ખેડૂતોને આ યોજનાનો લાભ અપાયો છે.

    આગળ વાંચો: કેળા વિદેશ મોકલવાનું પણ આયોજન

  • Tissue culture method yielded 42 tonnes of banana production in one acre
    +1બીજી સ્લાઈડ્સ જુઓ
    ખેડૂત 12 હજારના બજાર ભાવ પ્રતિ ટનના હિસાબે અંદાજીત રૂ. 5 લાખની આવક મેળવશે

    કેળા વિદેશ મોકલવાનું પણ આયોજન


    પી.એમ. નરેન્દ્રભાઇ મોદીએ તેમના વક્તવ્યમાં અગામી વર્ષ 2022 સુધીમાં દેશના ખેડૂતોની આવક ડબલ કરવાનો સંકલ્પ વ્યકત કર્યો છે. ત્યારે ખૂટલી ગામના આદિવાસી ખેડૂતો અગામી વર્ષ 2019માં તેમની આવક ચાર ગણી કરી એક જીવંત ઉદાહરણ પૂરું પાડી અન્ય ખેડૂતોને પ્રેરિત કરશે. તેમજ અગામી વર્ષે એક્સપોર્ટ કંપની સાથે થયેલા MOU પ્રમાણે તમામ કેળા વિદેશ મોકલવાનું આયોજન પણ થયું છે- ચેતનસિંહ આઈ. ઠાકોર, પ્રોજેકટ ઓફિસર, એનાર્ડે ફાઉન્ડેશન ટ્રસ્ટ, ધરમપુર

     

    આગળ વાંચો: 15 ગામોમાં આ પદ્ધતિ અપનાવાશે

  • Tissue culture method yielded 42 tonnes of banana production in one acre
    15 ગામોમાં આ પદ્ધતિ અપનાવાશે

    15 ગામોમાં આ પદ્ધતિ અપનાવાશે

     

    આજથી 10, 15 વર્ષ અગાઉ દેશી પદ્ધતિથી ખેતી કરતા ખેડૂતોને વધુ ખર્ચની સામે ઓછો નફો થતો હતો. પરંતુ ખેડૂતોને માર્ગદર્શન અને સરકારી સહાય મળતા ઓછા ખર્ચે એકર દીઠ કેળાની ખેતીમાં ઓછા ખર્ચે અને સારી માવજતને લઈ સારી એવી આવક મળતા તેઓ આર્થિક રીતે સધ્ધર બનશે. સાથે કપરાડા તાલુકાના આજુબાજુના ગામડાઓ આમધા, ઓઝરડા, વાડધા, જીરવલ સહિત અન્ય 15 ગામમાં પણ એનાર્ડે ટ્રસ્ટના સહયોગથી ટીસ્યૂ કલ્ચર કેળની ખેતીની શરૂઆત કરાઈ છે- ઈશ્વરભાઈ મંગળભાઈ જાદવ, સરપંચ, ખુંટલી

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

Trending